follow us:
సినీ ఇండస్ట్రీలో హీరోయిన్ల పై సోషల్ మీడియా ట్రోలింగ్ అనేది విపరీతంగా పెరిగిపోయింది. సోషల్ మీడియాలో హీరోయిన్లకు అభ్యంతరకరమైన మెసేజులు, వారి పోస్టుల కింద కామెంట్స్ కూడా వస్తుంటాయి. ఈ విషయంలో హీరోయిన్స్ పోలీస్ కంప్లైంట్ ఇవ్వడం.. మళ్లీ కొంతకాలానికి సీన్ రిపీట్ అవ్వడం కామన్ అయిపోయింది. తాజాగా హీరోయిన్ సంజన గల్రాని.. తనకి ఓ వ్యక్తి వాట్సాప్ ద్వారా అశ్లీల సందేశాలు పంపాడని పోలీసులను ఆశ్రయించినట్లు తెలుస్తుంది.
ఆ సందేశాలు పంపిన వ్యక్తి కూడా సంజనకి పరిచయస్తుడు కావడం గమనార్హం. నటి సంజన ప్రస్తుతం పెళ్లి చేసుకొని వివాహ జీవితాన్ని కొనసాగిస్తుంది. ఇలాంటి తరుణంలో పరిచయమున్న ఆడం బిడ్డప్ప అనే ఫోటోగ్రాఫర్.. తనకు ఇటీవల ఓ అర్ధరాత్రి తనకు వాట్సాప్ ద్వారా అశ్లీల సందేశాలు, వీడియోలు పంపినట్లు ఆమె పోలీసులకు ఫిర్యాదు చేసింది. పోలీసులు ఆడం బిడ్డప్పను పిలిచి విచారించారు.
ఈ విచారణలో.. తాను ఎలాంటి అశ్లీల సందేశాలు సంజనకి పంప‌లేద‌ని అత‌డు తెలిపాడు. వెంటనే పోలీసులు అతని ఫోన్‌ చెక్ చేయ‌గా అందులో ఎలాంటి మెసేజులు, ఆధారాలు దొర‌క‌లేదు. ఇక పోలీసులు అతని ఫోన్‌ని ఫొర్సెనిక్ ప్రయోగ‌శాల‌కు పంపినట్లు సమాచారం. ప్రస్తుతం ఈ కేసు విచారణలో సమాచారం. ఇదిలా ఉండగా.. సంజన గల్రాని తెలుగులో బుజ్జిగాడు సినిమాలో నటించింది. అలాగే స్వర్ణఖడ్గం అనే టీవీ సీరియల్ లో కూడా కనిపించింది. మరి ఈ విషయం పై మీ అభిప్రాయాలను కామెంట్స్ లో తెలియజేయండి.
