follow us:
దర్శకధీరుడు రాజమౌళి ప్రస్తుతం RRR మూవీ ప్రమోషన్స్ లో బిజీగా ఉన్న సంగతి అందరికి తెలిసిందే. తనకు పాన్ ఇండియా ఫేమ్ తీసుకొచ్చిన బాహుబలి సిరీస్ తర్వాత రాజమౌళి నుండి వస్తున్న సినిమా ఇది. మెగాపవర్ స్టార్ రాంచరణ్ – యంగ్ టైగర్ ఎన్టీఆర్ ప్రధాన పాత్రధారులుగా పాన్ బిగ్గెస్ట్ మల్టీస్టారర్ తెరకెక్కించాడు జక్కన్న. 2022 జనవరి 7న ఆర్ఆర్ఆర్ మూవీ వివిధ భాషల్లో ప్రపంచవ్యాప్తంగా రిలీజ్ కాబోతుంది.
పీరియాడిక్ యాక్షన్ డ్రామాగా రూపొందిన ఆర్ఆర్ఆర్ పై అంచనాలు భారీ స్థాయిలో నెలకొన్నాయి. అయితే ఓవైపు RRR సంబంధించి ప్రమోషన్స్ జరుగుతుండగా.. మరోవైపు సోషల్ మీడియాలో ఓ క్రేజీ న్యూస్ చక్కర్లు కొడుతోంది. అదేంటంటే.. బాహుబలి-3. రెండు భాగాలుగా విడుదలైన బాహుబలి సిరీస్ కోసం మాహిష్మతి అనే సామ్రాజ్యాన్ని సృష్టించాడు రాజమౌళి. మరి అలాంటిది బాహుబలి-3 మూవీ అంటే.. కావాలని అభిమానులకు అనిపించినా ఇప్పట్లో వస్తుందా లేదా అనేది మాత్రం చెప్పలేని పరిస్థితి.
కానీ బాహుబలి-2 విడుదలైన సమయంలోనే రాజమౌళి, రచయిత విజయేంద్రప్రసాద్ గారు ఓ ఇంటర్వ్యూలో బాహుబలి-3 గురించి కుండబద్దలు కొట్టేసారు. ఖచ్చితంగా బాహుబలి-3 ఉంటుందని రాజమౌళి స్వయంగా చెప్పిన వీడియో అందుకు సాక్ష్యంగా నిలుస్తుంది. అంటే.. ఒకవేళ బాహుబలి-3 ఉందనుకుంటే ఎప్పుడు? బాహుబలి ప్రభాస్ ఓవైపు చేతినిండా పాన్ ఇండియా సినిమాలతో బిజీ అయిపోయాడు. మరోవైపు రాజమౌళి తదుపరి చిత్రం మహేష్ బాబుతో అనౌన్స్ చేసాడు. అదీగాక రాజమౌళి బాహుబలి-3 గురించి చెప్పి కూడా మూడేళ్లు దాటింది. ఈ లెక్కన బాహుబలి-3 ఉన్నా.. ఇప్పట్లో కాదనేది అర్ధమవుతుంది. మరి ఈ విషయం పై అటు హీరో ఇటు మేకర్స్ మాత్రమే క్లారిటీ ఇవ్వాల్సి ఉంది. మరి ఈ వీడియో పై మీరు కూడా ఓ లుక్కేసి మీ అభిప్రాయాలను కామెంట్స్ చేయండి.
