టాలీవుడ్‌ కమెడియన్‌ ఇంట్లో రూ.2 వేల నోట్ల కట్టల గుట్టలు.. మంచు విష్ణు ట్వీట్‌ వైరల్‌!

రిజర్వ్‌ బ్యాంక్‌ ఆఫ్‌ ఇండియా 2 వేల రూపాయల నోటు రద్దు చేస్తూ నిర్ణయం తీసుకున్న సంగతి తెలిసిందే. దీనిపై విపక్షాలు పెద్ద ఎత్తున విమర్శలు చేస్తున్నాయి. ఈ ఏడాది సెప్టెంబర్‌ 30 వరకు ఈ నోట్లను మార్చుకునే అవకాశం కల్పించింది ప్రభుత్వం. ఇక 2 వేల నోట్ల రూపాయల రద్దుపై సోషల్‌ మీడియాలో ఓ రేంజ్‌లో ట్రోల్స్, మీమ్స్‌ నడుస్తున్నాయి. అయితే గతంలో 500, 1000 రూపాయల నోట్లను రద్దు చేస్తు తీసుకున్న నిర్ణయంపై ప్రజల నుంచి పెద్ద ఎత్తున వ్యతిరేకత రాగా.. తాజా నిర్ణయంపై మాత్రం పెద్దగా స్పందించడం లేదు. కారణం ప్రస్తుతం 2 వేల నోట్ల ఎక్కువగా చెలామణిలో లేవు. కేవలం 10.8 శాతం నోట్లు మాత్రమే చెలామణిలో ఉన్నాయి. ఈ క్రమంలో తాజాగా మంచు విష్ణు చేసిన ఓ ట్వీట్‌ నెట్టింట వైరలవుతోంది. టాలీవుడ్‌ టాప్‌ కమెడియన్‌ ఇంట్లో 2 వేల రూపాయల నోట్ల కట్టలు గుట్టలుగా పడి ఉన్నాయి అంటూ ఓ ఫొటో ట్వీట్‌ చేశాడు. ప్రస్తుతం ఇది నెట్టింట వైరలవుతోంది.

ఈ నేపథ్యంలోనే మంచు విష్ణు.. టాలీవుడ్ కమెడియన్ వెన్నెల కిషోర్ ఇంట్లో కుప్పలు కుప్పలుగా రూ.2 వేల నోట్లు ఉన్నాయంటూ ట్వీట్ చేశారు. అంతేకాక ఒక ఫొటోని కూడా షేర్‌ చేశారు. ‘‘వెన్నెల కిషోర్ ఇంటికి వెళ్లినప్పుడు అక్కడ తీసిన ఫొటో ఇది. ఆయన ఇంట్లో రూ. 2 వేల నోట్ల కట్టలు గుట్టలు గుట్టలుగా పడి ఉన్నాయి. ఇప్పుడు ఆయన వీటిని ఏం చేస్తాడో’’ అంటూ ట్వీట్ చేశారు. మంచు విష్ణు ట్వీట్‌పై వెన్నెల కిశోర్ స్పందించారు. ‘‘హీరో, విలన్ కొట్టుకుని కమెడియన్ ను చంపేసినట్లు, నా మీద పడ్డారేంటి?” అంటూ ఆహుతి ప్రసాద్ చెప్పిన డైలాగ్‌ను పోస్టు చేశారు. వీరిద్దరి మధ్య జరిగిన సంభాషణ నెట్టింట వైరల్‌గా మారింది.

Photo was taken when I visited Sri. @vennelakishore garu home. I wonder what he will do with these 2000₹ notes. 🤔 pic.twitter.com/bLApojXxyA

— Vishnu Manchu (@iVishnuManchu) May 20, 2023

ఈ ట్వీట్లపై నెటిజనులు స్పందిస్తూ.. రకరకాల కామెంట్స్‌ చేస్తున్నారు. కొందరేమో.. భయ్యా మాకు హెల్ప్‌ చేయవచ్చు కదా.. ఇల్లు కట్టుకుంటాం అనగా మరి కొందరేమో ఏదైనా సేవా సంస్థకు దానం చేయండి అని కామెంట్స్‌ చేస్తున్నారు. మరికొంత మంది “ఆ డబ్బుతో మిమ్మల్ని హీరోగా పెట్టి సినిమా తీస్తాడు” అనగా.. “కొద్ది సేపటి క్రితమే రూ. 2 వేల నోట్లను రూ.500 నోట్లుగా మార్చాడు” అంటూ బీరువా నిండుగా పేర్చిన రూ. 500 ఫోటోను మరికొంత మంది నెటిజన్స్ పోస్టు చేశారు. కొందరు నెటిజనులు మాత్రం.. మంచు విష్ణు మీద విమర్శలు చేస్తున్నారు. తమ్ముడి పుట్టినరోజుకు విషెస్‌ చెప్పవు కానీ.. కామెడీలు మాత్రం బాగా చేస్తున్నావంటూ ట్రోల్ చేస్తున్నారు.

Photo was taken when I visited Sri. @vennelakishore garu home. I wonder what he will do with these 2000₹ notes. 🤔 pic.twitter.com/bLApojXxyA

— Vishnu Manchu (@iVishnuManchu) May 20, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.