ప్రీ మెడికల్‌ స్కాలర్‌షిప్‌.. తక్కువ ఖర్చుతో 'డాక్టర్' అయ్యే ఛాన్స్ .. వెంటనే అప్లై చేసుకోండి!

డాక్టర్ చదువులు ఎంత ఖర్చుతో కూడుకున్నావో అందరికీ విదితమే. చెల్లించాల్సిన వార్షిక ఫీజు పక్కన పెడితే.. మొదట సీటు కోసం డొనేషన్ పేరిట లక్షలకు లక్షలు సమర్పించాలి. ఈ భయంతోనే సాధారణ, మధ్య తరగతి కుటుంబాలకు చెందిన పిల్లలు డాక్టర్ చదువులకు దూరంగా ఉంటారు. అలాంటి వారి కోసం తీసుకొచ్చిందే.. ఈ ‘ఆలిండియా ప్రీ మెడికల్‌ స్కాలర్‌షిప్‌’. దేశవ్యాప్తంగా వైద్య విద్యనభ్యసించే ప్రతిభావంతులకు ఆర్థిక సహకారం అందించేందుకు ఉద్ధేశించిన ‘ఆలిండియా ప్రీ మెడికల్‌ స్కాలర్‌షిప్‌ టెస్ట్‌ (సెకండరీ) 2023’ నోటిఫికేషన్‌ వెలువడింది.

ఈ పరీక్షలో సాధించిన మెరిట్‌ ఆధారంగా విద్యార్థులకు విడివిడిగా స్కాలర్‌షిప్ లు అందిస్తారు. ఎంబీబీఎస్‌ సహా డెంటల్‌, హోమియో, యునానీ, ఆయుర్వేద విభాగాల్లో మెడికల్‌ డిగ్రీ కోర్సులు చేసే అభ్యర్థులు ఈ అవకాశాన్ని సద్వినియోగం చేసుకోవచ్చు. గుర్తింపు పొందిన బోర్డు నుంచి ఫిజిక్స్‌, కెమిస్ట్రీ, బయాలజీ ప్రధాన సబ్జెక్టులుగా ఇంటర్‌/ పన్నెండోతరగతి/ తత్సమాన పరీక్ష ఉత్తీర్ణులై వారు ఈ స్కాలర్‌షిప్‌ కు దరఖాస్తు చేసుకోవచ్చు. ప్రస్తుతం చివరి సంవత్సర పరీక్షలు రాసినవారు ఇందుకు అర్హులే. ఈ స్కాలర్‌షిప్‌ కు సంబంధించి పూర్తి వివరాలు ఇప్పుడు తెలుసుకుందాం..

ముఖ్య సమాచారం

విద్యార్హతలు: ప్రభుత్వ గుర్తింపు పొందిన బోర్డు నుంచి ఫిజిక్స్‌, కెమిస్ట్రీ, బయాలజీ ప్రధాన సబ్జెక్టులుగా ఇంటర్‌/ పన్నెండోతరగతి/ తత్సమాన పరీక్ష ఉత్తీర్ణులై వారు, ప్రస్తుతం చివరి సంవత్సర పరీక్షలు రాసిన వారు అర్హులు. దీంతో పాటు ‘నీట్‌’లో అర్హత సాధించి గుర్తింపు పొందిన వైద్య కళాశాలలో ప్రవేశం పొంది ఉండాలి.

వయోపరిమితి: అభ్యర్థులు తప్పనిసరిగా 1997 అక్టోబరు 1 తరవాత జన్మించి ఉండాలి.

స్కాలర్‌షిప్ వివరాలు: ప్రభుత్వ కాలేజీల్లో అడ్మిషన్‌ పొందినవారికి కోర్సుకు 16,000 మందికి చొప్పున మొత్తం 80,000 మందికి స్కాలర్‌షిప్ లు అందిస్తారు. అలాగే, ప్రైవేట్‌ కాలేజీల్లో చేరిన 94,600 మందికి స్కాలర్‌షిప్ లు అందిస్తారు.

ఎంత మొత్తం చెల్లిస్తారంటే..

ప్రభుత్వ కాలేజీల్లో చేరిన వారికి..

