follow us:
Venu Udugula: ప్రస్తుతం టాలీవుడ్ లో విడుదలకు సిద్ధమైన ‘విరాట పర్వం’ సినిమా కోసం సినీ అభిమానులు ఎంతో ఆసక్తిగా ఎదురుచూస్తున్న సంగతి తెలిసిందే. సాయి పల్లవి, రానా జంటగా నటించిన ఈ సినిమా.. ఎప్పుడో రిలీజ్ కావాల్సింది. కానీ కోవిడ్ లాక్‌డౌన్ కారణంగా వాయిదా పడుతూ వచ్చింది. మొత్తానికి అన్ని అవాంతరాలను దాటుకుని రేపే ప్రేక్షకుల ముందుకు రానుంది. ఈ క్రమంలో విరాటపర్వం దర్శకుడు వేణు ఊడుగులకు కొందరు గుర్తుతెలియని వ్యక్తులు కాల్స్ చేసి బెదిరించినట్లు వార్తలు వినిపిస్తున్నాయి.
తాజాగా హీరోయిన్ సాయిపల్లవిపై భజరంగ్ దళ్ కార్యకర్తలు హైదరాబాద్ లోని సుల్తాన్ బజార్ పోలీస్ స్టేషన్ లో ఫిర్యాదు చేశారు. ఓ ఇంటర్వ్యూలో సాయిపల్లవి.. కాశ్మీర్ ఫైల్స్ సినిమాతో పాటు.. గోరక్షకులపై వివాదాస్పద వ్యాఖ్యలు చేసిందని వారు ఆరోపించారు. దీనిపై స్పందించిన పోలీసులు వీడియో పరిశీలించి తగిన చర్చలు తీసుకుంటామని స్పష్టం చేశారు.
కాగా.. నక్సల్ గురించి చెప్పే క్రమంలో ‘కశ్మీర్ ఫైల్స్’ గురించి మాట్లాడింది. దీంతో అనుకోని వివాదంలో చిక్కుకుంది. మనుషుల ఆలోచనలు మారాలనే ఉద్దేశంతో.. ‘వాళ్లది ఒక ఐడియాలజీ.. మనకు శాంతి అనేది ఓ ఐడియాలజి. నాకు ఘర్షణలు నచ్చవు. న్యూట్రల్ గా ఆలోచించడం నేర్చుకోవాలి. ఏ విషయంలోనూ ఎవరిది పూర్తిగా తప్పు అని చెప్పలేం. నేను ఏ భావజాలాన్ని కలిగి లేను. కొన్నిరోజుల కిందట కాశ్మీర్ ఫైల్స్ చూశాను. అందులో పండిట్స్ ను ఎలా చంపారో చూశాం. అలాగే ఆ మధ్యలో బండిలో ఓ ముస్లిం డ్రైవర్ ఆవును తరలిస్తుండగా.. కొంతమంది కొట్టి జై శ్రీరామ్ జై శ్రీరామ్ అన్నారు. అలాంటప్పుడు కాశ్మీర్ పండిట్స్ హత్యలకు, గో హత్యలకు ఎలాంటి తేడాలేదు. అందరూ న్యూట్రల్ గా ఆలోచించడం నేర్చుకోవాలి’ అని సాయిపల్లవి చెప్పుకొచ్చింది.
ఈ నేపథ్యంలో సాయిపల్లవి మాటలను వ్యతిరేకిస్తూ బజరంగ్ దళ్ కార్యకర్తలు ఆమెపై పోలీసులకు ఫిర్యాదు చేశారు. అయితే.. ఇప్పుడు దర్శకుడు వేణు ఊడుగులకు కూడా బజరంగ్ దళ్ కార్యకర్తలే బెదిరింపు కాల్స్ చేస్తున్నారని టాక్. ఇదిలా ఉండగా.. సాయి పల్లవి మాటలకు దర్శకుడిని బెదిరించడం ఏంటని.. కొందరు అంటుండగా, సాయిపల్లవి మాటల వల్లే దర్శకుడికి బెదిరింపు కాల్స్ వచ్చి ఉంటాయని మరికొందరు అభిప్రాయపడుతున్నారు. మరి సాయిపల్లవి మాటలపై మీ అభిప్రాయాలను కామెంట్స్ లో తెలియజేయండి.
In Kashmir files They showed how Kashmir pandits were killed but during lockdown we saw how Muslims were lynched and people who killed them shouting jai shri ram . Sai pallavi pic.twitter.com/UVuo0kh1hC
— Muzaffar (@El_Mozaffer) June 14, 2022
