Adivi Sesh: మాజీ రాష్ట్రపతిని కలిసిన ‘మేజర్’ హీరో.. ఏమన్నారంటే..

సామాన్య ప్రజల ప్రాణాలను కాపాడుతూ.. ఉగ్రవాదులను అంతమొందించి తన ప్రాణాలను అర్పించాడు మేజర్ సందీప్ ఉన్నికృష్ణన్. ఈయన జీవిత కథ ఆధారంగా దర్శకుడు శశి కిరణ్ తిక్క ‘మేజర్’ అనే సినిమాను తెరకెక్కించారు. సోనీ పిక్చర్స్ తో కలిసి సూపర్ స్టార్ మహేష్ బాబు ఈ సినిమాను నిర్మించారు. మేజర్ మూవీలో హీరో అడవి శేష్ ప్రధాన పాత్రలో నటించి మెప్పించాడు. 26/11/2008లో ముంబైలో జరిగిన ఉగ్రదాడుల్లో మేజర్ సందీప్ ఉన్నికృష్ణన్ చూపిన తెగువను కళ్లకు కట్టినట్లు చూపించారు.

మేజర్ మూవీకి అడవి శేష్ కథ, స్క్రీన్ ప్లే అందించారు. ఈ సినిమా గతేడాది జూన్ 03న ప్రపంచ వ్యాప్తంగా విడుదలై బ్లాక్ బస్టర్ హిట్ గా నిలిచింది. ఈ సినిమాపై ఆర్మీ అధికారులు, అటు రాజకీయ ప్రముఖులు, ఇటు సినీ ప్రముఖులు హీరో అడవి శేష్ పై ప్రశంసల ఝల్లు కురిపించారు. అయితే తాజాగా భారత మాజీ రాష్ట్రపతి అయిన రామ్ నాథ్ కోవింద్ ఈ సినిమా చూసి సంతోషంతో ఉప్పొంగిపోయారు. వెంటనే నటుడు అడవి శేష్ ను ప్రత్యేకంగా ఆహ్వానించారు. ఆహ్వానం అందుకున్న అడవి శేష్ రామ్ నాథ్ కోవింద్ ను మర్యాదపూర్వకంగా కలిసారు. సినిమా అద్భుతంగా ఉందని అభినందించారు. అడవి శేష్ తో కాసేపు ఈ సినిమా గురించి మాట్లాడారు.

మాజీ రాష్ట్రపతిని కలిసిన వీడియోని అడివి శేష్ తన సోషల్ మీడియా ఖాతాలో షేర్ చేస్తూ.. మేజర్ సినిమా విడుదలై సంవత్సరం కాబోతోంది. ఇంకా మేజర్ సందీప్ ఉన్ని కృష్ణన్ మమ్మల్ని ఆశీర్వదిస్తున్నారు. గౌరవనీయులైన మాజీ రాష్ట్రపతి రామ్‌నాథ్ కోవింద్ గారిని కలిశాను. ఆయన మేజర్ సినిమా చూసి దాని గురించి మాట్లాడటం నేను మర్చిపోలేను. నా లైఫ్ లో ఇదొక మధుర జ్ఞాపకం అంటూ ఎమోషనల్ గా పోస్టు చేశారు. ఈ సినిమాలో శోబిత ధూళిపాళ, ప్రకాష్ రాజ్, రేవతి తదితరులు కీలక పాత్రల్లో నటించారు. శ్రీచరణ్ పాకాల సంగీతం అందించారు.

Had the privilege of meeting with the Honourable Former President Sri Ram Nath Kovindji.

I am truly Overwhelmed by his response to our efforts on Major. It was a lovely conversation. Memories of a lifetime.

It’s going to be #MAJOR ‘s first anniversary in a few days and… pic.twitter.com/nlxx0nEObv

— Adivi Sesh (@AdiviSesh) May 16, 2023