follow us:
పూరీ జగన్నాథ్ డైరెక్షన్ లో విజయ్ దేవరకొండ హీరోగా భారీ బడ్జెట్ లో తెరకెక్కిన పాన్ ఇండియా మూవీ లైగర్ తీవ్ర నిరాశనే మిగిల్చింది. సినిమా రిలీజ్ కి ముందు చెప్పిన మాటలు సినిమా విషయంలో లేదన్న విమర్శలు వచ్చాయి. ఈ సినిమా ప్లాప్ టాక్ తెచ్చుకోవడంతో వల్ల చాలా నష్టం వచ్చిందని డిస్ట్రిబ్యూటర్లు ఆవేదన వ్యక్తం చేసిన సంగతి తెలిసిందే. తాజాగా ఈ సినిమా డిజాస్టర్ కావడంపై లైగర్ డిస్ట్రిబ్యూటర్ వరంగల్ శ్రీను తన ఆవేదన వ్యక్తం చేశారు. సినిమా ఎందుకు ప్లాప్ అయ్యిందో గల కారణాన్ని చెప్పుకొచ్చారు. లైగర్ మూవీపై విజయ్ దేవరకొండ ఓవర్ కాన్ఫిడెన్స్ తో ఉన్నారో లేదో చెప్పలేను గానీ ఈ సినిమా ఆడియన్స్ కి ఖచ్చితంగా నచ్చుతుందని విజయ్ అనుకున్నారని వరంగల్ శ్రీను వెల్లడించారు. అయితే సినిమా రిలీజ్ అయ్యాక రిజల్ట్ చూసి విజయ్ నిరాశ చెందారని అన్నారు.
బాయ్ కాట్ ట్రెండ్ వల్లే లైగర్ సినిమాకి నెగిటివ్ టాక్ వచ్చిందని, ప్లాప్ టాక్ రావడం వల్ల తాను 65 శాతం పెట్టుబడి నష్టపోయానని ఆవేదన వ్యక్తం చేశారు. హీరోలని, దర్శకులని, నిర్మాతలని టార్గెట్ చేస్తూ.. సోషల్ మీడియాలో బాయ్ కాట్ ట్రెండ్ ని సాగిస్తున్నారని, ఇలా చేయడం వల్ల సినిమానే నమ్ముకుని జీవించే సినీ కార్మికులపై తీవ్ర ప్రభావం పడుతుందని అన్నారు. అసలే ఇండస్ట్రీ గడ్డు పరిస్థితులను ఎదుర్కొంటుందని, సోషల్ మీడియా బ్యాన్ కల్చర్ వల్ల ఇంకా ఇబ్బందులు ఎక్కువవుతున్నాయని అన్నారు. సినిమా విడుదలయ్యాక నచ్చకపోతే విమర్శించాలి గానీ రిలీజ్ కి ముందే బాయ్ కాట్ చేయడం సబబు కాదని అన్నారు. మరి భారీగా నష్టాలని చవి చూసిన వరంగల్ శ్రీనుపై మీ అభిప్రాయమేంటో కామెంట్ చేయండి.
