అలాంటి డ్రెస్ తో గుడికి వస్తారా? యువతిని తిట్టిపోసిన హీరోయిన్!

దేశంలో ఇటీవల పాశ్చాత్య నాగరికత ఎక్కువగా పెరిగిపోతుంది. యూత్ ఎక్కువగా ఫ్యాషనబుల్ గా కనిపించేందుకు ఇష్టపడుతున్నారు. ఎక్కడో చాలా అరుదుగా సంప్రదాయ దుస్తులు ధరిస్తున్నవారు కనిపిస్తున్నారు. సాధారణంగా ప్రసిద్ది గాంచిన దేవాలయాల్లోకి ఫ్యాషన్ దుస్తులను అనుమతించరు.. సంప్రదాయ దుస్తుల్లోనే వెళ్లాల్సి ఉంటుంది. తాజాగా ఓ యువతి ఆలయంలోకి షార్ట్ డ్రెస్ వేసుకొని రావడంపై ప్రముఖ నటి తీవ్ర ఆగ్రహం వ్యక్తం చేసింది. ప్రస్తుతం దీనికి సంబంధించిన ట్వీట్ సోషల్ మీడియాలో వైరల్ అవుతుంది. వివరాల్లోకి వెళితే.

హిమాచల్ ప్రదేశ్ కాంగ్రాలోని బైజ్ నాథ్ దేవాలయంలోకి ఓ యువతి షార్ట్ డ్రెస్ వేసుకొని వచ్చింది. దీనికి సంబంధించిన ఫోటోలు సోషల్ మీడియాలో వైరల్ కావడంతో ప్రముఖ బాలీవుడ్ నటి కంగనా రౌనత్ తీవ్ర ఆభ్యంతరం చేయడంతో పాటు ఆగ్రహం వ్యక్తం చేసింది. ఓ ట్విట్టర్ యూజర్ ఆలయంలో యువతిఫోటోని షేర్ చేశాడు.. అది కాస్త వైరల్ అయ్యింది. దీనిపై స్పందించిన కంగనా రౌనత్ షార్ట్ లో వచ్చిన అమ్మాయిని ఉద్దేశించి ‘ఇవి పాశ్చత్య దుస్తులు.. తెల్లవారిచే కనిపెట్టబడి ప్రచారం చేయబడినవి.. క్యాజువల్స్ లాగా నైట్ డ్రెస్ లు వేసుకొని ఆలయాలకు వచ్చేవారు దుర్మార్గపు బుద్ది ఉన్నవారు.. ఇలాంటి మూర్ఖులకు కఠినమైన నిబంధనలు ఉండాలి.. పబ్, నైట్ క్లబ్ కి వెళ్లినట్టు బైజ్‪నాథ్ దేవాలయానికి రావడం తీవ్రంగా వ్యతిరేకిస్తున్నాను.. ఒకప్పుడు నేను షార్ట్, టీషర్ట్ ధరించినందుకు నన్ను ఆ ప్రాంగనం వైపు కనీసం అనుమతించలేదు. నేను వెంటనే వెనుతిరిగిపోయాను’ అంటూ తన గతాన్ని గుర్తుకు చేసుకుంది.

కంగనా పోస్ట్ పై పలువురు నెటిజన్లు ఆమెకు మద్దుతు పలికారు.. ఇలాంటి డ్రెస్సులు వేసుకొని పవిత్రమైన దేవాలయాలకు రావడం నిజంగా మూర్ఖత్వం.. ఇలాంటి వారికి దేవుడిపై భక్తి ఉండదు.. స్టైల్ కోసం, సెల్ఫీల కోసం వస్తుంటారని కొంతమంది నెటిజన్లు కామెంట్స్ చేస్తున్నారు. బాలీవుడ్ క్వీన్ కంగనా రౌనత్ ఎప్పుడూ ఎదో ఒక విషయంపై సోషల్ మీడియాలో తనదైన స్టైల్లో స్పందిస్తుంటారు. తాజాగా ఆమె పోస్ట్ చేసిన ట్విట్ నెట్టింట వైరల్ గా మారింది.

These are western clothes, invented and promoted by white people, I was once at the Vatican wearing shorts and t shirt, I wasn’t even allowed in the premises, I had to go back to my hotel and change…. These clowns who wear night dresses like they are casuals are nothing but lazy… https://t.co/EtPssi3ZZj

— Kangana Ranaut (@KanganaTeam) May 26, 2023