follow us:
మాచర్ల నియోజకవర్గం తర్వాత టాలీవుడ్ యంగ్ హీరో నితిన్ నుంచి మరే అప్డేట్ రాలేదు. ఈ మధ్య అతని గురించి కొన్ని గాసిప్స్ వచ్చినా కూడా అవన్నీ పుకార్లే అని తేలిపోయింది. అయితే నితిన్ ఈ మధ్య కాలంలో బొత్తిగా బయట కూడా కనిపించడం లేదు. సోషల్ మీడియాలో కూడా దర్శనం లేదు. సడెన్ ఆదివారం ఓ హోటల్ ఓపెనింగ్ కి వచ్చేశాడు. మణికొండలో బాబాయ్ హోటల్ ప్రారంభోత్సవంలో పాల్గొన్నాడు. విజయవాడలో బాగా ఫేమస్ అయిన బాబాయ్ హోటల్ ఫ్రాంచైజ్ బ్రాంచ్ మణికొండలో ప్రారంభించారు. ఆ కార్యక్రమంలో నితిన్ పాల్గొని.. రిబ్బన్ కట్ చేసి హోటల్ ని ప్రారంభించాడు.
డైరెక్టర్ శశికాంత్ తన ఫ్రెండ్స్ తో కలిసి ఫ్రెండ్స్ ఫ్యాక్టరీ స్థాపించిన విషయం తెలిసిందే. ఇప్పుడు ఆ ఫ్రెండ్స్ ఫ్యాక్టరీ పేరు మీదే ఈ బాబాయ్ హోటల్ ఫ్రాంచైజ్ ని ప్రారంభించారు. ఈ కార్యక్రమంలో నితిన్ తో పాటుగా.. తండ్రి సుధాకర్ రెడ్డి, దర్శకుడు వెంకీ కుడుముల, వక్కతం వంశీ, రామజోగయ్య శాస్త్రి, ప్రొడ్యూసర్ ఠాగూర్ మధు, పలువులు ప్రముఖులు పాల్గొన్నారు. విజయవాడలో బాగా ఫేమస్ అయిన బాబాయ్ హోటల్ ని హైదరాబాద్ తీసుకురావడం సంతోషంగా ఉందంటూ వ్యాఖ్యానించారు. ఇప్పుడు సోషల్ మీడియాలో నితిన్ లుక్స్ వైరల్ అవుతున్నాయి.
Sri Anjaneyam 🙏🙏
Sarvadha Jayam..!!
Enjoy ur Aadhivaaram 🤗🤗 pic.twitter.com/JUn0zNnsHi— nithiin (@actor_nithiin) January 22, 2023
నితిన్ నిన్న హోటల్ ప్రారంభోత్సవంలో కనిపించినప్పుడు హనుమాన్ దీక్షలో ఉన్నట్లు అర్థమైంది. కాషాయం దుస్తుల్లో ఉన్న నితిన్ ఫొటోలను ఫ్యాన్స్ వైరల్ చేస్తున్నారు. అయితే హనుమాన్ దీక్ష తీసుకోవడం ఇది తొలిసారి ఏమీ కాదు.. గతంలో 2019లో కూడా నితిన్ హనుమాన్ దీక్ష తీసుకున్నాడు. అప్పటి పోస్ట్ కూడా ఇప్పుడు వైరల్ అవుతోంది. ఉదయాన్నే 5 గంటలకు లేచి.. హనుమాన్ పాటలు వింటూ పూజ చేసుకుని రోజుని ప్రారంభించడం చాలా అద్భుతంగా ఉంటుంది అంటూ నితిన్ పోస్ట్ చేశాడు. నితిన్ అభిమానులు శ్రీఆంజనేయం సినిమా వీడియోలను కూడా ఇప్పుడు పోస్ట్ చేస్తున్నారు.
It feels so blessed and very peaceful being in Lord Hanuman Deeksha🙏🏻. Wakin up at 5 AM and startin my day with beautiful Sree Anjaneyam songs followed by poojas.All these Divine Vibes are so spiritual refreshing. Sree anjaneyam🙏🙏#FeelsAwesome #Rejuvenating #JaiHanuman pic.twitter.com/lMuN3PpSe3
— nithiin (@actor_nithiin) February 21, 2019