• స్కాలర్‌షిప్‌ టెస్టులో 90 శాతానికి మించి మార్కులు సాధించిన వారిలో కోర్సుకు 1000 మందికి నాలుగేళ్లపాటు ట్యూషన్‌ ఫీజు చెల్లిస్తారు. అలాగే, 80 నుంచి 90 శాతం మధ్య మార్కులు వచ్చినవారిలో కోర్సుకు 5000 మందికి ఏడాదిపాటు ట్యూషన్‌ ఫీజు చెల్లించనుండగా, 70 నుంచి 80 శాతం మధ్య మార్కులు సాధించినవారిలో కోర్సుకు 10,000 మందికి ల్యాప్‌టాప్‌ అందజేస్తారు.

ఇక ప్రైవేట్‌ కాలేజీల్లో చేరిన వారికి..

• ఎంబీబీఎస్‌ అభ్యర్థులకైతే.. స్కాలర్‌షిప్‌ టెస్టులో 90 శాతం మించి మార్కులు సాధించిన వారిలో 100 మందికి ఏడాది పాటు ట్యూషన్‌ ఫీజు ఇస్తారు. 80 నుంచి 90 శాతం మధ్య మార్కులు వచ్చినవారిలో 500 మందికి ఏడాదిపాటు 50 శాతం ట్యూషన్‌ ఫీజు చెల్లిస్తారు. 70 నుంచి 80 శాతం మధ్య మార్కులు సాధించినవారిలో 10,000 మందికి స్టాండర్డ్‌ ల్యాప్‌టాప్‌ అందజేస్తారు.
• ఇతర కోర్సుల వారికైతే.. స్కాలర్‌షిప్‌ టెస్టులో 90 శాతానికి మించి మార్కులు సాధించిన వారిలో కోర్సుకు 1000 మందికి ఏడాది పాటు ట్యూషన్‌ ఫీజు, 80 నుంచి 90 శాతం మధ్య మార్కులు వచ్చిన వారిలో కోర్సుకు 5000 మందికి ఏడాదిపాటు 50 శాతం ట్యూషన్‌ ఫీజు చెల్లిస్తారు. అలాగే, 70 నుంచి 80 శాతం మధ్య మార్కులు సాధించిన వారిలో కోర్సుకు 15,000 మందికి ల్యాప్‌టాప్‌ అందజేస్తారు.

దరఖాస్తు ఫీజు: జనరల్‌, ఓబీసీ, ఈడబ్ల్యూఎస్‌ అభ్యర్థులు రూ.1450 చెల్లించాల్సి ఉండగా, మహిళలు, దివ్యాంగులు, ఎస్సీ, ఎస్టీ అభ్యర్థులకు రూ.1250 చెల్లించాలి. దీనికి జిఎస్ టీ అదనం.

పరీక్షా విధానం: ఆబ్జెక్టివ్‌ విధానంలో పరీక్ష నిర్వహిస్తారు. ఇందులో మొత్తం 200 మల్టిపుల్‌ చాయిస్‌ ప్రశ్నలు ఉంటాయి. ఫిజిక్స్‌, కెమిస్ట్రీ, బయాలజీ, ఇంగ్లీష్‌ ప్రొఫిషియెన్సీ అండ్‌ లాజికల్‌ రీజనింగ్‌ పై ఒక్కో విభాగంలో 50 ప్రశ్నలు ఉంటాయి. ఒక్కో ప్రశ్నకు నాలుగు మార్కులు చొప్పున మొత్తం మార్కులు 800 కేటాయించారు. నెగటివ్ మార్కింగ్ విధానం ఉంది. అంటే తప్పు సమాధానాలకు కోత విధిస్తారు.

ఆన్‌లైన్‌ దరఖాస్తుకు చివరి తేదీ: 15.04.2023

అడ్మిట్‌ కార్డ్స్ డౌన్‌లోడ్ తేదీ: 28.05.2023

పరీక్షలు జరుగు తేదీ: 10, 12,14, 16 జూన్ 2023

పలితాలు వెలువడే రోజు: 20.06.2023

• మరిన్ని పూర్తి వివరాలకు.. ఇక్కడ క్లిక్ చేయండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.