follow us:
సాధారణంగా మనల్ని ప్రాణాపాయ స్థితి నుంచి కాపాడిన వ్యక్తికి మనం ఏమిస్తాం. ఓ కౌగిలింత.. లేదా షేక్ హ్యాండ్ ఇచ్చి కృతజ్ఞతలు చెబుతాం. కొద్దిగా డబ్బున్న వారైతే తమకు తోచినంత చేతికి ఇస్తారు. కానీ గురుగ్రామ్ కు చెందిన ఓ వ్యక్తి మాత్రం తన ప్రాణాలు కాపాడిన వ్యక్తిని అనుకోని విధంగా ట్రీట్ చేశాడు. ప్రస్తుతం ఈ వీడియో నెట్టింట వైరల్ గా మారింది. ఈ వార్తకు సంబంధించి మరిన్ని వివరాల్లోకి వెళితే..
వరుణ్ నాథ్ గురుగ్రామ్ లోని క్లోజ్ నార్త్ సోసైటీకి చెందిన అపార్ట్ మెంట్ లో ఉంటున్నాడు. ఈ క్రమంలో ఏదో పని మీద 14వ అంతస్థు నుంచి కిందకి లిఫ్ట్ ద్వారా వస్తున్నాడు. అయితే లిఫ్ట్ లో ఏదో సమస్య వచ్చి మధ్యలో ఆగిపోయింది. దాంతో వరుణ్ సెక్యూరిటీకి లిఫ్ట్ లో ఉన్న ఇంటర్ కమ్ ద్వారా సమాచారం తెలిపాడు. అక్కడే ఉన్న సెక్యూరిటీ అశోక్ వెంటనే లిఫ్ట్ రిపేర్ చేసే వ్యక్తిని అక్కడికి తీసుకెళ్లి సమస్యను పరిష్కరించాడు. దానికి ఎక్కువ సమయం కూడా పట్టలేదు.
ఇక సమస్య తీరిపోవడంతో వరుణ్ నాథ్ లిఫ్ట్ నుంచి బయటకు వచ్చాడు. వచ్చీరాగానే సెక్యూరిటీ గార్డును దుర్బాషలాడుతూ.. అతడిపై చేయి చేసుకున్నాడు. అతడు ఎంత చెబుతున్నాగానీ వినిపించుకోలేదు. వరుణ్ అంతటితో ఆగకుండా రిపేర్ మ్యాన్ పైనా చేయి చేసుకున్నాడు. ఇదంతా అక్కడ ఉన్న సీసీ కెమెరాలో రికార్డు అయ్యింది. లిఫ్ట్ సమస్యను తీర్చి అతడిని బయటకి తీసుకొస్తే మాపైనే దాడి చేస్తాడా అంటూ అపార్ట్ మెంట్ లో ఉన్న సెక్యూరిటీ గార్డులందరూ ఆదోళనకు దిగారు.
వరుణ్ పై తక్షణమే సొసైటీ చర్యలు తీసుకోవాలని వారు కోరారు. అదీ కాక సెక్యూరిటీ గార్డుల ఫిర్యాదుతో పోలీసులు కేసు నమోదు చేసుకుని దర్యాప్తు చేపట్టారు. ఇక ప్రాణాలు కాపాడిన వ్యక్తిపై ఈ విధంగా చేయి చేసుకోవడం ఏంటని నెటిజన్స్ స్పందిస్తున్నారు. ఈ సంఘటనపై మీ అభిప్రాయాలను కామెంట్స్ రూపంలో తెలియజేయండి.
How much punishment for this piece of shit? He was stuck in the lift in Gurugram’s The Close North Nirvana Country colony. Watch what he does when he gets out. His name is Varun Nath. Police complaint filed. Least he deserves is the same treatment: https://t.co/okwhEQ9bip pic.twitter.com/uLYyKAzeUd
— Shiv Aroor (@ShivAroor) August 29, 2022
