follow us:
తన సంగీతంతో ఎంతో మంది భారతీయుల హృదయాలు గెల్చుకున్న పండిట్ శివకుమార్ శర్మ కన్నుముశారు. ఆయన సంతూర్ ప్లేయర్. పండిట్ శివకుమార్ శర్మ ఈరోజు ముంబైలో తుది శ్వాస విడిచారు. కొంత కాలంగా ఆయన అనారోగ్యంతో బాధపడుతున్నారు. ముంబైలోని హాస్పిటల్ లో చికిత్స పొందుతూ మృతి చెందారు.
సంతూర్ వాయించడంతో ఆయనకు ఎంతో గొప్ప పేరు ఉంది. ప్రపంచంలో పలు దేశాలు పర్యటించిన తన సంతూర్ వాయిద్యంతో మంత్రముగ్దులను చేసేవారు. భారతీయ సంగీతానికి అంతర్జాతీయ గుర్తింపు తీసుకు వచ్చారు శర్మ. కొన్ని హిట్ సినిమాలకు సంగీతం అందించి చిత్ర పరిశ్రమలో మంచి పేరు సాదించుకున్నాడు.
శివకుమార్ శర్మ 1938 లో కశ్మీర్ లో పుట్టారు. ప్రభుత్వం పద్మ విభూషన్ తో సత్కరించింది. ఒకప్పుడు బాలీవుడ్ లో ఎన్నో హిట్ సాంగ్స్ అందించారు శివ్ కుమార్ శర్మ, హరిప్రసాద్ చౌరాసియా. వీరిద్దరి కాంబినేషన్ లో వచ్చిన పాటలు ఎంతో మధురంగా ఉండేవి. ప్రధాని మోదీ ‘ఆయన గొప్ప భారత దేశం గర్వించదగ్గ సంగీత కళాకారుడు.. ఆయన సంతూర్ వాయిద్యం రాబోయే తరాల వారికి చిరస్థాయిగా గుర్తుంటుందని.. ఆయనకు నా సంతాపం’ అని పోస్ట్ చేశారు. పండిట్ శివకుమార్ శర్మ మరణ వార్త విన్న సినీ ప్రముఖులు, సెలబ్రెటీలు సంతాపం వ్యక్తం చేసారు.
Our cultural world is poorer with the demise of Pandit Shivkumar Sharma Ji. He popularised the Santoor at a global level. His music will continue to enthral the coming generations. I fondly remember my interactions with him. Condolences to his family and admirers. Om Shanti.
— Narendra Modi (@narendramodi) May 10, 2022
