ప్రభాస్ మంచి మనసుకి పవన్ ఫ్యాన్స్ ఫిదా! గొడవలు ఆగినట్టే!

పవన్‌ కల్యాణ్‌ ఫ్యాన్స్‌ గత రెండ్రోజులుగా సంబరాలు చేసుకుంటున్నారు. ఫ్యాన్‌ బాయ్‌ సుజీత్‌తో పవన్‌ ప్రాజెక్ట్‌ ఎప్పుడైతే అనౌన్స్‌ చేశారో అప్పటి నుంచి నెట్టింట అంతా ఈ సినిమా గురించే చర్చ జరుగుతోంది. సినిమా సంగతి పక్కన పెడితే ఆ పోస్టర్‌ నెక్ట్స్‌ లెవల్‌ ఉందంటూ చెబుతున్నారు. ఓల్డ్‌ గ్యాంగ్‌స్టర్‌ అని, పవన్‌ నీడలో ఒక గన్‌ని పెట్టడం, జపనీస్‌లో అగ్ని తుఫాన్‌ రాబోతోంది అని రాయడం, ముంబై, జపాన్‌ బుద్ధుడి విగ్రహం ఇలా ప్రతి డీటెయిల్‌ సినిమాపై భారీ అంచనాలను పెంచేస్తున్నాయి. పవన్‌ కల్యాణ్‌ ఫ్యాన్‌ పవన్‌ డైరెక్ట్‌ చేస్తే ఎలా ఉంటుందో గబ్బర్‌ సింగ్‌లో ఇప్పటికే చూశాం. ఇప్పుడు ఈ సినిమా అంతకు మించి ఉండాలంటూ ఫ్యాన్స్ కోరుకుంటున్నారు. హరీశ్‌ శంకర్‌ కూడా సుజిత్‌ అలాంటి సినిమా తీయాలంటూ కోరుకున్నాడు.

ఇప్పుడు పవన్‌ ఫ్యాన్స్‌ ఇంకో విషయంలో కూడా ఫుల్‌ ఖుషీగా ఉన్నారు. అది ఎందుకు అంటే ప్రభాస్‌ చేసిన పనికి పవన్‌ ఫ్యాన్స్‌ చాలా సంతోషంగా ఉన్నారు. టాలీవుడ్‌ టాప్‌ హీరోల్లో పవన్‌- ప్రభాస్‌ ఉంటారనే విషయాన్ని ఎవరూ కాదనలేరు. గతంలో నుంచి పవన్‌- ప్రభాస్‌ ఫ్యాన్స్‌ మధ్య కోల్డ్‌ వార్‌ నడుస్తున్న విషయం తెలిసిందే. హీరోలు వారిలో వాళ్లు ఎలా ఉన్నా కూడా.. ఫ్యాన్స్‌ మాత్రం కొట్టుకుంటూనే ఉంటారు. మా హీరో గొప్ప అంటే మా హీరో గొప్ప అంటూ నెట్టింట యుద్ధాలు చేస్తూ ఉంటారు. కొన్నిసార్లు బయట కూడా బాహాబాహీకి దిగిన సందర్భాలు కూడా చాలానే ఉన్నాయి. ఇప్పుడు ప్రభాస్‌ చేసిన పనికి అవన్నీ సమసి పోతాయంటూ చెబుతున్నారు. పవన్‌ ఫ్యాన్స్ కూడా ప్రభాస్‌ తోపు అంటూ కితాబు ఇస్తున్నారు.

విషయం ఏంటంటే.. పవన్‌ కల్యాణ్‌- సుజిత్‌ సినిమా పోస్టర్‌ విడుదల తర్వాత టాలీవుడ్‌ నుంచి ఎంతో మంది ప్రముఖులు, హీరోలు శుభాకాంక్షలు చెప్పారు. అయితే అదే సమయంలో ప్రభాస్‌ కూడా ఈ సినిమా పోస్టర్‌ని తన ఇన్‌స్టాగ్రామ్‌ ఖాతాలో స్టోరీగా పోస్ట్‌ చేశాడు. అంతేకాకుండా పవన్‌- సుజిత్- సినిమా బృందానికి శుభాకాంక్షలు తెలిపాడు. “పవన్‌ కల్యాణ్‌ గారు, సుజిత్‌కి శుభాకాంక్షలు. ఈ కాంబినేషన్‌ కచ్చితంగా హిట్టు కొడుతుంది. దానయ్య గారు, సినిమా బృందానికి శుభాకాంక్షలు” అంటూ ప్రభాస్‌ స్టోరీ పోస్ట్‌ చేశాడు. ఇది చూసిన తర్వాత వీళ్ల ఫ్యాన్స్‌ మధ్య జరుగుతున్న కోల్డ్‌ వార్‌ ఇక ఉండదని చెబుతున్నారు. దానికి తగ్గట్లు ప్రభాస్‌ తోపు హీరో అంటూ పవన్‌ ఫ్యాన్స్‌ ఇప్పటికే నెట్టింట పోస్టులు, కామెంట్లు పెడుతున్నారు.

THANK YOU PRABHAS garu for your wishes. It means a lot to us!! ❤️🔥 #FirestormIsComing pic.twitter.com/j5GLe12Hba

— DVV Entertainment (@DVVMovies) December 4, 2022