కేంద్ర, రాష్ట్ర ప్రభుత్వాలు తీసుకువచ్చే పథకాలకు అర్హులు కావాలంటే.. రేషన్‌ కార్డు తప్పనిసరిగా ఉండాలి. ఇక రేషన్‌ కార్డు మీద ఉచిత రేషన్‌ మాత్రమే కాక.. అనేక ప్రయోజనాలు పొందవచ్చు. ఆ వివరాలు..
కేంద్ర, రాష్ట్ర ప్రభుత్వం నుంచి లభించే పథకాలకు అర్హులు కావాలంటే కచ్చితంగా రేషన్‌ కార్డు ఉండాల్సిందే. మన దేశంలో సుమారు 80 కోట్ల పై చిలుకు ప్రజలకు రేషన్‌ కార్డు ఉంది. రేషన్‌ కార్డు అనగానే మనకు వెంటనే గుర్తుకు వచ్చేది ఫ్రీ రేషన్‌. కరోనా వంటి విపత్తు వేళ.. కేంద్ర, రాష్ట్ర ప్రభుత్వాలు రేషన్‌కార్డు హోల్డర్స్‌కి ఎంత సాయం చేశారో ప్రత్యేకంగా చెప్పాల్సిన పని లేదు. రేషన్‌కార్డు లేకపోతే.. ఒక్క ప్రభుత్వ పథకానికి కూడా అర్హులు కాలేరని జనాలకు కూడా తెలుసు. అందుకే ఉచిత రేషన్‌ తీసకున్నా.. తీసుకోకపోయినా రేషన్‌ కార్డు ఉండాలంటారు. ఇక సాధారణంగా రేషన్‌ కార్డు అనగానే కేవలం ఉచిత రేషన్‌ కోసం, ఆరోగ్య శ్రీ కోసమ మాత్రమే పనికి వస్తుందని భావిస్తాం. కానీ రేషన్‌ కార్డు ద్వారా ఇంకా అనేక ప్రయోజనాలు ఉన్నాయి. మరి అవి ఏంటో ఓ సారి మీరు చూడండి.
రేషన్‌ కార్డు ద్వారా ప్రధానంగా లభించే ప్రయోజనం ఏంటి అంటే.. ఉచిత రేషన్‌. కార్డు హోల్డర్లకు కేంద్ర, రాష్ట్ర ప్రభుత్వాలు చాలా తక్కువ ధరకు ఆహార ధాన్యాలను అందజేస్తాయి. కేవలం నామమాత్రపు ధర మాత్రమే వసూలు చేస్తాయి. రేషన్‌ కార్డు ద్వారా ఉచిత రేషన్‌ మాత్రమే కాక మరికొన్ని బెనిఫిట్స్‌ పొందే అవకాశం ఉంది. అవి ఏంటంటే.. రేషన్‌ కార్డు ఉన్నవారికి మాత్రమే ఆరోగ్యశ్రీ, ఆయుష్మాన్‌ భారత్‌ వంటి పథకాలకు అర్హులవుతారు. ఇక విద్యార్థులు స్కాలర్‌షిప్‌ పొందాలంటే రేషన్‌కార్డు తప్పనిసరిగా ఉండాలి. అలానే గ్యాస్‌ కనెక్షన్‌ పొందాలన్న కూడా రేషన్‌కార్డు అవసరం ఉంటుంది. అడ్రెస్‌ప్రూఫ్‌గా రేషన్‌ కార్డు వినియోగిస్తాం. ఓటర్‌ఐడీ పొందే సమయంలో కూడా రేషన్‌కార్డు ఉపయోగపడుతుంది.
ఇక కరోనా వంటి విపత్తుల సమయంలో ప్రభుత్వాలు రేషన్‌కార్డుహోల్డర్స్‌కి మాత్రమే నగదు సాయం చేశాయి. ఇక ప్రభుత్వ ఉద్యోగాలకు సిద్ధం అయ్యే వారికి నాన్‌ క్రిమిలేయర్‌ సర్టిఫికెట్‌ కూడా రేషన్‌కార్డు ఆధారంగానే ఇస్తారు. ఇలా మన నిత్యజీవితంలో అనేక సందర్భాల్లో మనకు రేషన్‌కార్డు ద్వారా పని ఉంటుంది.. ప్రయోజనం లభిస్తుంది.
మీ కుటుంబ ఆదాయం నెలకు 27 వేల రూపాయల కన్నా తక్కువ ఉంటేనే మీరు రేషన్‌కార్డు పొందగలరు. దీని కోసం అప్లై చేసుకోవాలంటే.. ఆధార్‌ కార్డు, ఓటర్‌ ఐడీలతో పాటు ఫ్యామిలీ ఫొటో, ప్రభుత్వం గుర్తించిన ఏవైనా గుర్తింపు కార్డులు అసవరం అవుతాయి. ఇక ప్రభుత్వం సూచించిన నియమాలక ప్రకారం దారిద్ర్య రేఖకు ఎగువన, దారిద్య్ర రేఖకు దిగువన, అంత్యోదయ రేషన్‌ కార్డు వంటి వేర్వేరు రకాల కార్డులను జారీ చేస్తోంది.
