follow us:
పంచ భూతాలలో ఏ ఒక్క భూతం ప్రకోపించినా ఈ సృష్టికి వినాశనం తప్పదు. అందుకు తగ్గట్లుగానే ప్రకృతి ప్రపంచ వ్యాప్తంగా అక్కడక్కడ తన కోపాన్ని ప్రదర్శిస్తూనే ఉంది. ఆ కోపం కారణంగా ఎంతో మంది తమ ప్రాణాలను సైతం కోల్పొతున్నారు. ఇక వర్షాకాల సీజన్ అయితే నగరాలను, పట్టణాలను వరదలు ముంచెత్తిన సంఘటనలు మనం చాలానే చూశాం. ఈ క్రమంలో భారీ వరదలు ఓ పట్టణాన్ని ముంచెత్తాయి. ఆ వరదల్లో భారీగా ఆస్తి నష్టం కూడా సంభవించింది. అదీ కాక ఓ వ్యక్తికి చెందిన రూ.8 కోట్ల విలువైన కారు సైతం వరదల్లో కొట్టుకుపోయింది. ఇక ఈ వార్తకు చెందిన మరిన్ని వివరాల్లోకి వెళితే..
హరికేన్.. మన దగ్గర ఈ పేరు పెద్దగా తెలియక పోవచ్చు కానీ.. అమెరికాకు ఈ పేరంటే వణుకే. ఎందుకంటే? అమెరికాలో వచ్చే తుపాన్ లను హరికేన్ లని పిలుస్తారు. తాజాగా అమెరికాలోని ఫ్లోరిడా నగరాన్ని ఇయన్ హరికేన్ అతలాకుతలం చేస్తోంది. ఈ ఇయన్ తుపాన్ ధాటికి నగరంలోని రోడ్లన్నీ జలమయం అయ్యాయి. ఇళ్లలోకి వరద నీరు చేరింది.. ఇక ఇంటి స్థలాల్లో పార్క్ చేసిన వాహనాలు సైతం కొట్టుకుపోయాయి. వరద నీటిలోకి షార్క్ లు సైతం కొట్టుకొస్తున్నాయి. ఈ వరదల ధాటికి వలసకారుల పడవ బోల్తా పడ్డట్లు పోలీసులు తెలిపారు. ఈ క్రమంలోనే ఈ వరదలకు సంబంధించిన కొన్ని ఫొటోలు నెట్టింట వైరల్ గా మారాయి.
ఓ వ్యక్తికి చెందిన మెక్ లారెన్ కంపెనీకి చెందిన p1 సూపర్ కారు ఈ వరద నీటిలో కొట్టుకుపోయింది. ఈ కారు విలువ ఎంతో తెలుసా? 1 మిలియన్ డాలర్లు.. అంటే భారత కరెన్సీలో సుమారు రూ.8 కోట్లు అన్న మాట. అయితే కారు నీటిలో కొట్టుకుపోయే దృశ్యాలు ఇప్పుడు సోషల్ మీడియాలో వైరల్ గా మారాయి. ఈ వీడియో చూసిన నెటిజన్స్ స్పందిస్తూ..”ఇది చాలా బాధాకరమైన విషయం.. కారు పోతే పోయింది మీరు మంచిగా ఉండండి” అంటూ కొందరు కామెంట్స్ చేస్తున్నారు. మరికొందరేమో.. ఈ కారు కొందానికి ఎన్ని సంవత్సరాలు డబ్బులు దాచుకున్నాడో పాపం.. అంటూ రాసుకొచ్చారు. ఇయన్ హరికేన్ బీభత్సానికి ఫ్లోరిడా నగరం మెుత్తం సముద్రాన్ని తలపిస్తోంది. రవాణా స్తంభించింది. భారీ బిల్డింగ్ లు సైతం నేలకొరిగాయి. ప్రభుత్వం సహాయక చర్యలను చేపడుతోంది.
View this post on Instagram
