follow us:
డేరింగ్ అండ్ డాషింగ్ డైరెక్టర్ పూరీ జగన్నాథ్.. అనేక విభిన్నమైన చిత్రాలను తెరకెక్కించారు ఎందరిని స్టార్ హీరోలను చేశాడు. ఫుల్ ఫ్యాన్ ఫాలోయింగ్ ఉన్న దర్శకుల్లో పూరీ ఒకరు. ఒకానొక్క దశలో పూరీ పని అయిపోయిందని అందరు భావించారు. అలాంటి స్థితి నుంచి కూడా బౌన్స్ అయి మళ్లీ స్టార్ డైరెక్టర్ గా నిలదొక్కున్నారు. ప్రస్తుతం ముంబైలో ‘లైగర్’ సినిమా షూటింగ్ లో బిజీగా ఉన్నారు. తాజాగా పూరీ తనయుడు ఆకాష్ పూరీ నటించిన చిత్రం ‘చోర్ బజార్’ మూవీ ప్రమోషన్ కార్యక్రమానికి ఆయన హాజరు కాలేదు. అయితే ఈ ఈవెంట్ కు ముఖ్య అతిధిగా నిర్మాత, నటుడు బండ్ల గణేష్ హజరయ్యారు. ఈ సందర్భంగా బండ్ల గణేష్.. అన్న అంటూనే పూరీ జగన్నాథ్ కు క్లాస్ పీకాడు. కొడుకు ఫంక్షన్ కు రాకుండా ముంబై లో ఉండడం పద్దతి కాదని, కుటుంబం కన్నా మనకు ఏది ముఖ్యం కాదని అన్నాడు.
డైరెక్టర్ పూరీ తనయుడు ఆకాష్ పూరీ, గెహనా సిప్పీ జంటగా దర్శకుడు జీవన్ రెడ్డి తెరకెక్కించిన చిత్రం “చోర్ జజార్”. యూవీ క్రియేషన్స్ సమర్పణలో ఐవీ క్రియేషన్స్ పతాకంపై వీఎస్ రాజు ఈ చిత్రాన్ని నిర్మించారు. ఈనెల 24న విడుదలకు సిద్ధమవుతోంది. ఈ నేపథ్యంలో ప్రమోషన్లతో మూవీ టీమ్ బిజీగా ఉంది. తాజాగా ప్రమోషన్లలో భాగంగా ఓ ఈవెంట్ నిర్వహించారు. ఈ కార్యక్రమానికి ముఖ్య అతిధిగా వచ్చిన నిర్మాత బండ్ల గణేష్ డైరెక్టర్ పూరీ జగన్నాథ్ పై ఫైర్ అయ్యారు.
” ఓ సామెత ఉంటుంది. దేశమంతా కళ్లాపు జల్లాడు కానీ ఇంటి ముందు కళ్లాపు జల్లడానికి టైం లేదు అన్నట్లు.. ఎవరెవరినో స్టార్లని చేసావ్.. డ్యాన్స్ లు రాని వాళ్లతో డ్యాన్స్ లు చేయించావ్, డైలాగులు చెప్పడం రాని వాళ్ళతో డైలాగులు చెప్పించావ్. నీ కొడుకు సినిమాకి వచ్చేసరికి ఎక్కడికో వెళ్లి కూర్చున్నావు. ఇదే నా కొడుకు సినిమా ఫంక్షన్ అయ్యి ఉంటే కనుక నేను స్పెషల్ ఫ్లైట్ వేయించుకుని మరీ వచ్చేవాడిని. మనం ఎంత సంపాదించినా వాళ్ళ కోసమే. మనం పోతే తలకొరివి పెట్టాల్సింది వాళ్ళే. మనం పోతే మన అప్పులు తీర్చాల్సింది వాళ్ళే. వాళ్ళ తర్వాతే ఎవరైనా. నీ కొడుకు విషయంలో ఎందుకు ఇలా చేశావు. ఇది సరైన పద్దతి కాదు అన్న. ఆకాష్ నువ్వు స్టార్ హీరో అయ్యాక మీ నాన్నతో సినిమా చేయకు. కథ చెప్పడానికి వచ్చినా వెయిట్ చేయించు” అంటూ పూరీపై పంచ్ లు పేల్చాడు బండ్ల గణేష్. మరి.. చోర్ బజార్ ప్రీ రిలీజ్ ఈవెంట్ కు పూరీ జగన్నాథ్ ఎందుకు హాజరు కాలేదు? ఈ విషయంలో మీ అభిప్రాయాలను కామెంట్స్ రూపంలో తెలియజేయండి.
