follow us:
అతడు యువ హీరో. పలు సినిమాలు చేస్తూ ప్రేక్షకుల్ని అలరిస్తున్నాడు. ఇప్పుడు కూడా ఓ చిత్రంలో నటించాడు. అది విడుదలకు సిద్ధమైంది. ఈ క్రమంలోనే ఇంటర్వ్యూలో పాల్గొన్నాడు. యాంకర్ ప్రశ్నలకు సమాధానమిచ్చాడు. కట్ చేస్తే.. సదరు యాంకర్, యువహీరోపై కేసు పెట్టింది. దీంతో పోలీసులు అతడిని అరెస్ట్ చేశారు. తనని అగౌరవపరిచినందుకే, తను సహనం కోల్పోయానని అన్నాడు. అందుకే అలా మాట్లాడాల్సి వచ్చిందన్నట్లు పోలీస్ విచారణలో పేర్కొన్నాడు. ప్రస్తుతం ఈ విషయం ఇండస్ట్రీలో హాట్ టాపిక్ గా మారింది.
ఇక వివరాల్లోకి వెళ్తే… ప్రముఖ మలయాళ నటుడు శ్రీనాథ్ బాసీని పోలీసులు అరెస్ట్ చేశారు. తన పట్ల శ్రీనాథ్ అసభ్యంగా ప్రవర్తించాడని ఓ మహిళా యాంకర్.. కేరళలోని మరడు పోలీసుస్టేషన్ లో ఫిర్యాదు చేసింది. మూవీ ప్రమోషన్ లో పాల్గొన్న అతడు.. ఇంటర్వ్యూ మధ్యలో తనని దూషించాడని ఆమె తన ఫిర్యాదులో పేర్కొంది. అందుకు సంబంధించిన రికార్డును పోలీసులకు అందజేసింది. ఈ మేరకు 354, 509, 294 సెక్షన్ల కింద కేసు నమోదు చేశారు. సోమవారం సాయంత్రం, శ్రీనాథ్ ని అరెస్ట్ చేశారు.
అయితే అరెస్ట్ అయిన కాసేపటికే.. శ్రీనాథ్ బెయిల్ పై బయటకొచ్చాడు. తన అరెస్ట్ ని ఖండించాడు. యాంకర్ తనని అగౌరవపరుస్తూ ప్రశ్నలు అడిగిందని, అందుకే తన సహనం కోల్పోయానని.. పోలీసు విచారణలో అతడు పేర్కొన్నట్లు తెలుస్తోంది. ఇదిలా ఉండగా కప్పెలా, భీష్మపర్వం తదితర చిత్రాల్లో కీలక పాత్రలు చేసిన శ్రీనాథ్.. ‘చట్టంబి’ చిత్రంతో త్వరలో ప్రేక్షకుల్ని పలకరించనున్నాడు. ఈ సినిమా ప్రమోషన్ లోనే ఈ సంఘటన చోటుచేసుకుంది. మరి హీరో శ్రీనాథ్ ని అరెస్ట్ చేయడంపై మీ అభిప్రాయాన్ని కామెంట్స్ లో పోస్ట్ చేయండి.
ఇదీ చదవండి: తెలుగు హీరోలపై బాలీవుడ్ ఆడియెన్స్ ట్రోల్స్! కారణం?
