follow us:
Jubilee Hills: జూబ్లీహిల్స్ సామూహిక అత్యాచారం కేసుకు సంబంధించి పోలీసుల విచారణలో విస్తుపోయే నిజాలు వెలుగుచూస్తున్నాయి. విచారణలో భాగంగా మైనర్లను కస్టడీలోకి తీసుకున్న పోలీసులు కీలక విషయాలను రాబట్టినట్లు తెలుస్తోంది. అసలు ఘటన ఎలా జరిగింది? వాళ్లు ఆ పని చేయడానికి ప్రేరణ ఏంటి? వంటి కీలక విషయాలను వెల్లడించినట్లు సమాచారం. ఇది యాధృచ్ఛికంగా జరిగిన ఘటన కాదని.. పక్కా ప్రణాళికతోనే చేసినట్లు ఇద్దరు మైనర్లు అంగీకరించినట్లు విశ్వసనీయ సమాచారం. ఒక మైనర్ మాత్రం నోరు విప్పలేదని తెలుస్తోంది. ఇద్దరు మాత్రం సామూహిక అత్యాచారానికి సంబంధించి అన్ని విషయాలు వెల్లడించినట్లు తెలుస్తోంది.
‘ఇంటర్ పరీక్షలు పూర్తయ్యాక ఖాళీగానే ఉంటూ.. రోజూ పబ్ కి వెళ్తున్నాం. మేము మైనర్లం కాబట్టి మాకు పబ్ లోకి ఎంట్రీ ఉండదు. అందుకే వేరే వాళ్లతో పార్టీలు ఏర్పాటు చేయించి.. బిల్ మేమే కడతామంటూ ఆ పార్టీలకు వెళ్తున్నాం. పబ్ కి వచ్చే బాలికలను ట్రాప్ చేయాలని ముందే నిర్ణయించుకున్నాం. ఇద్దరు అమ్మాయిలను చూశాక.. డేట్ రామని అడుగుదాం అనుకున్నాం. అసలు వాళ్లు ఎలా రియాక్ట్ అవుతారో చూద్దామని తప్పుగా బిహేవ్ చేశాం. వాళ్లకు భయంవేసి వెంటనే బయటకు వెళ్లిపోయారు. ఇద్దరిలో ఒక అమ్మాయి క్యాబ్ బుక్ చేసుకుని అక్కడి నుంచి వెళ్లిపోయింది. రెండో అమ్మాయిని ముందుగా నిర్ణయించుకున్నట్లే మాయ మాటలు చెప్పి మా ట్రాప్ లో పడేశాం. మాయ మాటలు చెప్పి.. ప్లాన్ ప్రకారమే ఆమెను కారులో ఎక్కించుకుని అత్యాచారానికి పాల్పడ్డాం.’
‘పథకం ప్రకారణే ఇదంతా చేశాం. ఇంగ్లీష్ సినిమాలు, వెబ్ సిరీస్ ల ప్రేరణతో కిడ్నాప్, సామూహిక అత్యాచారానికి పాల్పడ్డాం. చాలా ఓటీటీల్లో లో వస్తున్న వెబ్ సిరీస్ లను చూశాం. వాటి ప్రేరణతోనే ఈ అమ్మాయిని అపహరించడం, అత్యాచారం చేయడం చేశాం’ అంటూ జూబ్లీహిల్స్ సామూహిక అత్యాచార కేసులో మైనర్లు పోలీసులకు ఇచ్చిన వాగ్మూలంలో ఉన్నట్లు విశ్వసనీయ సమాచారం.
అత్యాచారానికి పాల్పడిన వారిలో ముగ్గురు మైనర్లు హైదరాబాద్ లోని వేర్వేరు ప్రాంతాల్లో నివసిస్తుండగా.. ఒకరిది మాత్రం సంగారెడ్డి జిల్లాగా తెలుస్తోంది. మైనర్లంతా హైదరాబాద్ శివార్లలోని కార్పొరేట్ కాలేజ్, ఇంటర్నేషనల్ స్కూల్స్ లో ఇంటర్ చదువుతున్నారు. వీళ్లందరికీ ఒక కామన్ ఫ్రెండ్ ఉన్నాడని.. అతనే ఫామ్ హౌస్, రిసార్ట్స్, పబ్ లలో పార్టీలు ఏర్పాటు చేస్తున్నట్లు పోలీసులు గుర్తించినట్లు సమాచారం. మరి.. ఈ ఘటన మీ అభిప్రాయాలను కామెంట్స్ రూపంలో తెలియజేయండి.
