రాజు కొడుకు రాజే అవుతాడు.. హీరో కొడుకు హీరోనే అవుతాడు అంటారు. కానీ కొందరు సెలబ్రిటీల పిల్లలు మాత్రం భిన్న రంగాల్లో తమ ప్రతిభను చాటుకుంటూ ముందుకు సాగుతున్నారు. ఈ కోవకు చెందిన వాడే మాధవన్ కొడుకు వేదాంత్. తాజాగా ఓ రికార్డ్‌ క్రియేట్‌ చేశాడు వేదాంత్. ఆ వివరాలు..
సాధారణంగా స్టార్‌ కిడ్స్‌ అంటే.. బై బర్త్‌ సెలబ్రిటీలు. దాంతో వారు ఏం చేసినా.. వార్తే అవుతుంది. ఇక సినిమా హీరోలు, రాజకీయ నాయకులు పిల్లలు అంటే.. ఇక వారి వారసులు కూడా.. అదే రంగాల్లో రాణించాలని వారితో పాటు అభిమానులు కోరుకుంటారు. చాలా వరకు తల్లిదండ్రులు రాణించిన రంగాల్లోనే.. వారి పిల్లలు కూడా రాణించాలని భావిస్తారు. కానీ కొందరు మాత్రం.. తమకు నచ్చిన రంగాన్ని ఎంచుకుని.. దానిలో విజయాలు సాధిస్తుంటారు. ఈ కోవకు చెందిన వాడే హీరో మాధవన్ కొడుకు వేధాంత్. స్విమ్మింగ్ పోటీల్లో సత్తా చాటుతూ.. మెడల్స్‌ సాధిస్తున్నాడు. ఇక తాజాగా మరోసారి రికార్డు సృష్టించాడు మాధవన్ కొడుకు. ఆ వివరాలు..
స్విమ్మింగ్ పోటీల్లో మళ్లీ బంగారు పతకాలు సాధించి సత్తా చాటాడు మాధవన్ కుమారుడు వేదాంత్. మలేషియాలో నిర్వహించిన స్విమ్మింగ్ పోటీల్లో సత్తా చాటాడు. ఐదు బంగారు పతకాలు సాధించి అదరగొట్టేశాడు వేదాంత్. 50, 100, 200, 400, 1500 మీటర్ల విభాగంలో వేధాంత్ సత్తా చాటి ఇండియా తరఫున బంగారు పతకాలు సాధించాడు. ఈ విషయాన్ని స్వయంగా మాధవన్ తన ట్విట్టర్ ఖాతాలో షేర్ చేశాడు. తన కొడుకు సాధించిన ఘనతను గురించి ట్వీట్‌ చేస్తూ.. మురిసిపోయాడు మాధవన్. వేదాంత్ సాధించిన విజయంతో తనకు పుత్రోత్సాహం కలగడం మాత్రమే కాక.. సంతోషంతో గాల్లో తేలిపోతోన్నట్టుగా ఉంది అంటూ మాధవన్ చేసిన ట్వీట్‌ను చూసి నెటిజన్లు ప్రశంసలు కురిపిస్తున్నారు.
సాధారణంగా సెలబ్రిటీల పిల్లలు ఎలా తయారవుతుంటారో మనం చూస్తూనే ఉన్నాం. వాళ్లే కాక.. ప్రస్తుతం ఉన్న జనరేషన్ అంతా కూడా పబ్బులు, పార్టీలు, డ్రగ్స్ అంటూ వెస్ట్రన్ కల్చర్‌కు అలవాటు పడుతున్నారు. ఇక బాలీవుడ్ స్టార్స్‌ పిల్లలు అందరూ కూడా డ్రగ్స్ బ్యాచ్ అని అంటుంటారు. కానీ మాధవన్ మాత్రం తన కొడుకుని ఎంతో గొప్పగా పెంచినట్టు కనిపిస్తోంది అంటున్నారు నెటిజనులు. ఇంకా మున్ముందు మరిన్ని పతకాలు సాధించి.. దేశానికి గర్వకారణమవ్వాల్ని కోరుకుంటున్నారు నెటిజనులు. మాధవన్, వేదాంత్ పట్ల సోషల్ మీడియాలో ఎప్పుడూ పాజిటివ్‌ వైబ్స్ ఉంటాయన్న సంగతి తెలిసిందే.
ఇక సినిమాల విషయానికి వస్తే.. మాధవన్ తాజాగా ఏ సినిమాను ఒప్పుకున్నట్టుగా కనిపించడం లేదు. విలన్‌గానూ, హీరోగానూ మాధవన్ అందరినీ ఆకట్టుకుంటున్నాడు. తెలుగులో అయితే విలన్‌గానూ ఎంట్రీ ఇచ్చి మెప్పించాడు మాధవన్. నాగ చైతన్య సవ్యసాచి సినిమాలో మాధవన్ విలన్‌గా నటించిన విషయం తెలిసిందే. అలానే అనుష్క శెట్టి నిశ్శబ్దం సినిమాలోనూ భిన్న పాత్రలో అలరించాడు. మరి మాధవన్ కొడుకు సాధించిన విజయంపై మీ అభిప్రాయాలను కామెంట్స్‌ రూపంలో తెలియజేయండి.
With Gods grace and all your wishes Vedaant gets 5 golds for India ( 50, 100,200,400 & 1500m) with 2 PB’s at the Malaysian invitational age group championships,2023 held this weekend in Kuala Lumpur. Elated and very grateful. 🙏🙏🇮🇳🇮🇳🇮🇳❤️❤️❤️Thank you @swimmingfedera1 @Media_SAI pic.twitter.com/vaDMmiTFnh
— Ranganathan Madhavan (@ActorMadhavan) April 16, 2023
