follow us:
ఇండస్ట్రీ అంటే కేవలం వెండితెరే కాదు.. బుల్లితెర కూడ. అందుకు తగ్గట్టుగానే బుల్లితెర నటులకు సినీ తారలతో సమానమైన ఫ్యాన్ ఫాలోయింగ్ ఉంటుంది. ప్రతీ కుటుంబానికి సిరియల్స్ ద్వారా దగ్గర అయ్యారు వారు. సిరియల్లలో కూడా హీరోలు ఉంటారు. వాళ్లకి ఉండే మహిళా అభిమానులను చూస్తే మనం అవాక్కైతాం. అలాంటి పేరున్న హీరోనే ఇప్పుడు ఓ వివాదంలో చిక్కుకున్నాడు. మరి ఆ గొడవకు సంబంధించి మరిన్ని వివరాల్లోకి వెళితే..
బుల్లితెర హీరో, నటుడుపై సిబ్బంది చేయి చేసుకున్న వీడియో ప్రస్తుతం నెట్టింట వైరల్ గా మారింది. ‘స్టార్‌ మా’ ధారావాహిక సావిత్రమ్మ గారి అబ్బాయితో తెలుగులో గుర్తింపు పొందిన నటున్‌ చందన్ కుమార్‌. ప్రస్తుతం అతడు తెలుగులో ‘శ్రీమతి శ్రీనివాస్‌’ సీరియల్లో లీడ్‌ రోల్‌ పోషిస్తున్నాడు. ఈ నేపథ్యంలో తాజాగా జరిగిన షూటింగ్‌లో చందన్ సిబ్బందితో అనుచితంగా ప్రవర్తించాడు. సీరియల్‌కు పనిచేస్తున్న ఓ టెక్నిషియన్‌ను నానాబూతులు తిడుతూ నోరుపారేసుకున్నాడు. దీంతో యూనిట్ అంతా తిరగబడ్డారు. ఈ క్రమంలోనే తన మదర్‌ను దూషించాడంటూ ఓ టెక్నిషియన్ చందన్ చెంప చెల్లుమనిపించాడు.
అంతేకాదు అతనిపై మాటల దాడికి దిగారు. ఇక అక్కడే ఉన్న మిగతా సిబ్బంది చందన్‌తో టెక్నిషియన్‌కు క్షమాపణలు చెప్పించారు. అనకూడని మాటలు అన్నాడు, నా తల్లిని దూషించాడు ఇప్పుడు సారీ చెబితే ఊరుకుంటామా అని సదరు సిబ్బంది వాదించాడు. కాగా చందన్ కన్నడ పరిశ్రమలో మంచి గుర్తింపు పొందాడు. అతడు హీరోగా, యాక్షన్‌ కింగ్‌ అర్జున్‌ కూతురు ఐశ్వర్య హీరోయిన్‌గా ‘ప్రేమ బరహా’ చిత్రం కూడా వచ్చింది. ఈ క్రమంలో తనతో పనిచేసే వారిని సమానంగా చూడాల్సింది పోయి ఇలా తిట్టడంపై మీ అభిప్రాయాలను కామెంట్స్ రూపంలో తెలియజేయండి.
ఇదీ చదవండి: Salman Khan: ప్రాణాలు పోతాయని భయపడుతున్న సల్మాన్ ఖాన్!
ఇదీ చదవండి: ఇండస్ట్రీలో విషాదం.. ప్రముఖ హాస్యనటుడు కడలి జయసారధి కన్నుమూత!
