follow us:
సెలబ్రిటీలకు సంబంధించి నిత్యం రకరకాల వార్తలు ప్రచారం అవుతుంటాయి. వీటిల్లో 1 శాతం నిజముంటే.. మిగతా 99 శాతం పుకార్లు, అవాస్తవాలు మాత్రమే. ముందు ఎవరో ఒకరు వార్త రాస్తారు.. మిగతావాళ్లంతా దాన్ని ఫాలో అవుతారు. సెలబ్రిటీల పట్ల జనాల్లో ఉండే ఆసక్తి కారణంగా ఇలా వారి గురించి రకరకాల వార్తలు ప్రచారం చేస్తారు. సెలబ్రిటీల వ్యక్తగత జీవితానికి సంబంధించి అయితే లెక్కలేనన్ని పుకార్లు షికారు చేస్తుంటాయి. వారి లవ్‌, రిలేషన్‌, పెళ్లి.. ఇలా అన్నింటి గురించి రకరకాల పుకార్లు షికారు చేస్తుంటాయి. ఈ నేపథ్యంలో తాజాగా ఓ ఆంగ్ల మీడియా వెబ్‌సైట్‌.. డార్లింగ్‌, పాన్‌ ఇండియా స్టార్‌ ప్రభాస్‌ గురించి ఓ వార్త ప్రచారం చేసింది. దీనిపై ఫ్యాన్స్‌, నెటిజనులే కాక.. ఇండస్ట్రీకి చెందిన సెలబ్రిటీలు కూడా ఆగ్రహం వ్యక్తం చేస్తున్నారు. చెత్త న్యూస్ రాసి.. దానికి సెలబ్రిటీల పేరు జత చేస్తారా అని మండిపడుతున్నారు. ఇక బాహుబలి నిర్మాత శోభుయార్లగడ్డ కాస్త ఘాటుగానే స్పందించారు. ఆ వివరాలు..
ఆంగ్ల మీడియా వెబ్‌సైట్‌ ఒకటి.. ప్రభాస్‌కు జుబ్లీహిల్స్‌ ప్రాంతంలో 84 ఎకరాల విస్తీర్ణంలో ఓ ఫామ్‌హౌస్‌ ఉందని.. అప్పట్లో ప్రభాస్‌ కేవలం కోటి రూపాయలకే సొంతం చేసుకున్నారని.. ప్రస్తుతం దాని విలువ 64 కోట్లని రాసుకొచ్చింది. పైగా ఫామ్‌హౌస్‌ లోపల ఇలా ఉంటుంది అంటూ కొన్ని ఫోటోలని కూడా షేర్‌ చేసింది. విచిత్రం ఏంటంటే.. సదరు వెబ్‌సైట్‌ వాడిన ఫోటోలు ప్రభాస్‌ నటించిన రాధేశ్యామ్‌ సినిమాలోని స్టిల్స్‌.
ఈ వార్త చూసి నెటిజనులు, డార్లింగ్‌ ఫ్యాన్స్‌ ఆశ్చర్యపోయారు. జుబ్లీహిల్స్‌లాంటి పాష్‌ ఏరియాలో ఒక్క ఎకరమే కోట్ల రూపాయల విలువ చేస్తుంది. అలాంటిది 84 ఎకరాలంటే మాటాలా.. దాని విలువ వందల కోట్లు ఉంటుంది. అలా చూసుకున్నా 84 ఎకరాలు అంటే సుమారు 100 కోట్ల రూపాయల పైచిలుకు ఉండాలి. మరీ ఈ సైట్‌ వాళ్లేంటి.. 64 కోట్లు అని రాశారు.. అంటూ పెద్ద ఎత్తున ట్రోల్‌ చేయసాగారు. ఇక ఈ వార్తపై బాహుబలి నిర్మాత శోభుయార్లగడ్డ స్పందించాడు. సెటైరికల్‌గా ట్వీట్‌ చేశాడు.
ఈ వార్తలపై శోభు యార్లగడ్డ స్పందిస్తూ.. ‘‘ఏంటి నిజమా.. జూబ్లీహిల్స్‌లో.. ప్రభాస్‌కు జూబ్లిహిల్స్‌ ప్రాంతంలో 84 ఎకరాల విస్తీర్ణంలో విలాసవంతమైన ఫామ్‌హౌస్‌ ఉందా.. అసలు జూబ్లీహిల్స్‌లో 84 ఎకరాలు అంటే.. దాని విలువ ఎంత ఉంటుందో మీకు తెలుసా.. చెత్త న్యూస్ రాసి.. దానికి సెలబ్రిటీ పేరు ట్యాగ్‌ చేయడం మీకు బాగా అలవాటు అయ్యింది. అయినా ఒకే లైన్‌లో లావిష్‌, సింపుల్‌ అనే పదాలు రావడమేంటో.. అంటూ ఎద్దేవా చేస్తూ.. ట్వీట్‌ చేశాడు శోభుయార్లగడ్డ. ఇక నెటిజనులు కూడా జూబ్లీహిల్స్‌లో అసలు 84 ఎకరాల స్థలం ఎక్కడ ఉందిరా సామి.. అంటూ కామెంట్స్‌ చేస్తున్నారు. మరి సదరు సైట్‌ తన తప్పును సరిదిద్ధుకుంటుందో లేదో చూడాలి.
.@TimesNow Really ? Do you guys have any idea what 84 acres in Jubilee Hills even means ? 🤣🤣 I guess your reporters can write and publish any garbage and tag a celebrity name to it ! And how can “lavish” and “simple” be in the same sentence! 😁 https://t.co/7SoTRmiAsR
— Shobu Yarlagadda (@Shobu_) December 1, 2022
