ఒక వస్తువుని ఇష్టపడి కొనుగోలు చేసినప్పుడు అది సరిగ్గా పనిచేయకపోతే ఎవరికైనా కోపం వస్తుంది. అదే ఎంతో ముచ్చటపడి లక్షలు పోసి కొనుగోలు చేసిన కారు మొరాయిస్తే ఎలా ఉంటుంది చెప్పడి? అలాంటి పరిస్థితే ఇతనికి ఎదురైంది. ఆ విషయంలో అతను చేసిన పని ఇప్పుడు అందరినీ నవ్విస్తోంది.
సొంత కారు అనేది ప్రతి ఒక్కరి కల. సొంత కారు కొనుగోలు చేసేందుకు చాలా కష్టపడతారు. అయితే అందరి సగంతి ఏమో గానీ.. కొందరికి మాత్రం ఎంతో ముచ్చటపడి కొనుక్కున్న వస్తువులు బాగా ఇబ్బంది పెడుతుంటాయి. అసలు ఎందుకు అలా జరిగింది అనే కారణాలను పక్కన పెడితే.. ముచ్చటపడి పడి కొనుకుంటే మూడు చెరువుల నీళ్లు తాగే పరిస్థితి ఎదురవుతుంటుంది. అలాంటి ఒక ఘటన ఇది. ఒక వ్యక్తి ఎంతో ముచ్చటపడి కొనుక్కున్న కారు నెలకే మొరయించడం మొదలెట్టింది. ఎక్కడికక్కడ నా వల్ల కాదు అంటూ చేతులెత్తేస్తుంది. ఎంత చెప్పినా షోరూమ్ వాళ్లు వినిపించుకోకపోవడంతో వినూత్న రీతిలో ఆ నిరసన తెలియజేశాడు. అందుకు సంబంధించిన వీడియో ఇప్పుడు నెట్టింట తెగ వైరల్ అవుతోంది.
ఈ ఘటన రాజస్థాన్ రాష్ట్రం ఉదయ్ పూర్ లోని సుందర్ వాస్‌ లో జరిగింది. శంకర్ లాల్ అనే వ్యక్తి అక్షరాలా 18 లక్షల రూపాయలు పెట్టి ఒక కొత్త కారు కొనుగోలు చేశాడు. అయితే అది అతని వద్దకు వచ్చిన కొద్ది రోజులకే మొరయించడం ప్రారంభించింది. ఆ సమస్య గురించి అతను చాలాసార్లు షోరూమ్ ప్రతినిధులతో, డీలర్ తో మాట్లాడి చూశాడు. అయితే వాళ్లు కారు బ్యాటరీ డౌన్ అయింది.. కాస్త తోస్తే సరిపోతుందని చెప్పారట. అలా ఎన్నిసార్లు చేసినా మళ్లీ అదే సమస్య రిపీట్ అవుతున్నట్లు శంకర్ లాల్ తెలిపాడు. రెండుసార్లు దానిని రిపేర్ చేయించినా కూడా ఫలితం లేదని అతను తెలిపాడు.
గతంలో కూడా ఎక్కడంటే అక్కడ నిలిచిపోయినట్లు వెల్లడించాడు. ఈసారి ఫ్యామిలీ ఫంక్షన్ కు వెళ్లిన సమయంలో కారు మళ్లీ ఆగిపోయింది. శంకర్ లాల్ ఆ సమయంలో షోరూమ్ వారిని సంప్రదించినట్లు తెలిపాడు. అయితే అత్యవసర సేవలను అందించేందుకు షోరూమ్ నిర్వాహకులు నిరాకరించారంటూ శంకర్ లాల్ ఆరోపించాడు. ఇంక చేసేది లేక షోరూమ్ తీరుపై శంకర్ లాల్ వినూత్న రీతిలో నిరసన తెలిపాడు. కారుకి రెండు గాడిదలను కట్టి షోరూమ్ కు లాక్కెళ్లాడు. అయితే ఈ ఘటనపై షోరూమ్ వారి వాదన వేరేలా ఉంది. కారుకి ఆ యజమాని కొన్ని మోడిఫికేషన్స్ చేయించారని.. అందుకే కారు ట్రబుల్‌ ఇస్తోందని ఆరోపించారు. తమ తప్పేం లేదంటూ చెప్పుకొచ్చారు. అంతేకాకుండా సమస్యను పరిష్కరించేందుకు తమవంతు కృషి చేస్తున్నట్లు వెల్లడించారు. ఎవరి వాదన కరెక్ట్‌ అనేది పక్కన పెడితే.. ఆ వీడియో మాత్రం నెట్టింట వైరల్ అవుతోంది.
Never mess with #indians#Udaipur: 18 lakh car broke down, the owner dragged it with donkeys and sent it back to the showroom,
Angry car owner called the showroom but they didn’t help. So, he used donkeys to pull his car. Watch why he did that.#hyundai #donkeypullcar #creta pic.twitter.com/OZMsMoFXyd
— Siraj Noorani (@sirajnoorani) April 26, 2023
