టర్కీ వాసులను భయపెట్టిన గ్రహంతర వాసులు..?

విశ్వంలోని భూ గ్రహం మీద మానవాళి కాకుండా మరో కొన్నిజీవరాశులు ఉన్నాయి. మనకు తెలిసినవి ఇవే.. కానీ భూమికి ఆవల ఉన్న మరో గ్రహంలో కొన్ని ప్రాణులు ఉన్నాయని కథలు కథలుగా చెప్పుకుంటున్నాం. అవే గ్రహంతర వాసులు. ఒక్కోసారి ఆకాశంలో ఏవో ఎగురుతూ కనిపిస్తున్నాయని కొంత మంది అనుకుంటూ ఉంటారు. వాటికి ఫ్లైయింగ్ సాసర్లు (ఎగిరే పళ్లాలు) అని నామకరణం చేశారు. గ్రహంతర వాసులు వాహనంగా వీటిని భావిస్తుంటారు. వీటి ద్వారానే అవి ఆకాశంలో విహరిస్తాయని, భూమిపైకి వస్తాయని చెప్పుకుంటూ ఉంటాం.  అయితే వీటికి సంబంధించి ఏవీ శాస్త్రీయంగా రుజువు కాలేదు.

అయితే టర్కీలో ఇటీవల ఆకాశంలో ఓ అద్భుతం చోటుచేసుకుంది. బుర్సా పట్టణ వాసులకు గురువారం ఉదయం ఆకాశంలో ఫ్లైయింగ్ సాసర్ ఆకారం కనిపించడంతో.. గ్రహాంతర వాసులు వస్తున్నారేమోనని భయాందోళనలకు గురయ్యారు. కాసేపటికి అది ఎగిరే పళ్లాలు కాదని తేలడంతో ఊపిరి పీల్చుకున్నారు. అసలు విషయం తెలిసి నవ్వుకున్నారు. ఓ భారీ మేఘం ఇలా ఫ్లయింగ్ సాసర్ ఆకారంలా కనిపించింది. ప్రస్తుతం దీనికి సంబంధించిన వీడియోలను సోషల్ మీడియాలో షేర్ చేయడంతో వైరల్ గా మారాయి.

ఆకాశంలో మేఘాలు ఈ వింత ఆకారంలో కనిపించడంతో గ్రహంతర వాసులు భూమి మీదకు వచ్చేస్తున్నారని టర్కీ వాసులు ఆందోళన చెందారు. ఫ్లైయింగ్ సాసర్ రూపంలో మేఘాలు ఏర్పడటంపై టర్కీ మెటరలాజికల్ సంస్థ ప్రతినిధి వివరణ ఇచ్చారు. ఇలాంటి మేఘాలు రెండు వేల నుండి 5 వేల మీటర్ల ఎత్తున్న పర్వత ప్రాంతాల్లో మాత్రమే ఏర్పడతాయని చెప్పారు. ఎత్త్తైన ప్రదేశాల్లో గాలుల వేగం క్షణ క్షణానికీ మారుతుందని, బలమైన గాలులు వీస్తున్నప్పుడు ఉన్నట్టుండి ప్రశాంతత నెలకొంటుందని చెప్పారు. గాలి వేగం చోటుచేసుకునే అసాధారణ మార్పుల వల్ల వివిధ రూపాల్లోకి మేఘాలు మారుతుంటాయని తెలిపారు. ఈ మేఘాలు కనిపించాయంటే.. ఆ రోజు లేదా మరుసటి రోజు వర్షం పడుతుందని తెలిపారు.

#Turkey an unusual dawn this morning. Footage of a rare natural phenomenon called #UFO lenticular/spying foehn clouds. 🇹🇷 pic.twitter.com/Mw9SJx3mAN

— ByronJ.Walker™Quotes (@ByronJWalker) January 21, 2023