follow us:
ది లెజెండ్.. ప్రస్తుతం పాన్ ఇండియా లెవల్లో సినీ వర్గాల్లో పెద్దఎత్తున చర్చల్లో ఉన్న సినిమా. వేలకోట్లకు అధిపతి ఐదు పదుల వయసు దాటాక తాను కన్న కల కోసం హీరోగా మారారు. నటనకు వయసుతో సంబంధం ఏంటి అంటూ ది లెజెండ్ గా ప్రేక్షకుల ముందుకు రానున్నారు. అయితే ఎంతో మందికి ఇతని బ్యాగ్రౌండ్‌ తెలియక పోవచ్చు. అసలు ఈ శరవణన్ ఎవరు? ఆయన కథేంటో తెలుసుకుందాం.
శరవణన్ పూర్తి పేరు అరుల్‌ శరవణన్. ఈయన 1970, జులై 10న చెన్నైలో జన్మించారు. అరుల్‌ శరవణన్ కంటే ఒక్క ఏడాది ముందే దేశంలోనే ఎంతో పెద్ద రిటైల్‌ చైన్‌ స్టోర్స్ గా ఎదిగిన శరవణ స్టోర్స్ ప్రారంభం అయ్యింది. ఒక కుటుంబం నడుపుతున్న ఇండియాలోనే అతిపెద్ద రిటైల్‌ స్టోర్ చైన్‌ స్టోర్స్ ఇవే. ఒకే ప్రాంతంలో అత్యధిక స్టోర్స్ కలిగి.. అధిక మొత్తంలో వ్యాపారం చేస్తున్న స్టోర్ కూడా ఇదే. ఒక్క చైన్నైలో వీరికి ఏడు స్టోర్స్ ఉన్నాయి.
అరుల్‌ శరవణన్ తండ్రి సెల్వరత్నం శరవణన్ నెల్లై జిల్లా నుంచి చైన్నై మారిపోయారు. తొలినాళ్లలో టీ వ్యాపారిగా కెరీర్‌ ప్రారంభించిన ఆయన ఆ తర్వాత ఎంతో గొప్ప వ్యాపారవేత్తగా ఎదిగారు. ఆ తర్వాత శరవణ స్టోర్స్ కు ప్రొపైటర్‌ గా మారారు. ఆయన సోదరులు యోగ రత్వం, రాజా రత్నం ఈ స్టోర్స్ లో పార్టనర్స్‌ అయ్యారు. వారు పిల్లలు అంతా కలిసి ఈ వ్యాపారాన్ని చూసుకుంటున్నారు.
ఆ తర్వాత అరుల్‌ శరవణన్ వారి నుంచి విడిపోయి తన సోదరి భర్త సాయంతో శరవణ సెల్వరత్నం, ది లెజెండ్ శరవణ, ది లెజెండ్ న్యూ శరవణ పేర్లతో స్టోర్స్ ప్రారంభించారు. రికార్డుల ప్రకారం 2017 సంవత్సరంలో వీరి సంస్థ టర్నోవర్‌ 750 మిలియన్‌ డాలర్లు. అందులో వారి ఆదాయం 200 మిలియన్‌ డాలర్లు ఉంటుందని చెప్పారు. ఆ తర్వాత వారి ఆదాయం వివరాలు ఎప్పుడూ వెల్లడించలేదు. ఈ సంస్థలో మొత్తం 10 వేలకు పైగా ఉద్యోగులు ఉన్నట్లు తెలుస్తోంది.
అర్లు శరవణన్ మొదటి నుంచి ఆయన మీద ట్రోల్స్‌ తో ఫేమస్‌ అయ్యారు. ఆయన చేసే వ్యాపారానికి బ్రాండ్‌ అంబాసిడర్‌ గా ఆయనే వ్యవహరించేవారు. వారి కమర్షియల్స్‌ లో తారలు, సెలబ్రిటీలతో శరవణన్ స్టెప్పులేస్తూ దీపావళి యాడ్స్‌ ను చేసేవారు. అలా అర్లు శరవణన్ బాగా ఫేమస్‌ అయ్యారు. ఆ తర్వాత ఇప్పుడు పాన్ ఇండియా సినిమాతో మరోసారి దేశవ్యాప్తంగా చర్చకు తెర లేపారు.
అర్లు శరవణన్ మొదటి నుంచి నటన అంటే ఇష్టం. ఎప్పటికైనా ఒక నటుడు కావాలని కోరుకున్నారంట. ఆ ఆసక్తితోనే తన సంస్థ కమర్షియల్స్‌లో నటించారు. నటనపై తనకున్న మక్కువపై మాట్లాడుతూ.. “చిన్ననాటి నుంచి నటన, సినిమాలు అంటే ఇష్టం ఉండేది. కానీ, మా జీవన విధానం వేరు, మా వ్యాపారం వేరు. వ్యాపారంలో సక్సెస్‌ అయ్యాను. ఇప్పుడు అవకాశం రావడంతో సినిమా చేశాను. నటను వయసు అడ్డంకి కాకూడదని భావిస్తుంటాను” అంటూ చెప్పుకొచ్చారు.
శరవణన్ హీరోగా నటించి, నిర్మించిన ది లెజెండ్ సినిమా జులై 28న ప్రేక్షకుల ముందుకు రానుంది. ఈ సినిమాలో బాలీవుడ్‌ బ్యూటీ ఊర్వశీ రౌటేలా హీరోయిన్‌ గా నటించింది. ఈ మూవీని జేడీ- జెర్లీ ద్వయం తెరకెక్కిచింది. తెలుగు, తమిళం, కన్నడ, మలయాళం, హిందీ భాషల్లో ఈ సినిమా విడుదల కానుంది. తెలుగులో ఎన్వీ ప్రసాద్‌ ఈ సినిమాని రిలీజ్ చేయనున్నారు. శరవణన్ బ్యౌగ్రౌండ్‌, హీరో కావాలన్న ఆయన కోరికపై మీ అభిప్రాయాలను కామెంట్స్ రూపంలో తెలియజేయండి.
