follow us:
ఈ మధ్యకాలంలో బయటి భోజనం చేయాలంటే జనం భయపడుతున్నారు. ఎందుకంటే ఏ ఆహారంలో ఏ జీవులు ప్రత్యక్షం అవుతాయో అనే భయం. భోజనం చేస్తున్న సమయంలో బళ్లులు, బొద్దింకలు ఆహారంలో బయటపడిన సంఘటనలు చాలనే చూశాం. కానీ ఇప్పుడు మీకు చెప్పబోయే వార్త.. వీటికి మించి ఉంటుంది. పాములు దూరంగా ఉన్నప్పుడు కనిపిస్తేనే కొందరం వణికిపోతాం. అలాంటిది భోజనం చేస్తున్న సమయంలో ప్లేట్ లో ప్రత్యక్షమైతే.. ఇక చెప్పనక్కర్లేదు. భయంతో వణిపోతాం. అలాంటి అనుభవమే టర్కీకి చెందిన విమాన సంస్థలో పని చేస్తున్న సిబ్బందికి ఎదురైంది. ఫ్లైట్ లో అందించిన ఆహారం తింటుండగా పాము తల కనిపించింది. దీంతో వారు ఒక్కసారిగా హడలిపోయారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది. వివరాల్లోకి వెళ్తే..
ఇండిపెండెంట్ న్యూస్ ఏజెన్సీ తెలిపిన ప్రకారం.. టర్కీలోని అంకారా నుంచి జర్మనీలోని డస్సెల్ డార్ఫ్ కు సన్ ఎక్స్ ప్రెస్ అనే విమానం వెళ్తుంది. ఈ క్రమంలో అందులోని సిబ్బందికి సదరు సంస్థ ఆహారం అందించింది. విమానంలో వారు ఆహారాన్ని తింటుండగా ..కొన్ని రకాల కూరల మధ్యలో పాము తల కనిపించింది. సోషల్ మీడియాలో షేర్ చేసిన వీడియోలో.. ఆహారం వడ్డించిన ప్లేట్ మధ్యలో చిన్న పాము తల స్పష్టంగా కనిపిస్తోంది. అయితే ఈ ఘటనను సదరు ఎయిర్ లైన్స్ ప్రతినిధి ఖండించారు. 280 డిగ్రీల సెల్సియస్‌ వద్ద ఉడికించిన వంటలో.. తాజాగా ఉన్న పాము తల ఎక్కడి నుంచి వస్తుందని ప్రశ్నించింది?.
వంట వండిన తర్వాత దానిని వేసి ఉంటారని పేర్కొంది. ఆహార సరఫర చేస్తున్న వారితో కాంట్రాక్టును తాత్కాలికంగా నిలిపివేసి దర్యాప్తు చేపట్టినట్లు తెలిపారు. “ముప్పై ఏళ్లుగా విమాన సేవల్లో ప్రయాణికులకు, సిబ్బందికి ఎలాంటి ఇబ్బందులు కలగకుండా చూసుకున్నాం. భవిష్యత్తులో కూడా సురక్షితమైన ప్రయాణాలను కల్పించటమే తమ లక్ష్యం” అని పేర్కొన్నారు. ప్రస్తుతం భోజనంలో పాము తల వీడియో సోషల్ మీడియాలో తెగ వైరల్ అవుతోంది. ఈ ఘటనపై మీ అభిప్రాయాలను కామెంట్స్ రూపంలో తెలియజేయండి.
Severed snake head found in a Sunexpress in-flight meal.
The flight was enroute to Düsseldorf from Ankara when a cabin crew member, who had eaten most of the meal, found it.
Dead snails have previously appeared in the airline’s flight meals.
A company providing catering suspended pic.twitter.com/nAgg2wSUIK— Handy Joe (@DidThatHurt2) July 26, 2022
