follow us:
చిత్ర పరిశ్రమలో నటీ నటులకు పలనా డ్రీమ్ రోల్ చేయాలని ఆశగా ఉంటుంది. ఆ డ్రీమ్ రోల్ ఏంటిది అనేది సందర్బాన్ని బట్టి వారు ప్రేక్షకులకు చెబుతూ ఉంటారు. నటి మీన సైతం తన డ్రీమ్ రోల్ గురించి.. మనసులోని మాటను తాజాగా బయట పెట్టింది. కానీ ఆ రోల్ మాత్రం ఆమె చేయలేదు. ఈ క్రమంలోనే మణిరత్నం డైరెక్షన్ లో తాజాగా విడుదలైన పొన్నియిన్ సెల్వన్ మంచి టాక్ తో థియేటర్లలో దూసుకెళ్తోంది. ఆ చిత్రంలో నటించిన ఐశ్వర్య రాయ్ ని చూస్తే నాకు అసూయ కలుగుతోంది అని మీనా ట్వీట్ చేసింది. ప్రస్తుతం మీనా చేసిన పోస్ట్ సోషల్ మీడియాలో వైరల్ గా మారింది. ఈ వార్తకు సంబంధించి మరిన్ని వివరాల్లోకి వెళితే..
మీనా.. బాల నటిగా తెలుగు తెరకు పరిచయమై.. దాదాపు తెలుగులో 90 పైగా చిత్రాల్లో హీరోయిన్ గా నటించింది. తెలుగులో సీనియర్ హీరోలందరి సరసన నటించి మంచి గుర్తింపు తెచ్చుకుంది. ఈ మధ్య కాలంలో తన భర్త విద్యాసాగర్ రావు చనిపోవడంతో తీవ్రంగా కుంగిపోయిన మీనా.. ఇప్పుడిప్పుడే కుదుట పడుతోంది. కొన్ని రోజుల ముందు తన ఫ్రెండ్స్ నటీమణులు అయిన రంభ, సంఘవి, కుష్బు తో కలిసి దిగిన ఫొటోలు వైరల్ అయిన సంగతి తెలిసిందే. పొన్నియిన్ సెల్వన్ సినిమా చూసిన మీనా.. ఐశ్వర్య రాయ్ పై సరదాగా చేసిన ట్వీట్ నెట్టింట వైరల్ గా మారింది.
మీనా ట్వీట్ లో ఈవిధంగా రాసుకొచ్చింది.” ఫస్ట్ టైమ్ ఓ వ్యక్తిని చూస్తే నాకు అసూయ కలుగుతోంది. PS-1లో ఐశ్వర్య రాయ్ పోషించిన నందిని పాత్ర నా డ్రీమ్ రోల్. ఇప్పుడు ఆ పాత్రను ఐష్ చేసింది. దాంతో నాకు ఆమెను చూస్తే అసూయగా, కోపంగా ఉంది. నేను చేద్దాం అనుకున్న పాత్రను తను చేసింది. అయితే ఈ పాత్రలో ఐష్ అద్బుతంగా నటించింది. ఈ విషయాన్ని నేను మనసులో ఉంచుకోలేక బయటపెడుతున్నాను. చిత్ర యూనిట్ అందరికి నా శుభాకాంక్షలు” అంటూ రాసుకొచ్చింది. ఇక తాజాగా విడుదలైన పొన్నియిన్ సెల్వన్ లో విక్రమ్, ఐశ్వర్య రాయ్, ప్రకాశ్ రాజ్, కార్తీ, తదితర భారీ తారాగానంతో 500 కోట్లతో తెరకెక్కింది. ప్రస్తుతం ఈ చిత్రానికి ప్రేక్షకుల నుంచి మంచి రెస్పాన్స్ వస్తోంది. పాన్ ఇండియా లెవల్లో ఈ చిత్రాన్ని మేకర్స్ విడుదల చేశారు.
Ok, I can’t keep it under wraps anymore. It’s suffocating me. Wanna take off my chest… For the 1st time in my life I’m feeling jealous of someone. Aishwarya Rai Bachchan Cos she got to play MY dream character NANDINI in PS1 😛 Wishing the cast & crew All the Best for success 😊 pic.twitter.com/M5ESVddbMb
— Meena Sagar (@Actressmeena16) September 29, 2022
View this post on Instagram
