చరణ్‌పై జేమ్స్ కామెరూన్ ప్రశంసలు.. గర్వంగా ఉందన్న చిరంజీవి

ఆర్ఆర్ఆర్ సినిమాతో రామ్ చరణ్, ఎన్టీఆర్ లిద్దరూ ప్రపంచస్థాయి నటుల జాబితాలో చేరిపోయారు. ప్రపంచవ్యాప్తంగా ప్రేక్షకులు, టెక్నీషియన్లు వీరి నటనకు ఇంప్రెస్ అయిపోయారు. ఇప్పటికే జేమ్స్ కామెరూన్ ఈ సినిమాని చూసి రాజమౌళి టాలెంట్ కి సెల్యూట్ చేశారు. సినిమా చాలా బాగుందంటూ ప్రశంసల జల్లు కురిపించారు. హాలీవుడ్ సినిమా డైరెక్ట్ చేసే అవకాశం ఇస్తా అని కూడా చెప్పారు. ఇక నాటు నాటు పాట ఒరిజినల్ సాంగ్ కేటగిరీలో ఆస్కార్ బరిలో నిలిచిన క్రమంలో జేమ్స్ కామెరూన్ మరోసారి ఆర్ఆర్ఆర్ సినిమాపై తన అభిప్రాయాలను పంచుకున్నారు. ఆర్ఆర్ఆర్ సినిమా ఒక అద్భుతమైన చిత్రమని అన్నారు.

మొదటిసారి సినిమా చూసినప్పుడు.. ఏమి ఆశించాలో అనేది తెలియలేదని, ఆశ్చర్యపోయానని అన్నారు. ఆర్ఆర్ఆర్ సినిమాలో రామ్ చరణ్ పోషించిన సీతారామరాజు పాత్ర తనకు ఎంతగానో నచ్చిందని అన్నారు. సీతారామరాజు పాత్రను అర్థం చేసుకోవడం చాలా ఛాలెంజింగ్ అని, ఒక్కసారి అర్థం చేసుకున్నాక హృదయం బద్దలవుతుందని అన్నారు. ఈ విషయంలో రాజమౌళి విజయాన్ని సాధించారని, ఇంతకు ముందే రాజమౌళికి స్వయంగా చెప్పినట్లు గుర్తు చేశారు. అయితే చరణ్ పై జేమ్స్ కామెరూన్ ప్రశంసలు కురిపించడంతో మెగాస్టార్ చిరంజీవి పుత్రోత్సాహంతో ఉప్పొంగిపోతున్నారు. ప్రపంచం గర్వించే దిగ్గజ దర్శకుడు చరణ్ ను పొగడడంతో తన సంతోషాన్ని ట్విట్టర్ వేదికగా పంచుకున్నారు.

జేమ్స్ కామెరూన్ సార్.. ఆర్ఆర్ఆర్ సినిమాలో రామ్ చరణ్ పాత్రకు గ్లోబల్ ఐకాన్, సినిమాటిక్ జీనియస్ అయిన మీ నుంచి గుర్తింపు రావడం అనేది.. ఆస్కార్ కంటే తక్కువేమీ కాదు. రామ్ చరణ్ కి ఇదొక గొప్ప గౌరవం. ఒక తండ్రిగా చరణ్ ఇంత దూరం వచ్చినందుకు నేను గర్వంగా ఫీలవుతున్నాను. మీ పొగడ్తలు రామ్ చరణ్ భవిష్యత్తు ప్రయత్నాలకు ఆశీర్వాదాలు’ అంటూ ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరల్ అవుతోంది. మరి చరణ్ విషయంలో గర్వంగా ఫీలవుతున్న మెగాస్టార్ పై మీ అభిప్రాయమేమిటి? జేమ్స్ కామెరూన్ ని ఇంప్రెస్ చేసిన చరణ్ నటనపై మీ అభిప్రాయమేమిటో కామెంట్ చేయండి.

Sir @JimCameron an acknowledgement of his character in #RRR from a Global Icon & Cinematic Genius like you is no less than an Oscar itself! It’s a great honor for @AlwaysRamCharan As a father I feel proud of how far he’s come. Ur compliment is a blessing for his future endeavours pic.twitter.com/jof3Q9j0pA

— Chiranjeevi Konidela (@KChiruTweets) February 17, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.