follow us:
అమ్మాయి క్యూట్, అబ్బాయి నాటు వెబ్ సిరీస్ లో తన క్యూట్ యాక్టింగ్ తో అందరినీ ఆకట్టుకున్న మౌనిక రెడ్డి.. భీమ్లా నాయక్ సినిమాలో పోలీస్ పాత్రలో నటించి మెప్పించారు. ఈ సినిమాలో మౌనిక నటనకు మంచి మార్కులే పడ్డాయి. పవన్ కళ్యాణ్ సినిమాలో నటించడంతో ఒక్కసారిగా మౌనిక ఫేట్ మారిపోయింది. ఆమెకు మంచి రెమ్యునరేషన్ ఇచ్చి మరీ సినిమాలు ఆఫర్ చేస్తున్నట్లు సమాచారం. ఇక సినీ లైఫ్ సెట్ అవ్వడంతో.. పర్సనల్ లైఫ్ ని కూడా సెట్ చేసుకోవాలని నిర్ణయించుకున్న మౌనిక.. కొన్ని రోజుల క్రితం తన పెళ్లి విషయాన్ని వెల్లడించారు. తన స్నేహితుడు సందీప్ తో పెళ్లి కుదిరిందని ఆమె ప్రకటించారు. వారం క్రితం నిశ్చితార్థం చేసుకున్న ఈ జంట ఆదివారం ఒక శుభముహూర్తాన ఒకటయ్యారు.
సందీప్, మౌనికా రెడ్డి వివాహం గోవాలో గ్రాండ్ గా జరిగింది. డెస్టినేషన్ వెడ్డింగ్ ని రెండు రోజుల పాటు జరిగేలా ప్లాన్ చేసుకున్నారు. ఈ నెల 17, 18 తేదీల్లో గోవాలో జరిగింది. డిసెంబర్ 17న ఉదయం 11 గంటలకు హల్దీ వేడుక జరుగగా.. డిసెంబర్ 18న 11.39 నిమిషాలకు పెళ్లి జరిగింది. అయితే ఈ వేడుకకు పెద్దగా సెలబ్రిటీలని ఆహ్వానించలేదని సమాచారం. అతి కొద్ది మంది మాత్రమే ఈ వేడుకకు హాజరైనట్లు తెలుస్తోంది. ఆమె కుటుంబ సభ్యులు, అత్యంత సన్నిహితులు, స్నేహితులు మాత్రమే ఈ వేడుకకు హాజరయ్యారు. మౌనిక క్లోజ్ ఫ్రెండ్ అయిన యాంకర్ వర్షిణి ఈ వేడుకలో పాల్గొన్నారు. ప్రస్తుతం మౌనిక పెళ్ళికి సంబంధించిన ఫోటోలు సోషల్ మీడియాలో వైరల్ అవుతున్నాయి. అభిమానులు సోషల్ మీడియా వేదికగా శుభాకాంక్షలు తెలుపుతున్నారు. మీరు కూడా ఈ కొత్త జంటకు విషెష్ తెలియజేయండి.
View this post on Instagram
