follow us:
సినీ ఇండస్ట్రీలో హీరోయిన్ల వయసు ముప్పైయేళ్లు దాటితేనే ఎప్పుడెప్పుడు పెళ్లి చేసుకుంటుందా? వయసు ముదిరిపోతుంటే పెళ్లి చేసుకోకుండా ఇంకేం ఆలోచిస్తుంది? అంటూ కామెంట్స్ వినిపిస్తుంటాయి. మరి ముప్పైయేళ్లకే అలా అంటే.. నలభై దాటినా పెళ్లి చేసుకోకుండా ఉన్న హీరోయిన్స్ గురించి ఏమంటారు. టాలీవుడ్ లో నలభై దాటినా పెళ్లి చేసుకోని ఏకైక హీరోయిన్ అనుష్క శెట్టి. ఫ్యాన్స్ ముద్దుగా స్వీటీ అని పిలుచుకునే అనుష్క.. ఇంకెన్నాళ్లు పెళ్లి మాటను దాటవేయాలనుకుంటుంది.. సరే చేతినిండా సినిమాలతో బిజీ ఉందేమో అనుకుంటే అదీలేదు. మరింకేం.. ఆమె పెళ్లి ఆమె ఇష్టం అని మీకు అనిపించవచ్చు.
అనుష్క పెళ్లి అనుష్క ఇష్టమే.. కానీ, ఫ్యాన్స్ ఇంకా ఆమెను బ్యాచిలర్ గా చూసేందుకు రెడీ లేరు. అనుష్క టాలీవుడ్ లో అడుగుపెట్టి దాదాపు 16 ఏళ్లు పూర్తవుతున్నాయి. ఆమె ఇండస్ట్రీలోకి రావడమే 25 ఏళ్లకు వచ్చింది. సో.. ఇంకా కొన్నేళ్లు టైమ్ ఉంది అనుకోవడానికి కూడా టైమ్ దాటిపోయినట్లే. 2020లో నిశ్శబ్దం మూవీ తర్వాత ఇంతవరకు అనుష్క నుండి ఏ సినిమా రాలేదు. ప్రస్తుతం ఓ సినిమా షూటింగ్ జరుగుతుంది.. కానీ, ఆ సినిమా గురించి పెద్దగా ఊసు లేదు. ఇలాంటి సమయంలో అనుష్క పెళ్లి టాపిక్ మరోసారి వార్తల్లోకెక్కింది. ఆ వార్తలను బట్టి.. అనుష్క త్వరలోనే ఓ వ్యాపారిని పెళ్లాడనున్నట్లు తెలుస్తుంది.
ఈ వార్తల్లో ఎంతవరకు నిజముందో తెలియదుగానీ.. మంగుళూరుకు చెందిన అనుష్క, తెలంగాణకు చెందిన ప్రముఖ నగల వ్యాపారిని పెళ్లి చేసుకోబోతుందని టాక్. అయితే.. అనుష్క పెళ్లి గురించి వార్తలు, రూమర్స్ బాగానే వస్తున్నా.. తాను మాత్రం ఏమి స్పందించకపోవడం గమనార్హం. గతంలో ఇలాగే డార్లింగ్ ప్రభాస్ తో అనుష్క పెళ్లి అంటూ వచ్చిన వార్తలను ఫ్రెండ్ షిప్ తో కొట్టిపారేశారు. ఇప్పుడు ఏకంగా తెలంగాణకు చెందిన నగల వ్యాపారితో పెళ్లి అంటున్నారు.. మరి దీనిపై అనుష్క ఎలా స్పందించనుందో చూడాలి. ఇదిలా ఉండగా.. అనుష్క ప్రస్తుతం నవీన్ పొలిశెట్టితో ఓ మూవీ చేస్తోంది.
View this post on Instagram
View this post on Instagram
