ఇండియన్ ఐడల్-2 కంటెస్టెంట్ పై హరీష్ రావ్ ప్రశంసలు!

తమ మధురమైన గానంతో ఎంతో మంది ప్రేక్షకుల హృదయాలను కొల్లగొడుతున్నారు తెలుగు ఇండియన్ ఐడల్ 2 కంటెస్టెంట్లు. ప్రముఖ ఓటీటీ సంస్థ అయిన ఆహాలో ఈ షో ప్రసారం అవుతోంది. ఇక ఈ షోలో కంటెస్టెంట్స్ పై ప్రశంసలు కురిపిస్తున్నారు ప్రముఖ సింగర్లు. ఇప్పటికే శ్రేయా ఘోషల్, హిమేష్ రేష్మియా, జీవీ ప్రకాశ్, DSPలు పలువురు ఇండియన్ ఐడల్ కంటెస్టెంట్స్ మీద ప్రశంసలు కురిపించిన సంగతి తెలిసిందే.ఈ జాబితాలోకి చేరారు తెలంగాణ ఆర్థిక మంత్రి హరీష్ రావు. ఇండియన్ ఐడల్ సీజన్ 2లో తన మధురమైన గానంతో అదరగొడుతున్న సిద్దిపేట ముద్దు బిడ్డపై ట్వీటర్ వేదికగా అభినందనలు తెలిపారు హరీష్ రావు.

ఆహా వేదికగా ప్రసారం అవుతున్న తెలుగు ఇండియన్ ఐడల్ 2 కంటెస్ట్ంట్ అయిన లాస్యప్రియ గానంపై ప్రశంసలు కురిపించారు తెలంగాణ ఆర్థిక మంత్రి తన్నీరు హరీష్ రావు. ట్వీటర్ వేదికగా ఆయన ఈ విధంగా రాసుకొచ్చారు. “ఆహాలో జరుగుతున్న ఇండియన్ ఐడల్ 2 సింగింగ్ షోలో అద్భుతంగా పాడుతూ.. తన గానంతో అందరిని మెప్పిస్తున్న సిద్దిపేట ముద్దుబిడ్డ లాస్యప్రియకు హృదయపూర్వక అభినందనలు. నీ సంగీతాన్ని ఇలాగే కొనసాగించి, ఎన్నో ఉన్నత శిఖరాలు అధిరోహించాలని మనస్ఫూర్తిగా కోరుకుంటున్నాను” అంటూ ట్వీట్ చేశారు హరీష్ రావు.ప్రస్తుతం టాప్ 7 కంటెస్టెంట్స్ లో లాస్యప్రియ ఒకరు. టాలెంట్ ఎక్కడ ఉన్నాగానీ దానిని అభినందించడంలో ఎప్పుడూ ముందుంటారు హరీష్ రావు.

ఆహా లో జరుగుతున్న ఇండియన్ ఐడల్ సీజన్ 2 సింగింగ్ కాంపిటీషన్లో అద్భుతంగా పాటలు పాడుతూ అందర్నీ మెప్పిస్తున్న సిద్దిపేట ముద్దుబిడ్డ లాస్య ప్రియకు హృదయపూర్వక అభినందనలు. నీ సంగీత ప్రస్థానాన్ని ఇలాగే కొనసాగించి, ఉన్నత శిఖరాలను అధిరోహించాలని మనస్పూర్తిగా కోరుకుంటున్నాను. pic.twitter.com/BT9c3GQKjl

— Harish Rao Thanneeru (@BRSHarish) April 20, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.