follow us:
మెగాస్టార్‌ చిరంజీవి తాజాగా నటిస్తున్న చిత్రం గాడ్ ఫాదర్. దసరా పండుగ రోజున ఈ సినిమా ప్రేక్షకుల ముందుకు రానుంది. ఈ క్రమంలో తాజాగా విడుదలైన ట్రైలర్ సినిమాపై అంచనాలను భారీగా పెంచింది. చిరు సాల్ట్‌ అండ్‌ పెప్పర్‌ లుక్‌ ఫ్యాన్స్‌కు తెగ నచ్చింది. ఇక సినిమాలో చెప్పిన మాస్‌ డైలాగ్స్‌ ప్రేక్షకులకు పూనకాలు తెప్పించాయి. ఇదిలా ఉండగా.. సెప్టెంబర్‌ 28న సినిమా ప్రీరిలీజ్‌ ఈవెంట్‌ని అనంతపురం ఆర్ట్స్‌ కాలేజీ మైదానంలో గ్రాండ్‌గా నిర్వహించారు. జోరు వానను సైతం లెక్కచేయకుండా ప్రేక్షకులు తరలివచ్చారు. జోరువానంలో తడుస్తూ.. అభిమానులనుద్దేశించి.. ప్రసంగించారు మెగాస్టార్‌ చిరంజీవి.
ఈ ఈ సందర్భంగా చిరంజీవి హైఓల్టేజ్‌ స్పీచ్‌తో అభిమానులను అలరించారు. ఆయన మాట్లాడుతూ..‘‘ఇంత మంది అభిమానులను చూస్తే.. చాలా తృప్తిగా ఉంది. ఈ మధ్య కాలంలో కొంచెం స్తబ్దత ఏర్పడింది. విజయం, ఓటమి అనేవి మన చేతుల్లో ఉండవని నాకు తెలుసు. కానీ ప్రేక్షకులను అలరించలేకపోయానే చిన్న బాధ ఉంది. దానికి సమాధానం.. నాకు ఊరట.. ఈ గాడ్ ఫాదర్ చిత్రం. ఈ సినిమా ఓ నిశ్శబ్ద విస్పోటనం. ఈ సినిమాలకు మీ ఆశీస్సులు కావాలి. వర్షం పడుతున్నా.. మీరందరూ కదట్లేదు. ఇలాంటి ప్రేమను నేను కోరుకుంటున్నా’’ అన్నారు..
అంతేకాక.. ‘‘ఈ సందర్భంగా ఒక్క విషయం నేను చాలా సీన్సియర్‌గా చెబుతున్నా. గాడ్ ఫాదర్ అని మీరు నన్ను అంటున్నారు. కానీ ఏ గాడ్ ఫాదర్స్ లేకుండా వచ్చినా నాకు.. ఈ సినిమా ఇండస్ట్రీలో నిలదొక్కుకునేలా చేసి.. నేడు ఈ స్థితికి తీసుకువచ్చిన ప్రతి ఒక్క అభిమాని కూడా నాకు గాడ్ ఫాదర్. నా అభిమానులే నాకు గాడ్ ఫాదర్స్.. ఇండస్ట్రీలో నాకు గాడ్ ఫాదర్స్ ఎవరు లేరని అంటారు. కానీ.. ఇప్పుడంటున్నాను.. నా వెనుకలా ఇన్ని లక్షలమంది గాడ్ ఫాదర్స్ ఉన్నారు. చాలా సంతోషంగా ఉంది. ఇది నా మనసు లోతుల్లో నుంచి వచ్చి వచ్చిన మాట. మీ ప్రేమకు రుణపడి ఉంటాను.. ధన్యవాదాలు’’ అంటూ అభిమానులపై తనకున్న ప్రేమను మరోసారి వెల్లడించారు చిరంజీవి.
ఆ తరువాత గాడ్ ఫాదర్ మూవీలో ఎమ్మెల్యేలను ఉద్దేశించి చెప్పిన డైలాగ్‌ను ఈ సందర్భంగా చెప్పి.. అభిమానులు చేత ఈలలు వేయించారు చిరంజీవి. ‘‘ప్రతి ఒక్కరు రోడ్డు కాంట్రాక్టులు.. ఇసుక కాంట్రాక్టులు.. కొండ కాంట్రాక్టులు.. నీళ్ల కాంట్రాక్టులు.. నేల కాంట్రాక్టులు.. మద్యం కాంట్రాక్టులు అంటూ ప్రజల దగ్గర సొమ్ము తిని బలిసి కొట్టుకుంటున్నారు. ఈ రోజు మీ ఊపిరి.. మీ గాలి కాంట్రాక్ట్ నేను తీసుకుంటున్నాను. సుపరిపాలన.. సుపరిపాలన అందివ్వాలన్న నిర్ణయం.. తప్పు చేయాలంటే భయం తప్ప మీ మనసులో ఏది ఉండకూడదు. ఏదైనా జరగకూడదని జరిగిందో.. మీ ఊపిరి ఆగిపోతుంది.. ఖబడ్దార్’’ అంటూ చిరంజీవి చెప్పిన మాస్‌ డైలాగ్‌కు ప్రేక్షకులు ఈలలు వేస్తూ.. అరిచి గోల చేశారు. ప్రస్తుతం ఇందుకు సంబంధించిన వీడియోలు వైరలవుతున్నాయి.
View this post on Instagram
View this post on Instagram
