ఇంటర్నేషనల్ డెస్క్- మరో గ్రహశకలం భూమి వైపు దూసుకువస్తోంది. ఐతే అది భూమికి అతి సమీపంలోంచి వెళ్తుందే కాని, మనకు ఎటువంటి హానీ జరగదని నాసా చెబుతోంది. ప్రపంచంలోని అతిపెద్ద కట్టడం బుర్జ్ ఖలీఫా కంటే పెద్దదిగా ఉన్న ఒక గ్రహాశకలం భూమి వైపు దూసుకువస్తోన్నట్లు అంతరిక్ష పరిశోధన సంస్థ నాసా తెలిపింది.
ఈ గ్రహశకలానికి 1994 పీసీ1గా నామకరణం చేశారు. ఈ పెద్ద గ్రహశకలం జనవరి 18, 2022న భూమి నుంచి అత్యంత సమీపంగా వెళ్లనుంది. నాసా 1994 పీసీ1 గ్రహశకలాన్ని ప్రమాదకరమైన గ్రహశకలంగా వర్గీకరించింది. దీనిని మొదట ఆస్ట్రేలియాలోని సైడింగ్ స్ప్రింగ్ అబ్జర్వేటరీలో పనిచేస్తున్న ఖగోళ శాస్త్రవేత్త రాబర్ట్ మెక్ నాట్ 1994 ఆగస్టు 9న గుర్తించారు. ఈ గ్రహశకలం 1 కి.మీ వ్యాసం కలిగి ఉంది.
ఈ గ్రహశకలం గంటకు 43,754 మైళ్లు అంటే సెకనుకు 19.56 కిలోమీటర్లు వేగంతో దూసుకువస్తోంది. భూమి నుంచి 1.2 మిలియన్ మైళ్ల దూరం నుంచి వెళ్లనున్నట్లు నాసా స్పష్టం చేసింది. ఈ గ్రశకలం వల్ల భూ కక్ష్యలో భారీ మార్పులు జరిగే అవకాశం ఉన్నట్లు నాసా శాస్త్రవేత్తలు అంచనా వేస్తున్నారు.
ఈ గ్రహాశకలం 1994 పీసీ1 పాటు అనేక ఇతర గ్రహశకలాలు కూడా జనవరి నెలలో భూమిని దాటే అవకాశం ఉందమి నాసా తెలిపింది. నేషనల్ ఏరోనాటిక్స్ అండ్ స్పేస్ అడ్మినిస్ట్రేషన్ భూమికి దగ్గరగా 5 గ్రహశకలాలు వస్తున్నాయని నివేదించింది. ఈ పెద్ద గ్రహశకలాన్ని మంగళవారం టెలిస్కోప్ ద్వారా వీక్షించవచ్చు. ఈ గ్రహశకలాన్ని ట్రాక్ చేయడానికి నాసా ఒక లింకు కూడా ట్విటర్ లో షేర్ చేసింది.
Near-Earth #asteroid 1994 PC1 (~1 km wide) is very well known and has been studied for decades by our #PlanetaryDefense experts. Rest assured, 1994 PC1 will safely fly past our planet 1.2 million miles away next Tues., Jan. 18.
Track it yourself here: https://t.co/JMAPWiirZh pic.twitter.com/35pgUb1anq
— NASA Asteroid Watch (@AsteroidWatch) January 12, 2022
