follow us:
KGF 2: ఈ ఏడాది ఇండియన్ బాక్సాఫీస్ వద్ద రికార్డు సృష్టించిన సినిమాలలో కేజీఎఫ్ చాప్టర్ 2 ఒకటి. దర్శకుడు ప్రశాంత్ నీల్, హీరో యష్ కాంబినేషన్ లో ‘కేజీఎఫ్ చాప్టర్ 1’కి సీక్వెల్ గా రూపొందిన ఈ సినిమా.. ఏప్రిల్ 14న ప్రపంచవ్యాప్తంగా విడుదలై వసూళ్ల వర్షం కురిపించింది. హోంబలే ఫిలిమ్స్ బ్యానర్ పై విజయ్ కిరగందుర్ నిర్మించిన ఈ సినిమా.. బడ్జెట్ కి రెండింతలు లాభాలను తెచ్చిపెట్టి, 2022 హైయెస్ట్ కలెక్షన్స్ రాబట్టిన జాబితాలో టాప్ లో నిలిచింది.
ఇక కేజీఎఫ్ 2 విడుదలై 100 రోజులు పూర్తయిన సందర్భంగా మేకర్స్ తాజాగా ఓ స్పెషల్ వీడియోని రిలీజ్ చేశారు. ఏంటి 100 రోజులు పూర్తయితే కూడా స్పెషల్ వీడియోనా అని అనిపించవచ్చు. కానీ.. ఈ స్పెషల్ వీడియో సైతం ట్రైలర్స్ కి ఏమాత్రం తీసిపోకుండా రెడీ చేయడం విశేషం. ఇందులో కూడా కావాల్సినన్ని ఎలివేషన్స్ తో.. అదిరిపోయే మదర్ సెంటిమెంట్ తో డిజైన్ చేశారు. ప్రస్తుతం ఈ ‘100 ప్రామిసింగ్ డేస్ ఆఫ్ కేజీఎఫ్ 2’ వీడియో సోషల్ మీడియాలో ట్రెండ్ అవుతోంది.
ఈ నేపథ్యంలో రాఖీ భాయ్ చిన్నతనం.. తల్లికి చేసిన ప్రామిస్.. పెద్దయ్యాక సాధించిన సంపద.. చివరిగా సముద్రంలో షిప్ సీన్ వద్ద వీడియోని ముగించి.. మరోసారి సినిమా చూసిన ఫీల్ కలిగించారు. అయితే.. చివరలో ‘ఇది ఆరంభం మాత్రమే’ అని చెప్పడం కేజీఎఫ్ నుండి రాబోవు చాప్టర్స్ పై మరింత ఆసక్తి రేపుతుందనే చెప్పాలి. ఇక ఇప్పటికే ‘కేజీఎఫ్ చాప్టర్ 3’ ఉందనే సంగతి విదితమే. కాబట్టి.. ఈ తాజా వీడియో ప్రకారం.. కేజీఎఫ్ చాప్టర్ 3తో కూడా ఆగదని అర్థమవుతుంది. మరి ఈ ‘100 డేస్ ఆఫ్ కేజీఎఫ్ 2’ స్పెషల్ వీడియోపై మీ అభిప్రాయాలను కామెంట్స్ లో తెలియజేయండి.
