follow us:
సినీ ఇండస్ట్రీలో వరుస విషాదాలు ప్రేక్షకులను కలచి వేస్తున్నాయి. ప్రముఖ నటుడు, బాలీవుడ్ కండల వీరుడు సల్మాన్ ఖాన్ డూప్ సాగర్ పాండే హఠాన్మరణం చెందారు. యాభై వయసు కలిగిన సాగర్ పాండే.. సెప్టెంబర్ 30న(శుక్రవారం) జిమ్ లో వర్కౌట్స్ చేస్తున్న సమయంలో గుండెపోటు రావడంతో అక్కడికక్కడే కుప్పకూలిపోయినట్లు తెలుస్తుంది. హుటాహుటిన ఆసుపత్రికి తరలించినా అప్పటికే ఆయన మరణించినట్లు తెలిపారు. సాగర్ పాండే మరణంతో బాలీవుడ్ ఇండస్ట్రీలో ఒక్కసారిగా విషాద ఛాయలు అలుముకున్నాయి. ఎందుకంటే.. ఇటీవల పాపులర్ కమెడియన్ రాజు శ్రీవాస్తవ కూడా జిమ్ లో వర్కౌట్ చేస్తూనే మరణించారు.
ఫిట్నెస్ విషయంలో సల్మాన్ తో పాటు కేర్ తీసుకునే సాగర్ ఇలా ఒక్కసారిగా కన్నుమూయడం అందరిని విషాదంలో ముంచింది. ఇక తన డూప్ మరణించడంతో సల్మాన్ సోషల్ మీడియాలో సాగర్ పాండేతో కలిసున్న ఫోటో షేర్ చేస్తూ.. ఎమోషనల్ పోస్ట్ పెట్టాడు. “ఇన్నేళ్ళపాటు నాతో ఉన్నందుకు హృదయ పూర్వకమైన ధన్యవాదాలు. మీ ఆత్మకు శాంతి చేకూరాలని ప్రార్థిస్తున్నాను” అని సంతాపం తెలిపాడు సల్మాన్ ఖాన్. ఈ క్రమంలో బాలీవుడ్ ప్రముఖులు సోషల్ మీడియా వేదికగా సాగర్ పాండే ఫోటో షేర్ చేస్తూ సంతాపం తెలియజేస్తున్నారు. ఇక సాగర్ పాండే సల్మాన్ తో కలిసి చాలా సినిమాలకు పనిచేశారు. వీరి కాంబోలో బజరంగీ భాయిజాన్, ట్యూబ్ లైట్, ప్రేమ్ రతన్ ధన్ పాయో, దబాంగ్, దబాంగ్ 2 సినిమాలు తెరకెక్కినట్లు సమాచారం.
View this post on Instagram
#SalmanKhan Latest Instagram Caption: Dil se shukar adda kar raha hoon for being there with me. May your soul rest in peace brother Saga
Thank u #RIP #SagarPandey @BeingSalmanKhan pic.twitter.com/T6LhY5rPq6
— Salman Khan Trky (@salmankhantrky) September 30, 2022
