కేజీఎఫ్‌ సినిమాతో దేశవ్యాప్తంగా గుర్తింపు తెచ్చుకున్నారు దర్శకుడు ప్రశాంత్ నీల్. తీసింది మూడు సినిమాలే కానీ.. పాన్‌ ఇండియా దర్శకుడిగా గుర్తింపు తెచ్చుకున్నాడు. యశ్‌ కెరీర్‌ను మలుపుతిప్పడమే కాక.. తనను కూడా పాన్‌ ఇండియా స్టార్‌గా మలిచాడు. ఇక యశ్‌ కెరీర్‌లోనే బిగ్గెస్ట్‌ బ్లాక్‌ బాస్టర్‌ హిట్‌ సినిమా ఇచ్చాడు ప్రశాంత్ నీల్. ప్రస్తుతం ఆయన ప్రభాస్‌ హీరోగా సలార్ చిత్రం తెరకెక్కిస్తున్నాడు. ఈ క్రమంలో నేడు(జూన్‌ 4) దర్శకుడు ప్రశాంత్ నీల్ పుట్టినరోజు. ఈ సందర్భంగా హీరోలు ప్రభాస్‌, యశ్‌లు ఈ స్టార్‌ డైరెక్టర్‌ బర్త్‌డే వేడుకలు ఘనంగా జరిపారు. ప్రస్తుతం ఇందుకు సంబంధించిన ఫోటోలు, వీడియోలు నెట్టింట వైరల్‌గా మారుతున్నాయి. ఈ విషయాన్ని తెలియజేస్తూ.. ప్రముఖ నిర్మాణ సంస్థ హోంబలె ఫిల్మ్స్‌ ట్విట్టర్‌ వేదికగా కొన్ని ఫోటోలను షేర్‌ చేసింది.
‘‘భారతీయ చలన చిత్ర పరిశ్రమకు చెందిన ఇద్దరు డైనమైట్స్‌ (ప్రభాస్‌, యశ్‌) తమ షో మ్యాన్‌ ప్రశాంత్‌నీల్‌ పుట్టినరోజు వేడుకలు నిర్వహించేందుకు ఒకే చోట కలిశారు. ఈ సెలబ్రేషన్స్‌ కోసం డార్లింగ్‌ ప్రభాస్‌ హైదరాబాద్‌ నుంచి బెంగళూరు వచ్చాడు’’ అంటూ ప్రశాంత్ నీల్ బర్త్‌డే పార్టీ ఫోటోలు షేర్‌ చేసింది. ఇదే పార్టీలో కేజీఎఫ్‌-2 50 రోజుల వేడుకలు కూడా జరిగాయి. ఈ పార్టీకి సంబంధించిన వీడియోలు, ఫోటోలు నెట్టింట వైరల్‌గా మారాయి. దీనిపై మీ అభిప్రాయాలను కామెంట్స్‌ రూపంలో తెలియజేయండి.
The 2 dynamites of Indian cinema @ThenameisYash and #Prabhas came together to celebrate the Showman’s @prashanth_neel birthday ❤️
A special gesture for the special one by Darling Prabhas, came all the way from Hyderabad to Bengaluru for the celebration!#HBDPrashanthNeel pic.twitter.com/hNFt6Q6fAq— Hombale Films (@hombalefilms) June 3, 2022
