follow us:
ప్రతి మనిషి జీవితంలో సంతోషం కలిగించే విషయాలతో పాటు చేదు జ్ఞాపకాలు కూడా ఎన్నో ఉంటాయి. ముఖ్యంగా చిత్ర పరిశ్రమకు చెందిన హీరోయిన్స్, లేడీ ఆర్టిస్టులు లైఫ్ లో ఎన్నో ఆటుపోట్లు ఫేస్ చేస్తుంటారు. సాధారణంగా హీరోయిన్స్ బాడీ షేమింగ్ కామెంట్స్ ఫేస్ చేయడం ఓ రకమైతే.. కెరీర్ ప్రారంభంలోనే సహజీవనం, లవ్ అనే విషయంలో మోసపోవడం మరో రకం. పెళ్లికి ముందే ప్రేమించుకొని ఒకేచోట అమ్మాయి, అబ్బాయి కలిసి ఉండటం.. శారీరకంగా ఒక్కటవ్వడం ఎప్పటినుండో జరుగుతోంది. కాకపోతే.. ఇదివరకు ప్రేమించుకున్నా, సహజీవనం చేసినా చివరికి పెళ్లితో ఒక్కటి అయ్యేవారు.
ఇప్పుడా ట్రెండ్ పోయింది. ప్రేమ పేరుతో సహజీవనం చేయడం.. కొంతకాలానికి సెట్ అవ్వలేదని ఇద్దరూ విడిపోవడం ఇప్పుడు కళ్లారా చూస్తున్నాం. స్టార్ హీరోయిన్ ఆండ్రియా కూడా 20 ఏళ్ల వయసులోనే ఒకరితో సహజీవనం చేసి మోసపోయిందట. ఈ విషయాన్నీ ఇటీవల ఓ ఇంటర్వ్యూలో పాల్గొని చెప్పిందట బ్యూటీ. ఆండ్రియా జెరెమియా.. తమిళంలో స్టార్ హీరోయిన్, స్టార్ సింగర్. తెలుగులో కూడా ఎన్నో సూపర్ హిట్ పాటలు పాడింది. అయితే.. సినిమాల్లోకి వచ్చిన కొత్తలో ఒకరితో సహజీవనం చేశానని.. కొంతకాలం తర్వాత దారుణంగా మోసపోయానని తెలుసుకున్నట్లు ఆండ్రియా చెప్పుకొచ్చింది.
మరి ఆండ్రియా ఎవరి చేతిలో మోసపోయింది.. అనే వివరాలు బయటికి చెప్పలేదు. 20 ఏళ్లకే ఆ చేదు అనుభవం ఎదురయ్యేసరికి ఆ తర్వాత మళ్లీ ఎప్పుడూ, ఎవరినీ ప్రేమించలేదని చెప్పింది. అలాగే తనకు పెళ్లిపై కూడా ఎలాంటి ఆసక్తి, ఆలోచన లేవని.. పెళ్లి చేసుకున్న ఆడవాళ్లు ఆనందంగా లేరనేది తన పర్సనల్ అభిప్రాయమని షాకిచ్చింది ఆండ్రియా. ప్రస్తుతం ఈ అమ్మడి మాటలు సోషల్ మీడియాలో వైరల్ అవుతుండగా.. మరోవైపు చేతినిండా సినిమాలతో బిజీ అయిపోయింది. ఇప్పుడు ఆండ్రియా చేతిలో పిశాచి 2, కా, మాళిగై, నో ఎంట్రీ.. సినిమాలతో పాటు మరో రెండు సినిమాలు ఉన్నట్లు తెలుస్తోంది.
View this post on Instagram
View this post on Instagram
