follow us:
కాలం మారుతున్న కొద్ది యువకుల అభిరుచుల్లో కూడా మార్పులు సంభిస్తున్నాయి. ఇక సినిమాల ప్రభావం కూడా యువతపై పెద్దగానే ఉంటుందనుకోండి. అయితే తమకు నచ్చిన హీరో హెయిర్ స్టైల్ ఎలా ఉంటే.. అభిమానులు కూడా అచ్చం అదే మాదిరి హెయిర్ స్టైల్ ను మెయింటెన్ చేస్తుంటారు. సరిగ్గా ఇలాగే అనుకున్న ఓ యువకుడు ఫైర్ హెయిర్ కట్ చేయించుకుంటుండగా ఊహించిన ప్రమాదానికి గురై ప్రాణాలతో బయటపడ్డాడు. తాజాగా గుజరాత్ లో వెలుగు చూసిన ఈ ఘటనకు సంబంధించిన వీడియో ఒకటి సోషల్ మీడియాలో కాస్త వైరల్ గా మారుతోంది.
పోలీసుల కథనం ప్రకారం.. అది గుజరాత్ వాపిలోని భడక్ మోరా ప్రాంతం. ఇక్కడే ఓ యువకుడు (18) నివాసం ఉంటున్నాడు. అయితే తనకు ఫైర్ హెయిర్ కట్ నచ్చడంతో చేయించుకోవడానికి ఇటీవల స్థానికంగా ఉండే ఓ సెలూన్ కు వెళ్లాడు. అయితే ఫైర్ హెయిర్ కట్ లో భాగంగా సెలూన్ నిర్వాహకుడు యువకుడి జుట్టుకు మంట అంటించాడు. అది బెడిసి కొట్టడంతో హెయిర్ తో పాటు అతని తలపై ఉంచిన టవల్ అంటుకుని యువకుడి తల అంటుకుంది. దీంతో వెంటనే స్పందించిన స్థానికులు మంటలను పూర్తిగా ఆపి వేశారు. ఆనంతరం స్థానికులు ఆ యువకుడిని ఆస్పత్రికి తరలించి చికిత్స అందిస్తున్నారు. ఈ ఈ ఘటనపై స్పందించిన పోలీసులు కేసు నమోదు చేసుకుని సెలూన్ నిర్వహకుడిని అదుపులోకి తీసుకుని విచారిస్తున్నారు. ప్రస్తుతం ఆ యువకుడి ఆరోగ్య పరిస్థితి మెరుగుగానే ఉందని పోలీసులు తెలిపారు. ఇటీవల వెలుగు చూసిన ఈ ఘటన స్థానికంగా తీవ్ర చర్చనీయాంశమవుతోంది.
An 18-year-old man suffered severe burn injuries after his ”fire haircut” went wrong at a salon in Vapi town of Gujarat’s Valsad district#valsad #fire_haircut #ViralVideo #viralvideos2022 pic.twitter.com/K4ALzdGyq5
— Ravi kumar (@ravikumar455) October 27, 2022
