ధవన్ అసాధారణ క్యాచ్.. 37 ఏళ్ల వయసులో గాలిలో ఎగురుతూ..!

క్రికెట్​కు టీమిండియా అందించిన గొప్ప లెఫ్టాండర్ బ్యాటర్లలో శిఖర్ ధవన్ ఒకడు. జాతీయ జట్టులోకి కాస్త లేటు వయసులో ఎంట్రీ ఇచ్చిన ధవన్.. తనకు ఇచ్చిన అవకాశాలను సద్వినియోగం చేసుకోవడంలో ఫుల్ సక్సెస్ అయ్యాడు. వన్డేలతో పాటు టెస్టు టీమ్​లోనూ రెగ్యులర్​ ప్లేయర్​గా మారాడు. అయితే ఆ తర్వాత ఫెయిలవ్వడంతో వన్డేలకే పరిమితం అయ్యాడు. 37 ఏళ్ల ఈ డాషింగ్ ఓపెనర్ కుర్రాళ్లకు తీసిపోని రేంజ్​లో ఫిట్​నెస్​ మెయింటెయిన్ చేస్తున్నాడు. దీనికి బుధవారం ఢిల్లీ క్యాపిటిల్స్​, పంజాబ్​ కింగ్స్​కు మధ్య జరిగిన మ్యాచ్​లో ఒక క్యాచ్​ను ఉదాహరణగా చెప్పొచ్చు. ఈ మ్యాచ్​లో ఒక స్టన్నింగ్ క్యాచ్​తో మెరిశాడు ధవన్. సామ్ కరన్ వేసిన ఇన్నింగ్స్ 11 ఓవర్​ రెండో బాల్​.. డేవిడ్ వార్నర్ బ్యాట్​ ఎడ్జ్​ను తాకి గాల్లోకి లేచింది.

వార్నర్ బ్యాట్ ఎడ్జ్​ను తాకి గాల్లోకి లేచిన బాల్​ను కవర్స్​లో ఉన్న ధవన్ ఎడమ వైపునకు పరిగెత్తుకుంటూ వచ్చి గాల్లోకి డైవ్ చేస్తూ క్యాచ్ అందుకున్నాడు. అయితే తొలుత బాల్ అతడి చేతి నుంచి జారిపోతుందేమోనని అనిపించింది. కానీ ధవన్ కిందపడినా ఆ బాల్​ను మాత్రం ఒడిసి పట్టాడు. దీనికి సంబంధించిన వీడియో ఇంటర్నెట్​లో చక్కర్లు కొడుతోంది. ఈ వయసులోనూ ఇంత ఫిట్​గా ఉన్నావేంట్రా బాబు అంటూ ధవన్​ను నెటిజన్స్ మెచ్చుకుంటున్నారు. ఇకపోతే, ఈ మ్యాచ్​లో ఢిల్లీ క్యాపిటల్స్ 15 రన్స్ తేడాతో విక్టరీ కొట్టింది. ఫస్ట్ బ్యాటింగ్ చేసిన ఢిల్లీ రెండు వికెట్లకు 213 రన్స్ చేసింది. వార్నర్ (46), పృథ్వీ షా (54), రూసో (82) అద్భుతమైన బ్యాటింగ్​తో అదరగొట్టారు. ఆ తర్వాత బ్యాటింగ్​కు దిగిన పంజాబ్​కు ఆరంభంలోనే గట్టిదెబ్బ తగిలింది. కెప్టెన్ ధవన్ గోల్డెన్​ డకౌట్​గా వెనుదిరిగాడు. అథర్వ టైడే (55), లియామ్ లివింగ్​స్టోన్ (94) చెలరేగినప్పటికీ మ్యాచ్​ను ఫినిష్ చేయలేకపోయారు.

Stunning from Shikhar Dhawan 🙌

(via @IPL) #PBKSvDC #IPL2023 pic.twitter.com/px5hB5y1dH

— ESPNcricinfo (@ESPNcricinfo) May 17, 2023