follow us:
సినీ ఇండస్ట్రీలో హీరోలు, దర్శకులు, నిర్మాతల వారసులు హీరోలుగా, హీరోయిన్లుగా ఎంట్రీ ఇవ్వడం మామూలే. కానీ ఒక్కసారి ఇండస్ట్రీలో అడుగుపెట్టాక ఎవరి కెరీర్ వారి చేతుల్లోనే ఉంటుంది. నటిగా, నటుడిగా నిలబడాలంటే తల్లిదండ్రుల పేర్లు చెప్పుకుంటే సరిపోదు. టాలెంట్ తో పైకి రావాలని అంటుంటారు. కొత్తవాళ్ళకైనా, ఇండస్ట్రీకి చెందిన ఫ్యామిలీ నుండి వచ్చినా ఈ విషయం వర్తిస్తుంది. అయితే.. కొందరి విషయంలో ఎన్ని ప్లాప్స్ పడినా పేరెంట్స్ కి పలుకుబడి ఉంటే అవకాశాలు వచ్చే ఛాన్స్ ఉంటుంది. లేదా తానే తండ్రే దర్శకుడైతే కొడుకుతోనే సినిమాలు చేసే ఛాన్స్ కూడా ఉంటుంది.అలా సినిమాలు చేసేయొచ్చు. కానీ ఎవరికైనా ఆత్మగౌరవం అనేది ఒకటుంటుంది. తల్లిదండ్రుల పేర్లు, పలుకుబడి ఉపయోగించకుండా ఎదిగి చూపించాలనే కసి కొందరిలో మాత్రమే ఉంటుంది. ఆ కసి టాలీవుడ్ డాషింగ్ డైరెక్టర్ పూరి జగన్నాథ్ కొడుకు ఆకాష్ లో ఎప్పుడూ కనిపిస్తుంది. ఎందుకంటే.. ఓ స్టార్ డైరెక్టర్ కొడుకుగా ఇండస్ట్రీలో అడుగుపెట్టి.. వరుస ప్లాప్స్ పడితే ఎలా ఉంటుందనేది.. సమాజం ఎలాంటి కామెంట్స్ చేస్తుందనేది తనకి బాగా తెలుసని అంటున్నాడు ఆకాష్ పూరి.
తాజాగా ‘ఆలీతో సరదాగా’ కార్యక్రమంలో హాజరైన ఆకాష్.. ఇప్పటివరకూ తన వ్యక్తిగత జీవితంలో, సినీ కెరీర్ లో జరిగిన మంచి విషయాలు, ఎదుర్కొన్న చేదు విషయాలను షేర్ చేసుకున్నాడు. ఈ క్రమంలో ఆలీ మాట్లాడుతూ.. ‘మీ నాన్న పెద్ద డైరెక్టర్.. ఆయన ఫోన్ చేసి నీతో సినిమా చేస్తానంటే ‘నో’ చెప్పావంట.. ఎందుకు?’ అని అడిగాడు. వెంటనే స్పందించిన ఆకాష్.. “స్టార్డమ్ ఉన్న కొడుకు ఇండస్ట్రీలోకి వచ్చినప్పుడు.. వాడికేంటి ఈజీనే.. వాళ్ళ నాన్న ఉన్నాడు కదా.. అనే మాటలన్నీ విన్నాను. బయట పూరి కొడుకు.. పూరి కొడుకు అని కామెంట్స్ బాగా ఎక్కువైపోయాయి. అది పోగొట్టుకున్నాక వచ్చి నీతో సినిమా చేస్తా నాన్న అని చెప్పా” అని చెప్పుకొచ్చాడు ఆకాష్. ప్రస్తుతం ఆకాష్ చోర్ బజార్ అనే సినిమా చేస్తున్నాడు. మరి ఆకాష్ మాటలపై మీ అభిప్రాయాలను కామెంట్స్ లో తెలియజేయండి.
