భార్య చేసిన పనికి అడ్డంగా బుక్కైన ఎస్సై..

ఒక సెల్ఫీ ఫోటో పోలీస్ అధికారి జీవితాన్ని తలకిందులు చేసింది. పోలీస్ అధికారి భార్య అత్యుత్సహం వారి కుటుంబాన్ని చిక్కుల్లో పడేసింది. రీల్స్, సెల్ఫీల పిచ్చితో కొంతమంది ఇబ్బందుల్లో పడుతున్నారు. లైకుల కోసం ప్రాణాలను కూడా రిస్క్ లు పెడుతున్నారు. అయితే ఓ పోలీస్ అధికారి భార్య మాత్రం తన కుటుంబాన్ని చిక్కుల్లో పడేసుకుంది. దీనికి కారణం కరెన్సీ నోట్ల కట్టలతో కలిసి సెల్ఫీలు దిగడమే. చాలా మంది సెలబ్రిటీలతోనూ, ప్రముఖులతోనూ సెల్ఫీలు దిగుతారు. కొంతమంది స్నేహితులతో దిగుతారు. కానీ ఈ పోలీసు కుటుంబం మాత్రం డబ్బు కట్టలతో సెల్ఫీ దిగింది. కట్ చేస్తే చిక్కుల్లో పడ్డారు.

వంద, రెండు వందలు, 10 వేలు నగదుతో సెల్ఫీ తీసుకున్నా పర్లేదు గానీ మరీ లక్షలతో దిగితేనే అనుమానం వస్తుంది. లంచంగా తీసుకున్న డబ్బేమో అని పోలీసులు అనుమానించే పరిస్థితి వస్తుంది. పైగా పోలీసోడు. రాకుండా ఎలా ఉంటుంది. ఉత్తరప్రదేశ్ లోని ఉన్నావ్ జిల్లా బెహతా ముజావర్ పోలీస్ స్టేషన్ లో రమేష్ చంద్ర సహాని అనే వ్యక్తి ఎస్సైగా పని చేస్తున్నారు. అయితే అతని భార్య తీసిన సెల్ఫీ ఫోటోల వల్ల వీరి కుటుంబం ఇప్పుడు చిక్కుల్లో పడింది. ఆ సెల్ఫీ ఫోటోల్లో కరెన్సీ కట్టలు పేర్చి ఉన్నాయి. డబ్బు కట్టలను పట్టుకుని పోలీస్ అధికారి భార్య సెల్ఫీ దిగింది. భర్త, పిల్లలతో కూడా కలిసి సెల్ఫీ దిగింది. ఆ ఫోటోలు సోషల్ మీడియాలో వైరల్ అవ్వడంతో పోలీసుల దృష్టికి వెళ్ళింది.

దీంతో రంగంలోకి దిగిన పోలీసులు ఎస్సై సహానిని విచారణకు ఆదేశించారు. అంతేకాదు వేరే ఏరియాకి బదిలీ చేశారు. సెల్ఫీ ఫోటోలో ఉన్న నగదు 14 లక్షలుగా తేలింది. సహాని, అతని భార్య, పిల్లలు ఇంట్లో రూ. 500 నోట్ల కట్టలు పేర్చి సెల్ఫీ దిగారు. ఇంత డబ్బు ఎక్కడ నుంచి వచ్చిందంటూ పోలీసు అధికారులు విచారిస్తున్నారు. అయితే సహాని మాత్రం ఆ డబ్బు 2021లో ఆస్తిని విక్రయించగా వచ్చిందని చెబుతున్నారు. ఆ ఫోటోలు ఇప్పుడు దిగినవి కాదని.. 2021 నవంబర్ 14న తీసుకున్న ఫోటోలు అని సహాని వెల్లడించారు. అయితే పోలీసులు మాత్రం ఈ కేసుపై ఇంకా దర్యాప్తు చేస్తున్నారు. దర్యాప్తు అనంతరం పూర్తి వివరాలను మీడియాకి తెలియజేస్తామన్నారు. దీనిపై మీ అభిప్రాయమేమిటో కామెంట్ చేయండి.

UP Police sub inspector Ramesh Sahni currently posted in Unnao district landed in soup after pictures of his children flaunting bundles of Rs 500 notes surface on social media. SI Sahni has been shunted to police lines. pic.twitter.com/qgX2Bw5U2d

— Piyush Rai (@Benarasiyaa) June 29, 2023