Mahesh Babu: మైక్రోసాప్ట్ అధినేత బిల్ గేట్స్ ని క‌లిసిన మ‌హేశ్ బాబు!

Mahesh Babu-Bill Gates: టాలీవుడ్ సూపర్ స్టార్ మహేష్ బాబు ఇటీవలే సర్కారు వారి పాట సినిమాతో మంచి విజయాన్ని ఖాతాలో వేసుకున్న సంగతి తెలిసిందే. అదీగాక సినిమా సినిమాకి మధ్య మహేష్ తన ఫ్యామిలీతో ఫారెన్ టూర్ కి వెళ్లొస్తుంటాడు. ఈ క్రమంలో సర్కారు వారి పాట విజయోత్సాహంతో భార్య నమ్రత, పిల్లలు గౌతమ్, సితారలతో యూరప్ టూర్ వెళ్ళిపోయాడు. అక్కడ రోజూ ఎంజాయ్ చేస్తున్న ఫోటోలు, వీడియోలను సోషల్ మీడియాలో పోస్ట్ చేస్తూ ఫ్యాన్స్ కి అప్ డేట్ ఇస్తున్నాడు.

ప్రస్తుతం మహేష్ తన ఫ్యామిలీతో న్యూయార్క్ చేరుకున్నట్లు తెలుస్తుంది. అంతేగాక తన సతీమణి నమ్రతతో కలిసి ప్రపంచలోనే అత్యంత ధనికుడు, మైక్రోసాఫ్ట్ అధినేత అయినటువంటి బిల్ గేట్స్ ని కలిశాడు. ఇక బిల్ గేట్స్ తో మహేష్ కలిసి దిగిన ఫోటోలు సోషల్ మీడియాలో షేర్ చేయగా.. ఇప్పుడు ఆ ఫోటోలు నెట్టింట వైరల్ అవుతున్నాయి.

బిల్ గేట్స్ తో ఫోటో షేర్ చేస్తూ.. “బిల్‌గేట్స్ ని కలవడం చాలా ఆనందంగా ఉంది. ప్రపంచంలోని అత్యుత్తమ వ్యక్తుల్లో ఒకరు. నిజమైన ఇన్స్పిరేషన్. ఎంతో గౌరవమైన వ్యక్తి” అంటూ క్యాప్షన్ జోడించడం విశేషం. ఆ తర్వాత బిల్‌ గేట్స్ తో కాసేపు ముచ్చటించడం జరిగిందట. ఇక ఈ ఫోటోపై రియల్ శ్రీమంతుడితో రీల్ శ్రీమంతుడు అంటూ కామెంట్స్ చేస్తున్నారు నెటిజన్స్. ఇదిలా ఉండగా.. ట్రిప్ నుండి ఇండియాకి వచ్చాక మహేష్ త్రివిక్రమ్ తో తన 28వ సినిమా చేయనున్నాడు. అనంతరం రాజమౌళితో పాన్ ఇండియా మూవీకి రెడీ కాబోతున్నాడు. మరి మహేష్ – బిల్ గేట్స్ ల ఫోటోపై మీ అభిప్రాయాలను కామెంట్స్ లో తెలియజేయండి.

Had the pleasure of meeting Mr. @BillGates! One of the greatest visionaries this world has seen… and yet the most humble! Truly an inspiration!! pic.twitter.com/3FN2y7bIoc

— Mahesh Babu (@urstrulyMahesh) June 29, 2022