రాజమౌళికి అమెరికా జేజేలు.. ఆకాశానికి ఎత్తేస్తూ US పత్రిక స్పెషల్ స్టోరీ!

దర్శకధీరుడు రాజమౌళి గురించి ప్రత్యేకంగా చెప్పుకోవాల్సిన అవసరం ఏమీ లేదు. ఆయన గురించి ఒక్క టాలీవుడ్‌లోనే కాదు.. పాన్‌ ఇండియా, వరల్డ్‌ సినిమాలో ఎవరిని అడిగినా చెబుతారు. ఇండియన్‌ సినిమాకి ప్రపంచవ్యాప్తంగా గుర్తింపు తీసుకొచ్చి పెట్టారు. బాహుబలి సినిమాకే అభిమానులు జేజేలు కొడితే.. ఇటీవల ట్రిపులార్‌ సినిమాతో తన స్థాయిని మరోఎత్తుకు తీసుకెళ్లారు. ఇటీవలే జపాన్‌లో ట్రిపులార్‌ సినిమాని విడుదల చేయగా ఆల్‌ టైమ్‌ రికార్డు కలెక్షన్స్‌ రాబట్టింది. అటు హాలీవుడ్‌ నుంచి కూడా ట్రిపులార్‌ సినిమాకి మంచి రెస్పాన్స్‌ వచ్చిన విషయం తెలిసిందే. హేమా హేమీ డైరెక్టర్లు కూడా రాజమౌళి టేకింగ్‌ ఫిదా అయిపోయారు. ప్రస్తుతం రాజమౌళి అమెరికాలో ఉంటూ అక్కడి ఫిల్మ్‌ ఫెస్టివల్స్‌ లో పాల్గొంటూ ఉన్నారు.

ఇప్పటికే హాలీవుడ్‌కు చెందిన ఎంతో మంతి టాప్‌ డైరెక్టర్లు ట్రిపులార్‌ సినిమా గురించి, రాజమౌళి గురించి ఎంతో గొప్పగా మాట్లాడారు. రాజమౌళికి పలు ప్రశ్నలు కూడా ఎదురయ్యాయి. ఒకవేళ మార్వెల్‌ యూనివర్స్‌ డైరెక్టర్‌ కెవిన్‌ ఫెయిగ్‌ మిమ్మల్ని అప్రోచ్‌ అయితే కలిసి పనిచేస్తారా అంటూ అడిగారు. అందుకు రాజమౌళి ప్రస్తుతం నేను తెలుగు సూపర్ స్టార్‌ మహేశ్‌ బాబుతో సినిమా చేయబోతున్నాను. నేను ఆ పనుల్లో బిజీగా ఉన్నాను. కానీ, ఒకవేళ కెవిన్‌ నన్ను అప్రోచ్ అయితే కచ్చితంగా ప్రయత్నిస్తాను అంటూ సమాధానం చెప్పారు. హాలీవుడ్‌లో డైరెక్టర్ల టేకింగ్, వారి మెథడాలజీ ఎంతో బాగుంటుందని తెలిపారు. ఒకరోజు కచ్చితంగా ప్రిన్స్ ఆఫ్ పెర్షియా సినిమాని అడాప్ట్‌ చేసుకుంటాను అంటూ చెప్పుకొచ్చాడు.

And the foRRRce continues to be with #RRRMovie 🔥🌊🤩

Hollywood filmmaker @JJAbrams, the director of Star Wars, Mission Impossible and many other remarkable movies, said that he is a 𝙃𝙐𝙂𝙀 𝙁𝘼𝙉 𝙤𝙛 #𝙍𝙍𝙍.

Glad to see @SSRajamouli meet him at the Governors Awards.❤️ pic.twitter.com/U2Jf9BYEGT

— RRR Movie (@RRRMovie) November 20, 2022

ఇప్పుడు తాజాగా మరోసారి రాజమౌళి పేరు అమెరికాలో మారుమ్రోగింది. ప్రస్తుతం రాజమౌళి అమెరికాలోనే ఉంటూ ట్రిపులార్‌ సినిమాని మరింత ప్రేక్షకుల్లోకి తీసుకెళ్తున్న విషయం తెలిసిందే. తాజాగా లాస్ ఏంజెల్స్‌ టైమ్స్‌ పత్రిక రాజమౌళి గురించి స్పెషల్ ఆర్టికల్ ఒకటి పబ్లిష్‌ చేసింది. అమెరికా యాక్షన్‌ చిత్రాలను చూసి రాజమౌళి పెరిగారు. ఇప్పుడు ఆయన తీసిన టాలీవుడ్‌ ఎపిక్ చిత్రం చూసి అమెరికా ప్రజలు ఆనందంతో కేరింతలు కొడుతూ నృత్యాలు చేస్తున్నారంటూ రాసుకొచ్చింది. ప్రస్తుతం ఈ కథనం నెట్టింట తెగ వైరల్‌ అవుతోంది. ట్రిపులార్‌ సినిమాతో ఇండియన్‌ సినిమాని, టాలీవుడ్‌ పేరుని సినిమా ప్రపంచంలో రాజమౌళి మరో మెట్టుకు ఎక్కించారు అనడంలో ఎలాంటి అతిశయోక్తిలేదు.

💥💥💥💥💥💥💥💥 @latimes 🤩 pic.twitter.com/4rLOGCFVEa

— RRR Movie (@RRRMovie) November 26, 2022