follow us:
‘మా’ అధ్యక్షుడు, హీరో మంచు విష్ణు నటిస్తోన్న జిన్నా చిత్రం వివాదస్పదం అవుతోంది. నాగేశ్వరావుగా నటిస్తోన్న మంచు విష్ణు నటిస్తోన్న ఈ సినిమాకు ఇటీవలే ‘జిన్నా’ అని పేరు పెట్టారు. అయితే తాజాగా ఏడుకొండలపై సినిమా టైటిల్ తో మోషన్ పిక్చర్ విడుదల చేసింది చిత్ర యూనిట్. అయితే సినిమా టైటిల్ పై బీజేపీ నాయకులు అభ్యంతరం వ్యక్తం చేస్తున్నారు. ఏడుకొండల మధ్య నుంచి పైకి జిన్నా పేరు వస్తున్నట్లు చూపించడం కూడా బాగాలేదని బీజైపీ నేతలు ఆగ్రహం వ్యక్తం చేస్తున్నారు. జిన్నా ఓ దేశద్రోహి అని, ఆ పేరుతో సినిమా తీయడమేంటని మరికొందరు ప్రశ్నిస్తున్నారు.
కలియుగ దైవం అయిన వెంకటేశ్వర స్వామి కొలువైన కొండల నుంచి జిన్నా పేరు చూపించడంపై బీజేపీ నేతలతో పాటు శ్రీవారి భక్తలు కూడా ఆగ్రహం వ్యక్తం చేస్తున్నారు. బీజేపీ నేత విష్ణువర్థన్ రెడ్డి మీడియాతో మాట్లాడుతూ..” ఏడుకొండలపై జిన్నా టైటిల్ వేయడం సిగ్గుచేటు. సినిమా టైటిల్ లో జిన్నా పేరును తొలగించాల్సిందే. సినిమా ప్రచారం కోసం అన్యమతస్థుడైన జిన్నాపేరు ఎలా పెడతారు” అని మా అధ్యక్షుడి మంచు విష్ణును ఆయన ప్రశ్నించారు. భారతదేశంలో వేల మంది ఊచకోతకు కారణమైనటు వంటి జిన్నా పేరు మీద సినిమాకు టైటిల్ పెట్టి వివాదానికి తెరలేపడం సిగ్గుచేటని బీజేపీ నేత విష్ణు వ్యాఖ్యానించారు.’జిన్నా’ మూవీలో మంచు విష్ణు, గాలి నాగేశ్వరరావు అనే పాత్ర నటిస్తుండగా స్వాతి పాత్రలో పాయల్‌ రాజ్‌పుత్‌, రేవతి పాత్రలో సన్నీలియోన్ నటిస్తున్నారు. ఈ గాలి నాగేశ్వరరావు పేరునే షార్ట్ కట్ లో “జిన్నా” అని కుదించి దాన్నే టైటిల్ గా ఫిక్స్ చేశారు. దీంతో ఇది ఇప్పుడు వివాదాస్పదంగా మారింది.
‘జిన్నా’ పేరుతో సినిమా టైటల్ ను ఉపసంహరించుకోండి విష్ణు గారు. @iVishnuManchu జిన్నా సినిమా తిరుమల తిరుపతి ఏడుకొండల మధ్య నుంచి టైటిల్ లోగో ఉంచడం ఏంటి?
మహమ్మద్ అలీ జిన్నా దేశ విభజనకు కారకుడు ‘జిన్నా’ వలన హిందువుల ప్రాణాలు – మానాలు కోల్పోయారు.దేశభక్తి కల వారు ఎవరూ దీనిని హర్షించరు . pic.twitter.com/pmJ2JqKZGf
— Vishnu Vardhan Reddy (@SVishnuReddy) June 12, 2022
జిన్నా’ పేరుతో సినిమా టైటల్ ను ఉపసంహరించుకోండి విష్ణు గారు. @iVishnuManchu !#AndhraPradesh pic.twitter.com/1VJXsxxSq7
— Vishnu Vardhan Reddy (@SVishnuReddy) June 12, 2022
