సీఎం పక్కనే కూర్చొని సర్కారుపై విమర్శలు.. మైకు లాక్కున్న సీఎం

ఒక రాష్ట్ర ముఖ్యమంత్రి సభలో ఉండగానే ప్రభుత్వం మీద ఓ స్వామీజీ విమర్శలు చేయడం హాట్ టాపిక్‌గా మారింది. అలా మాట్లాడుతున్న స్వామీజీ చేతుల్లో నుంచి సీఎం మైక్ లాక్కోవడం చర్చనీయాంశమైంది. ఇది కర్ణాటకలో జరిగింది. ఆ రాష్ట్ర ముఖ్యమంత్రి బసవరాజ్ బొమ్మై పక్కనే కూర్చుని ఓ స్వామీజీ.. రాష్ట్ర సర్కారు మీద విమర్శలు చేశారు. ఈ పరిణామంతో అసహనానికి గురైన బొమ్మై.. వెంటనే ఆ స్వామీజీ చేతుల్లో ఉన్న మైకును లాగేసుకున్నారు. బీజేపీ ప్రభుత్వంపై ఆ స్వామీజీ చేసిన విమర్శలను బొమ్మై తిప్పికొట్టే ప్రయత్నం చేశారు. ఈ ఘటనకు సంబంధించిన వీడియో ఇప్పుడు నెట్టింట వైరల్‌గా మారింది. కర్ణాటకలోని మహదేవపురలో రిపబ్లిక్ డే సందర్భంగా గురువారం ఓ పబ్లిక్ ఈవెంట్ నిర్వహించారు. మహదేవపురలోని గరుడచార్పల్య ప్రాంతంలోని మంజునాథ ఆలయంలో నిర్వహించిన ఈ కార్యక్రమంలో రాష్ట్ర సీఎం బసవరాజ్ బొమ్మై పాల్గొన్నారు. కాగినేలె మహాసంస్థాన కనక గురు పీఠాధిపతి ఈశ్వరనందపురి స్వామీజీ కూడా ఈ ఈవెంట్‌లో పాల్గొన్నారు. ఈ సందర్భంగా ఈశ్వరనందపురి స్వామీజీ మాట్లాడుతూ.. బెంగళూరులో సరైన మౌలిక సదుపాయాలు లేక ప్రజలు ఇబ్బందులు పడుతున్నారని అన్నారు.

బెంగళూరులోని టెక్ కారిడార్‌లో రోడ్ల పరిస్థితి అధ్వానంగా తయారైందని ఆ సభలో స్వామీజీ ఈశ్వరనందపురి అన్నారు. ప్రజాప్రతినిధులు, అధికారులు వర్షాలు పడినప్పుడు మాత్రమే ఇక్కడకు వస్తున్నారని.. ఇవన్నీ తాము చాలా కాలంగా చూస్తున్నామని చెప్పారు. ప్రజా సమస్యలను ఎలా పరిష్కరించాలో ప్రజలకు తెలియదా అని ఆయన ప్రశ్నించారు. దీనికి శాశ్వత పరిష్కారం కల్పిస్తామని సీఎం కూడా గతంలో హామీలు ఇచ్చారని.. కానీ ప్రజల్లో భరోసా కల్పించలేకపోయారని స్వామీజీ వ్యాఖ్యానించారు. ఇలా ఆయన మాట్లాడుతుండగానే సీఎం బొమ్మై మైకును లాక్కున్నారు. రోడ్ల మరమ్మతు కోసం తమ సర్కారు చేస్తున్న ప్రయత్నాన్ని ఆయన వివరించారు. రోడ్ల మరమ్మతు కోసం ప్రణాళిక సిద్ధం చేశామని.. నిధులు కూడా రిలీజ్ చేశామన్నారు. గత సీఎంల మాదిరిగా హామీ ఇచ్చి మర్చిపోయే రకం కాదని.. చెప్పింది చేస్తానని, నిశ్చింతంగా ఉండాలని సీఎం బొమ్మై పేర్కొన్నారు. మరి, స్వామీజీ చేతుల్లో నుంచి ముఖ్యమంత్రి మైకును లాక్కోవడంపై మీ అభిప్రాయాలను కామెంట్ల రూపంలో తెలియజేయండి.

Seated next to the #Karnataka CM a seer raked up the issue of flooding in #Bengaluru & questioned empty assurances by leaders to resolve the issue, at this point CM #BasavarajBommai seems irked, snatches the mic and clarifies that he is a CM someone who walks the talk.#BJPGovt pic.twitter.com/sVZUr3xFX9

— Hate Detector 🔍 (@HateDetectors) January 27, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.