టాలీవుడ్ లో హీట్ పెంచిన రాజమౌళి కామెంట్స్! పవన్ ఫ్యాన్స్ ఫైర్!

ఫిల్మ్ డెస్క్- పవర్ స్టార్ పవన్ కళ్యాణ్ అభిమానులు తీవ్ర అసంతృప్తితో ఉన్నారు. తమ అభిమాన హీరో సినిమా భీమ్లా నాయక్ ను సంక్రాతి బరి నుంచి తప్పించి, వాయిదా వేయడాన్ని పవన్ ఫ్యాన్స్ జీర్ణించుకోలేకపోతున్నారు. వకీల్ సాబ్ సినిమా తరువాత పవన్ కళ్యాణ్ నటించిన భీమ్లా నాయక్ మూవీ కోసం అభిమానులు ఎంతో ఆత్రుతగా ఎదురు చూస్తున్నారు.

ఇదిగో ఇటువంటి సమయంలో చివరి క్షణంలో భీమ్లా నాయక్ సినిమా విడుదలను వాయిదా వేయడం ఏంటన్ పవన్ కళ్యాణ్ ఫ్యాన్స్ ఆగ్రహం వ్యక్తం చేస్తున్నారు. భీమ్లా నాయక్ మూవీని సంక్రాతి బరనుంచి తప్పించడం వెనుక నిర్మాత దిల్ రాజు స్వార్థం ఉందని కొందరు కామెంట్స్ చేస్తుండగా, తాజాగా దర్శకధీరుడు రాజమౌళి చేసిన ట్వీట్స్‌ అందుకు ఆజ్యం పోస్తోంది.

మొన్నటి వరకు భీమ్లా నాయక్‌ సినిమాను సంక్రాంతి కానుకగా జనవరి 12న విడుదల చేస్తామని ప్రకటించిన చిత్రయూనిట్, ఇప్పుడు ఆర్ఆర్ఆర్ సహా మరి కొన్ని సినిమాలు సంక్రాతికి విడుదల అవుతుండటంతో, ఆరోగ్యకరమైన వాతావరణం కోసం ఈ సినిమా విడుదలను ఫిబ్రవరి 25కు వాయిదా వేస్తున్నట్లు ప్రకటించింది. ఐతే దీని వెనుక చాలా రాయబారాలు నడిచాయని తెలుస్తోంది. అందుకే ఈ చిత్ర నిర్మాత నాగవంశీ సైతం అభిమానులకు క్షమాపణలు చెబుతూ తన చేతిలో ఏమీ లేదని చెప్పుకొచ్చారు.

పవన్ భీమ్లా నాయక్ విడుదల వాయిదా వేస్తున్నట్లు ప్రకటించాక, రాజమౌళి చేసిన ట్వీట్స్ మరిన్ని అనుమానాలకు తావిస్తూ, పవన్ కళ్యామ్ అభిమానుల ఆగ్రహాన్ని రెట్టింపు చేశాయని సోషల్ మీడియాలో వస్తున్న కామెంట్స్ చూస్తే అర్థమవుతోంది. నా హీరో మహేష్ బాబు సర్కారు వారి పాట ను ఆర్ఆర్ఆర్ మూవీకి పోటీగా రిలీజ్ చేయవద్దని నిర్ణయం తీసుకున్నందుకు థ్యాంక్స్ అంటూ ట్వీట్‌ చేసిన రాజమౌళి. ఆ వెంటనే భీమ్లా నాయక్‌ రిలీజ్ పోస్ట్ పోన్ చేసినందుకు చినబాబు, పవన్ కళ్యాణ్‌ అభినందనీయులు అంటూ ట్వీట్ చేశారు.

అంతే కాదు దిల్ రాజు నిర్మిస్తున్న F3 సినిమా రిలీజ్ డేట్‌ను ఫిబ్రవరి 25 నుంచి ఎప్రిల్ 29వ తేదీకి వాయిదా వేయడంపైనా రాజమౌళి థ్యాంక్స్ చెప్పారు. ఐతే మహేష్ బాబు సర్కారు వారి పాట సినిమా ఇప్పుడు కాదు, ఎప్పుడో వాయిదా పడిందని పవన్ అభిమానులు అంటున్నారు. అంతే కాదు F3 పనులు ఇంకా చాలా పెండింగ్‌లో ఉన్నాయని చెబుతున్నారు. అలాంటి ఈ సినిమాల ప్రస్తావన తీసుకొస్తూ, సంక్రాంతి బరి నుంచి భీమ్లా నాయక్ ను ఆఖరి నిమిషంలో తప్పించి థాంక్స్ చెప్పడం ఏమంత సమంజసంగా అనిపించడం లేదని పవన్ ఫ్యాన్స్ అంటున్నారు. మరి దీనిపై రాజమౌళి ఏ మేరకు స్పందిస్తారన్నదే ఫిల్మ్ నగర్ లో ఆసక్తికరంగా మారింది.

Despite trying hard, #BheemlaNayak couldn’t make it for Jan 12 release, due to some unavoidable factors

Fans & telugu audience, the wait has got a little longer. We request you to be with us and support us, you are in for a POWERFUL treat!

Reporting in Theatres, 25th Feb 2022🔥 pic.twitter.com/B166olsf4d

— Sithara Entertainments (@SitharaEnts) December 21, 2021

వీళ్లలో ఒక్కడు కూడ రాడు Feb 25th టికెట్స్ రేట్లు ఇష్యూ వచ్చినా…. 🙏 pic.twitter.com/yevd6ziEqc

— సాయి బండ్రెడ్డి ❣️✊ (@saibandreddi) December 21, 2021