follow us:
సీనీ ఇండస్ట్రీలో కొన్ని చిత్రాలు వివాదాలతో మంచి క్రేజ్ తెచ్చుకున్న సందర్భాలు ఎన్నో ఉన్నాయి. అలాంటి రిలీజ్ అయినప్పటి నుంచి ఎన్నో వివాదాలకు కేంద్ర బిందువుగా నిటిచిన చిత్రం ‘ది కశ్మీర్ ఫైల్స్’. ఈ చిత్రం పై ఎన్ని వివాదాలు చుట్టుముట్టినా కలెక్షన్ల పరంగా దూసుకు వెళ్లింది. ఈ మూవీపై సోమవారం ఇంటర్ నేషనల్ ఫిలిమ్ ఫెస్టివల్ ఆఫ్ ఇండియా (ఇఫీ)లో ఇజ్రాయెల్ కి చెందిన డైరెక్టర్ చేసి వ్యాఖ్యలు ప్రపంచ వ్యాప్తంగా పెద్ద దుమారమే చెలరేగాయి. సోషల్ మీడియాలో ఈ అంశంపై పెద్ద ఎత్తున చర్చలకు తెరలేపాయి. జ్యూరీ హెడ్ నదవ్ లపిడ్ చేసిన వ్యాఖ్యలపై తీవ్ర విమర్శలు వెల్లువెత్తాయి. ఈ నేపథ్యంలో ఆయన చేసిన వ్యాఖ్యలపై క్షమాపణలు కోరినట్లు వార్తలు వస్తున్నాయి.
ఈ మద్య గోవాలో జరిగిన ఇంటర్ నేషనల్ ఫిలిమ్ ఫెస్టివల్ ఆఫ్ ఇండియాలో (ఇఫీ) లో వివేక్ అగ్నిహోత్రి దర్శకత్వంలో వచ్చిన ‘ది కశ్మీర్ ఫైల్స్’ మూవీని ప్రదర్శించిన విషయం తెలిసిందే. ఈ మూవీపై పలువురు ప్రశంసలు కురిపించగా.. ఇజ్రాయెల్ డైరెక్టర్, ఇఫీ జ్యూరీ హెడ్ నదవ్ లపిడ్ సంచలన వ్యాఖ్యలు చేశారు. ‘ఎంతో ప్రతిష్టాత్మకంగా నిర్వహిస్తున్న ఫిలిమ్ ఫెస్టివల్ లో ఇలాంటి అసభ్యకర చిత్రం ఎలా ప్రదర్శించారు.. ఈ మూవీ చూసి నేను దిగ్ర్భాంతికి గురయ్యాను.. ఇదొక ప్రాపగాండ మూవీ, ఈ ఫిలిమ్ ఫెస్టివల్ లో నిర్మోహమాటంగా తన అభిప్రాయం చెప్పడానికి ఎలాంటి ఇబ్బంది పడటం లేదు’ అంటూ ది కశ్మీర్ ఫైల్స్ మూవీని కించపర్చుతో వ్యాఖ్యలు చేశారు. అంతే నదవ్ లపిడ్ చేసిన వ్యాఖ్యలపై సోషల్ మీడియాలో భిన్న అభిప్రాయాలు వ్యక్తమయ్యాయి.
ఈ విషయం సోషల్ మీడియాలో పెద్ద ఎత్తున దుమారం రేగడంతో నదవ్ లపిడ్ స్పందించినట్లు వార్తలు వస్తున్నాయి. ఈ క్రమంలో ఆయన ఓ వార్తా సంస్థతకు ఇచ్చిన ఇంటర్వ్యూలో నదన్ లపిడ్ మాట్లాడుతూ.. ఇఫీ వేడుకలో తాను చేసిన వ్యాఖ్యలపై చింతిస్తున్నట్లుగా.. ఎవరినీ కించపరడానికి, అవమానించే ఉద్దేశం తనకు లేదని.. ఒకవేళ తన వ్యాఖ్యలు మీ మనసు బాధపెట్టి ఉంటే మనస్ఫూర్తిగా క్షమించాలని కోరినట్లు సోషల్ మీడియాలో వార్తలు వస్తున్నాయి. ఇఫీ వేడుకలో లపిడ్ చేసిన వ్యాఖ్యలపై దర్శకుడు వివేక్ అగ్రిహోత్రి, సీనియర్ నటుడు అనుపమ్ ఖేర్ సోషల్ మీడియాలో తీవ్ర ఆగ్రహం వ్యక్తం చేశారు. ఈ క్రమంలో లపిడ్ క్షమాపణలు కోరినట్లు వార్తలు వస్తున్నాయి.
Kanwal got roasted like a fucking paapad. I’m sorry nadav lapid had to sit through this. https://t.co/R6BlvhI5Hh
— amit (@amitmadhu10) November 30, 2022
