‘ఆస్కార్ ని టచ్ చేయనివ్వండి’ అంటూ.. రామ్ చరణ్ కి షారుఖ్ రిక్వెస్ట్!

చిత్రపరిశ్రమలో సినిమాల విషయమైనా.. ప్రమోషన్స్ విషయమైనా ఏ భాషకు చెందిన హీరోలైనా సపోర్ట్ చేసుకుంటుంటారు. బాలీవుడ్, టాలీవుడ్ అనే తేడా లేకుండా ఎంతో ఫ్రెండ్లీగా ఉంటారు. అలా తెలుగు హీరోలకి బాలీవుడ్ లో ఫ్రెండ్స్ ఉండటం చూస్తూనే ఉన్నాం. కాగా.. స్టార్ హీరోలు ఎంత ఫ్రెండ్లీగా ఉంటారో మరోసారి ప్రూవ్ చేశారు బాలీవుడ్ బాద్షా షారుఖ్ ఖాన్, మెగా పవర్ స్టార్ రామ్ చరణ్. తాజాగా షారుఖ్ ఖాన్ నటించిన హై యాక్షన్ ప్యాకెడ్ మూవీ ‘పఠాన్’ నుండి ట్రైలర్ రిలీజ్ చేశారు. స్పై యాక్షన్ థ్రిల్లర్ జానర్ లో తెరకెక్కిన ఈ సినిమాలో దీపికా పదుకొనే హీరోయిన్ నటించగా.. సినిమాని డైరెక్టర్ సిద్ధార్థ్ ఆనంద్ రూపొందించారు.

జనవరి 25న హిందీతో పాటు తెలుగు, తమిళ భాషలలో పఠాన్ సినిమాని రిలీజ్ చేస్తున్నారు. రిలీజ్ డేట్ సమీపిస్తుండటంతో పఠాన్ టీమ్ సాంగ్స్, టీజర్ తో ఆల్రెడీ ప్రమోషన్స్ స్టార్ట్ చేసింది. ఈ క్రమంలో తాజాగా హిందీ, తెలుగు, తమిళ భాషలలో ట్రైలర్ రిలీజ్ చేశారు. కాగా.. పఠాన్ సినిమా ట్రైలర్ ని తెలుగులో రామ్ చరణ్ లాంచ్ చేయగా.. తమిళంలో దళపతి విజయ్ లాంచ్ చేయడం జరిగింది. హై వోల్టేజ్ యాక్షన్ సీక్వెన్స్ లతో అదరగొట్టిన పఠాన్ ట్రైలర్ ప్రస్తుతం మూడు భాషల్లో ట్రెండ్ అవుతోంది. కాగా.. ఇన్ని రోజులు సాంగ్స్ కారణంగా వివాదాలలో, విమర్శలలో చిక్కుకున్న పఠాన్ మూవీ ట్రైలర్ ని రామ్ చరణ్, విజయ్ రిలీజ్ చేసేసరికి ట్విట్టర్ వేదికగా కృతజ్ఞతలు చెప్పాడు షారుఖ్.

ఇక రామ్ చరణ్ ని ఉద్దేశిస్తూ.. షారుఖ్ ట్విట్టర్ వేదికగా.. “థ్యాంక్యూ మెగా పవర్ స్టార్. మీ ఆర్ఆర్ఆర్ టీమ్ ఆస్కార్ ని ఇంటికి తెచ్చినప్పుడు.. నన్ను కూడా ఒకసారి తాకనివ్వండి. లవ్ యూ” అంటూ రాసుకొచ్చాడు. అలాగే దళపతి విజయ్ కి కూడా థ్యాంక్యూ చెప్పాడు. ఇదిలా ఉండగా.. ఆర్ఆర్ఆర్ సినిమాతో రామ్ చరణ్ పాన్ ఇండియా హీరోగా మారిన సంగతి తెలిసిందే. ప్రస్తుతం వరుసగా పాన్ ఇండియా సినిమాలను లైనప్ చేస్తున్నాడు. మరోవైపు హీరోలంతా తమ సినిమాలను ఎంకరేజ్ చేసుకుంటున్నారు. ప్రెజెంట్ ఇలాంటి హీరోల మధ్య ఇగోలు కాకుండా హెల్తీ వాతావరణం చూసి ఫ్యాన్స్ సంతోషం వ్యక్తం చేస్తున్నారు. మరి చరణ్ గురించి షారుఖ్ చేసిన ట్వీట్ పై మీ అభిప్రాయాలను కామెంట్స్ లో తెలపండి.

Wishing the whole team of #Pathaan all the very best!@iamsrk Sir looking fwd to seeing you in action sequences like never before! #PathaanTrailerhttps://t.co/63G1CC4R20 @deepikapadukone | @TheJohnAbraham | #SiddharthAnand | @yrf pic.twitter.com/MTQBfYUfjg

— Ram Charan (@AlwaysRamCharan) January 10, 2023

Thank u so much my Mega Power Star @alwaysramcharan. When ur RRR team brings Oscar to India, please let me touch it!!
(Mee RRR team Oscar ni intiki tecchinappudu okkasaari nannu daanini touch cheyyanivvandi! )
Love you.

— Shah Rukh Khan (@iamsrk) January 10, 2023