follow us:
ఈ మధ్యకాలంలో థియేటర్లకు జనాలు రావడం లేదని అందుకే సినిమాలకు కలెక్షన్స్ లేవనేది కొందరి వాదన. కాదు.. సినిమాలలో కంటెంట్ ఉండటం లేదు.. కంటెంట్ ఉంటే జనాలు ఎలాగైనా థియేటర్లకు వస్తారనేది మరికొందరి వాదన. ఇక మీరెన్ని చెప్పినా.. థియేటర్లలో టికెట్ రేట్స్ ఎక్కువ అనుకుంటే.. అయినా ఫ్యామిలీతో వెళ్తే థియేటర్ లలో కూల్ డ్రింక్స్, పాప్ కార్న్ ధరలే టికెట్ రేట్స్ ఎక్కువగా ఉన్నాయనేది ఇంకొందరి వాదన. ఇన్ని వాదనల మధ్య సినిమా పరిశ్రమ ఎటు వెళ్తుందనే అభిప్రాయాలు కూడా వెలువడుతున్నాయి.
మొన్నటి వరకూ జనాలకు సినిమాలపై ఆసక్తి పోయిందని, అందుకే థియేటర్ల వైపు చూడటం లేదని ఇండస్ట్రీలో కొందరు భావించారు. కానీ.. బింబిసార, సీతారామం, కార్తికేయ 2 సినిమాలతో ఆ భ్రమలన్నీ తొలిగిపోయాయి. ఎందుకంటే.. సినిమాలలో కొత్తదనం ఉంటే.. కంటెంట్ ఉంటే ఖచ్చితంగా ప్రేక్షకులు తండోపతండాలుగా థియేటర్లకు వస్తారనే మాట రుజువైంది. భారీ హైప్ తో వచ్చిన ఎన్నో సినిమాలు బాక్సాఫీస్ వద్ద నిరాశపరిచినా.. చిన్న సినిమాలుగా వచ్చి కొన్ని డబుల్, ట్రిపుల్ బ్లాక్ బస్టర్స్ అందుకున్నాయి.
ఈ క్రమంలో ప్రతి సినిమాకు ఇష్టారీతిన టికెట్ రేట్లు పెంచడంతో థియేటర్ల వైపు చూసే నాథుడే లేకుండా పోయాడు. థియేటర్లన్నీ రెండో రోజే ఖాళీ అయిపోయే పరిస్థితి ఏర్పడింది. అయితే.. సమస్య టికెట్ రేట్లే కాదు వేరే ఉన్నాయన్న విషయం అందరికీ అర్థమైంది. తాజాగా రెండో రోజే థియేటర్లు ఖాళీ అవుతున్న పరిస్థితిపై సీనియర్ నటుడు నరేశ్ ట్విట్టర్ వేదికగా స్పందించారు. టికెట్ రేట్లు ఎక్కువ ఉండటంతో జనాలు రావడం లేదనే మాట నిజమే.. అయినా ఇంకా వేరే కారణాలున్నాయంటూ నరేష్ ట్వీట్స్ చేశారు.
నరేష్ ట్వీట్ చేస్తూ.. “ఒకప్పుడు థియేటర్లలో సినిమాలు బాగా ఆడేవి. ఇప్పుడు రెండో రోజుకే థియేటర్లు ఖాళీగా ఉండే పరిస్థితులు వచ్చాయి. దీనికి కారణం టికెట్ రేట్లతో పాటు.. థియేటర్లు జరుగుతున్నవి కూడా భాగమయ్యాయి. ఒక పాప్ కార్న్, కూల్ డ్రింక్స్ రేట్లు రూ. 20 లేదా 30 ఉండాల్సినవి రూ. 300 చేశారు. సాధారణ మిడిల్ క్లాస్ ఫ్యామిలీ థియేటర్ కు వచ్చి సినిమా చూడాలంటే సుమారు రూ.2500 వరకు ఖర్చు అవుతుంది. ఇలాంటి పరిస్థితిలో జనాలు థియేటర్లకు ఎందుకు వస్తారు..? ఆలోచించండి” అంటూ సెటైరికల్ గా స్పందించారు. ప్రస్తుతం నరేష్ అభిప్రాయాన్ని కొందరు ఏకీభవిస్తుండగా.. ఈ ట్వీట్స్ వైరల్ అవుతున్నాయి. మరి నరేష్ ట్వీట్స్ మీ అభిప్రాయాలను కామెంట్స్ లో తెలియజేయండి.
What i mean to say is even an average film used to have collections for a week but now it needs to be a great film to fill the theatres the 2nd day. How many Extrodinary films can we make . So reduction of costs in the theatres can bring more people to many more films
— H.E Dr Naresh VK actor (@ItsActorNaresh) August 27, 2022
Y are people not coming to theatres? Simple. a middle class family needs about rs 2500 avg for the experience . Not just the tickets rates . If pepsi or pop corn which cost rs 20 or 30 costs about rs 300 . So people don’t want just a good film but. A good experience. Think!!!
— H.E Dr Naresh VK actor (@ItsActorNaresh) August 27, 2022
