ఈ సీజన్ లో ముంబై బౌలింగ్ గురించి ఎంత తక్కువగా మాట్లాడుకుంటే అంత మంచిది. కనీసం ఒక్కరైనా ఆకట్టుకునే ప్రదర్శన చేయలేకపోవడం వలన గెలవడానికి చాలానే కష్టపడుతుంది. అయితే ఇపుడు ఆ జట్టుకు ఒక శుభవార్త. బుమ్రా, ఆర్చర్ లేకపోయినా ఇప్పుడు ఆ టీమ్ లోకి ఒక అనుభవం ఉన్న ఫాస్ట్ బౌలర్ రానున్నాడు. ఆ బౌలర్ ఎవరంటే ?
ఈ సీజన్ ఐపీఎల్ లో ముంబై ఇండియన్స్ కి బ్యాటింగ్ లో తిరుగులేదు. రోహిత్, కిషన్, సూర్య, టిమ్ డేవిడ్ , గ్రీన్, తిలక్ వర్మలతో చాలా పటిష్టంగా కనిపిస్తుంది. వీరిలో ఏ ఇద్దరు గ్రీజ్ లో నిలబడినా.. భారీ స్కోర్ ఖాయం. తిలక్ వర్మ మినహాయిస్తే.. మిగిలిన వారందరు అంతర్జాతీయ ఆటగాళ్లే కావడం విశేషం. తిలక్ వర్మ కూడా మంచి ఆటగాడనే సంగతి గుర్తుంచుకోవాలి. ఇక ముంబై సమస్యంతా వారి బౌలింగ్ మీదే. టోర్నీలో ఇప్పటివరకు ఏ ఒక్కరు చెప్పుదగ్గ ప్రదర్శన చేయలేదు. అయితే ఇప్పుడు ఆ జట్టులో ఒక అనుభవం ఉన్న బౌలర్ రానున్నాడు.
ఈ సీజన్ లో ముంబై బౌలింగ్ గురించి ఎంత తక్కువగా మాట్లాడుకుంటే అంత మంచిది. కనీసం ఒక్కరైనా ఆకట్టుకునే ప్రదర్శన చేయలేకపోవడం వలన గెలవడానికి చాలానే కష్టపడుతుంది. ముఖ్యంగా డెత్ ఓవర్లలో వీరు భారీగా పరుగులివ్వడం ఆ జట్టుని బాగా కలవరపెడుతుంది. బుమ్రా దూరమవ్వడం, ఆర్చర్ గాయంతో మధ్యలోనే వైదొలగడం వలన ముంబై బౌలింగ్ ని బాగా వీక్ గా కనబడుతుంది. అయితే ఆ జట్టులో ఇప్పుడు ఇంగ్లాండ్ పేసర్ క్రిస్ జోర్దాన్ ఎంట్రీ ఇవ్వనున్నాడు. ఆర్చర్ కి రీప్లేస్ గా జోర్దాన్ ముంబై జట్టులో చేరనున్నారు. టీ 20 క్రికెట్లో జోర్దాన్ బాగా బౌలింగ్ వేస్తాడనే పేరుంది. యార్కర్ల వేయడంలో ఈ పేసర్ దిట్ట. మరి ఇతని రాకైనా ముంబై ఇండియన్స్ ని విజయాల బాట పట్టిస్తుందేమో చూడాలి.
ఇక ప్రస్తుతం ముంబై ఇండియన్స్ ఈ రోజు రాజస్థాన్ రాయల్స్ తో మ్యాచులో సిద్ధంగా ఉంది. ఐపీఎల్ లో చరిత్రలో ఈ మ్యాచు 1000 వది కావడం విశేషం. అంతే కాదు ఈ రోజు రోహిత్ శర్మ పుట్టిన రోజు కావడం గమనార్హం. ఇప్పటివరకు 7 మ్యాచులాడిన రోహిత్ సేన కేవలం 3 మ్యాచులోనే గెలిచింది. ఈ నేపథ్యంలో ప్లే ఆఫ్ కి వెళ్లాలంటే ఈ రోజు జరగబోయే మ్యాచ్ ముంబైకి చాలా కీలకం కానుంది. సొంతగడ్డపై జరగనున్న ఈ మ్యాచులో ఫామ్ లో ఉన్న రాజస్థాన్ ని ముంబై ఏ విధంగా నిలువరిస్తుందో చూడాలి. మరి జోర్దాన్ రాక ముంబై ఇండియన్స్ కి ఎంతవరకు కలిసొస్తుందో చూడాలి. ఈ విషయంలో మీ అభిప్రాయాలను కామెంట్ల రూపంలో తెలపండి.
View this post on Instagram
