తీవ్ర గాయాల నుంచి బయటపడ్డా.. వైరలవుతోన్న విజయ్‌ ఆంటోని ట్వీట్‌!

బిచ్చగాడు సినిమాతో తెలుగు ప్రేక్షకులకు చేరువయ్యాడు విజయ్‌ ఆంటోని. తర్వాత వరుస సినిమాలు చేస్తూ.. అటు తమిళ్‌లో, ఇటు తెలుగులో తనకంటూ ప్రత్యేక గుర్తింపు తెచ్చుకున్నాడు విజయ్‌ ఆంటోని. సంగీత దర్శకుడిగా కెరీర్‌ ప్రారంభించిన విజయ్‌ ఆంటోని.. తర్వాత హీరోగా గుర్తింపు తెచ్చుకున్నాడు. ఈ క్రమంలో బిచ్చగాడు 2 షూటింగ్‌ సమయంలో.. యాక్షన్‌ సీక్వెన్స్‌ చేస్తుండగా విజయ్‌ ఆంటోని తీవ్రంగా గాయపడ్డాడు. ఆయన ఆరోగ్య పరిస్థితి విషమంగా ఉందని.. ఆయన కోమాలోకి వెళ్లారని ఇప్పటికే జోరుగా వార్తలు వచ్చాయి. ఈ క్రమంలో తాజాగా విజయ్‌ ఆంటోని ట్విట్టర్‌ అకౌంట్‌లో పోస్ట్‌ చేసిన ఓ ట్వీట్‌ ప్రస్తుతం వైరలవుతోంది. తాజాగా అభిమానులకు గుడ్‌ న్యూస్‌ చెప్పాడు. ఆ వివరాలు..

ప్రమాదానికి గురైన తర్వాత విజయ్‌ ఆంటోని ట్వీట్‌ చేశాడు. సర్జరీ పూర్తి అయ్యిందని.. ప్రస్తుతం తాను క్షేమంగా ఉన్నట్లు వెల్లడించాడు. ‘‘డియర్ ఫ్రెండ్స్… మలేషియాలో ‘పిచ్చైకారన్ 2’ (‘బిచ్చగాడు 2’) చిత్రీకరణ చేస్తున్న సమయంలో నేను ప్రమాదానికి గురయ్యాను. ఈ సంఘటనలో నా దవడ, ముక్కు భాగాలకు తీవ్రమైన గాయాలు అయ్యాయి. వాటి నుంచి సురక్షితంగా కోలుకున్నాను. ఇప్పుడే మేజర్ సర్జరీ పూర్తి అయ్యింది. వీలైనంత తొందరలో మీ అందరితో మాట్లాడతాను. నాకు మద్దతుగా నిలిచిన ప్రతి ఒక్కరికీ థాంక్స్’’ అని విజయ్ ఆంటోనీ ట్వీట్ చేశారు.

తాను ఆరోగ్యంగా ఉన్నట్లు.. థంబ్స్ అప్ సింబల్ చూపిస్తూ ఉన్న ఫోటోని షేర్‌ చేశాడు. ప్రస్తుతం ఇది వైరలతోంది. ఈ ఫోటోని చూస్తే.. సర్జరీ జరిగిన తర్వాత హాస్పిటల్ బెడ్ మీద నుంచి తీసిన పిక్‌లా ఉంది. అభిమానులు తన ఆరోగ్య పరిస్థితి పట్ల ప్రేక్షకులు ఆందోళన వ్యక్తం చేస్తున్న నేపథ్యంలో విజయ్‌ ఆంటోని ట్వీట్‌ చేశాడు. ప్రస్తుతం ఇది వైరలవుతోంది. విజయ్‌ కోలుకున్నాడని తెలిసి అతడి అభిమానులు సంతోషం వ్యక్తం చేస్తున్నారు. త్వరలోనే ఆయన తెర మీద చూడాలని కోరుకుంటున్నారు.

ఇక విజయ్‌ ఆంటోని.. తొలుత మ్యూజిక్‌ డైరెక్టర్‌గా తన కెరీర్‌ ప్రారంభించాడు. తర్వాత హీరోగా మారారు. శ్రీకాంత్ హీరోగా కృష్ణవంశీ దర్శకత్వం వహించిన ‘మహాత్మా’కు విజయ్‌ ఆంటోనినే సంగీత దర్శకుడు. ఇక హీరోగా మారిన తర్వాత కథా ప్రాధ్యానమున్న చిత్రాలు చేస్తూ..కెరీర్‌లో దూసుకుపోతున్నాడు. అయితే ‘బిచ్చగాడు’ విజయ్ ఆంటోనీ కెరీర్‌లో బ్లాక్‌ బాస్టర్‌ హిట్‌గా నిలిచింది. ఈ సినిమా తమిళంలో మాత్రమే కాదు… తెలుగులో కూడా భారీ విజయం సాధించింది. ఇప్పుడు ఆ సినిమా సీక్వెల్ ‘పిచ్చైకారన్ 2′ (తెలుగులో బిచ్చగాడు 2’) చేస్తున్న సమయంలో యాక్సిడెంట్ జరిగింది. డూప్‌ లేకుండా యాక్షన్‌ సీన్స్‌లో నటిస్తుండగా ప్రమాదానికి గురయ్యాడు.

Dear friends, I am safely recovered from a severe jaw and nose injury during Pichaikkaran 2 shoot in Malaysia.
I just completed a major surgery.
I will talk to you all as soon as possible😊✋
Thank you for all your support and concern for my health🙏❤️ pic.twitter.com/YJm24omxrS

— vijayantony (@vijayantony) January 24, 2023