ఆ హీరోయిన్‌తో పెళ్లి.. వార్తలపై స్పందించిన విశాల్..

తమిళంతో పాటు తెలుగులోనూ సమానంగా అభిమానులను సంపాదించుకున్న హీరో విశాల్. స్వతహాగా తెలుగు వాడైన విశాల్ కి రెండు చిత్ర పరిశ్రమల్లోనూ మంచి నటుడు అనే గుర్తింపు ఉంది. తన ట్రస్ట్ ద్వారా ఎన్నో సామాజిక కార్యక్రమాలు కూడా చేస్తుంటారు. తాజాగా తన పెళ్ళికి సంబంధించిన ఒక వార్త బయటకి వచ్చింది. ఇప్పుడు స్వయంగా విశాలే తన పెళ్లి విషయంలో స్పందించారు. తమిళ చిత్ర సీమలో మోస్ట్ లక్కీయెస్ట్ హీరోయిన్ ఎవరు అంటే ఖచ్చితంగా అందరూ లక్ష్మి మీనన్ పేరునే చెప్తారు. తాను చేసిన సినిమాలన్నీ కూడా హిట్. హిట్ అవ్వడమే కాదు, ఆయా హీరోలకి కూడా లైఫ్ ఇచ్చాయి. లక్ష్మీ మీనన్ విశాల్ తో కూడా రెండు సినిమాల్లో నటించింది. ఆ సినిమాలు తెలుగులో ఇంద్రుడు, పల్నాడు అనే పేర్లతో డబ్ కూడా అయ్యాయి.

ఇక అసలు విషయంలోకి వస్తే విశాల్, లక్ష్మి మీనన్ లు చాలా సంవత్సరాల నుంచి ప్రేమలో ఉన్నారని, త్వరలో పెళ్లి చేసుకోబోతున్నారని తమ ప్రేమ విషయం ఇరువురి ఇంట్లో కూడా చెప్పారనే వార్త నెట్టింట వైరల్ అవుతుంది. తాజాగా ఈ పెళ్లి వార్తలపై విశాల్ స్పందించారు. విశాల్ సోషల్ మీడియా ద్వారా తన పెళ్లి విషయం గురించి క్లారిటీ ఇచ్చారు. లక్ష్మి మీనన్ తో తన పెళ్లి అనేది అబద్దమని.. ఎవరో ఫేక్ న్యూస్ సృష్టించారని అన్నారు.అంతే కాకుండా ఇలాంటి న్యూస్ రాసేటప్పుడు.. లక్ష్మి మీనన్ నటి కంటే కూడా ముందు ఒక ఆడపిల్ల అనే విషయం గుర్తుంచుకోవాలని అన్నారు. ఆడపిల్లల మీద ఇలాంటి వార్తలు వస్తుంటే వాళ్ళు విని ఎంత బాధపడతారో అని ఆలోచించాలని చాలా ఘాటుగానే రిప్లై ఇచ్చారు. లక్ష్మి మీనన్ చాలా మంచి ఆర్టిస్ట్ అని చెప్పుకొచ్చారు. అలాగే సమయం వచ్చినప్పుడు పబ్లిక్ గానే తన పెళ్లి విషయం చెప్తానని విశాల్ అన్నారు.

Usually I don’t respond to any fake news or rumors about me coz I feel it’s useless. But now since the rumour about my marriage with Laksmi Menon is doing the rounds, I point blankly deny this and it’s absolutely not true and baseless.

The reason behind my response is only…

— Vishal (@VishalKOfficial) August 11, 2023